21
მაისიდღის ზოგადი ასტროლოგიური პროგნოზი
ჯანდაცვის მინისტრის მოადგილის, თამილა ბარკალაიას განცხადებით, თვითდასაქმებულებს, რომლებიც რეგისტრირებულები არიან შემოსავლების სამსახურის ვებ გვერდზე, ერთჯერადი 300 - ლარიანი დახმარების მისაღებად, არ მოუწევთ ეკონომიკური საქმიანობის დამადასტურებელი ცნობის წარდგენა.
როგორც მინისტრის მოადგილემ უწყების გეგმის მეორე ეტაპის პრეზენტაციაზე განაცხადა, ამ ეტაპზე შემოსავლების სამსახურში აღრიცხული ასეთი 150 000 თვითდასაქმებულია.
"თვითდასაქმებულების შემთხვევაში არის ორი კატეგორიის ბენეფიციარები. არიან თვითდასაქმებულები, რომლებიც რეგისტრირებულები არიან შემოსავლების სამსახურის ვებ გვერდზე. ეს არის ინდივიდიალური მეწარმე, მცირე მეწარმე, ფიქსირებული გადასახადის გადამხდელები, რომლებიც უკვე დაიდენტიფიცირებული ჰყავს სახელმწიფოს და ასეთი ადამიანების რაოდენობა ამ ეტაპზე არის დაახლოებით 150 000. ამ ადამიანებს ასევე დაეგზავნებათ შემოსავლების სამსახურის ვებ გვერდზე ინფორმაცია, რომ ისინი არიან ამ დახმარების მიმღებები და შესაბამისად, მათ არ მოუწევთ ეკონომიკური საქმიანობის დამდაასტურებელი რაიმე ცნობის მოძიება და ცნობის მოტანა. მათი მხრიდან საკმარისი იქნება მხოლოდ ანგარიშის ნორმის წარდგენა“, - განაცხადა ბარკალაიამ.
რაც შეეხება ბენეფიციარების მეორე კატეგორიას, რომლებიც არ არიან რეგისტრირებული შემოსავლების სამსახურში, ბარკალაიას განცხადებით, მათ მოუწევთ დამატებითი საბუთის წარდგენა.
„რაც შეეხება მეორე კატეგორიას, ეს არიან ფიზიკური პირები, რომლებიც ეწევიან ეკონომიკურ საქმიანობას პირველი კვარტლის განმავლობაში, თუმცა არ არის რეგისტრირებულები შემოსავლების სამსახურში ან ნებისმიერი სხვა ფორმალური აღრიცხვა მათი არ არსებობს, ამ შემთხვევაში, მათ დასჭირებათ დამატებითი საბუთის წარდგენა“, - განაცხადა ბარკალაიამ.
კარგია რომ ხალხს ეხმარებით. თუმცა სოფლებმა რა დაგიშავათ (თანხის დარიგებას არ გთხოვთ) ბაზრებში შეუშვით ხალხი. ქალაქი ჩაკეტილია და ბაზრის გახსნას რა აზრი აქვს. სოფელში ჩამოსული საშვიანი მყიდველები ცოტაა და ვერ იღებს ყველა ოჯახიდან პროდუქციას.გახსენით ბაზარში შემსვლელი გლეხებისთვის გზა ხალხი არხართ ?
მთავარია მთავრობის წევრებს ხომ აქვთ ათასობით ხელფასი პრემია და დანამატები,ხალხს რაც უნდა ის უქნია