მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ეღირება COVID-19-ის საწინააღმდეგო ვაქცინა - სექტემბერში 40 მილიონი დოზა იქნება მზად
10:00 / 15-06-2020
ვაქცინების მწარმოებელი მსოფლიოს უმსხვილესი კომპანია კორონავირუსის საწინააღმდეგო იმ ვაქცინის მასიურ წარმოებას იწყებს, რომელიც ოქსფორდის უნივერსიტეტში შეიქმნა. ადამიანებზე მისი გამოცდაც დაიწყო, თუმცა ჯერჯერობით უცნობია ეფექტურობა.
გამოცემა Business Insider წერს, რომ საუბარია ინდოეთის სერუმის ინსტიტუტზე (Serum Institute of India), რომელიც ვაქცინების უმსხვილესი მწარმოებელია და სადაც ყოველწლიურად სხვადასხვა დაავადებების საწინააღმდეგო 1.5 მილიონ დოზა ვაქცინას ქმნიან.
მწარმოებლის მიზანია, რომ სექტემბერ-ოქტომბრისთვის, როცა უკვე COVID-19-ის საწინააღმდეგო ვაქცინის ეფექტურობა ცნობილი იქნება, უკვე არსებობდეს ვაქცინების ის რაოდენობა, რომელიც მსოფლიოში არსებულ მოთხოვნას უპასუხებს.
"ბიზნეს ინსაიდერის“ ცნობით, ინდოეთის სერუმის ინსტიტუტის აღმასრულებელი დირექტორი, ადარ პუნავალა, Times of India-სთან ამბობს, რომ ვერ მოიცდიან. მისი თქმით, ინსტიტუტი თვეში ზემოთ აღნიშნული ვაქცინის 5 მილიონ დოზაზე მეტის წარმოებას გეგმავს, რათა როცა უკვე გაირკვევა, რომ ვაქცინა წარმატებულია, ის საკმარისი რაოდენობის იყოს და მსოფლიოში არსებულ მოთხოვნას უპასუხოს.
"ჩვენ არ ველოდებით ვაქცინის გამოცდის დასრულებას და მის შედეგებს დიდ ბრიტანეთში და არ ვაპირებთ წარმოების მას შემდეგ დაწყებას, რაც ვაქცინის ეფექტურობა გვეცოდინება. ჩვენი მიზანია თვეში 5 მილიონ დოზამდე ვაქცინის დამზადება. ხოლო შემდეგ, როცა უკვე გვეცოდინება, რომ ვაქცინა წარმატებულია, წარმოებას კიდევ უფრო გავზრდით.
გვინდა, რომ სექტემბერ-ოქტომბრისთვის 20-დან 40 მილიონამდე დოზა ვაქცინა გვქონდეს მზად“, - ამბობს ინსტიტუტის აღმასრულებელი დირექტორი და დასძენს, რომ რისკებს შესანიშნავად აცნობიერებს.
მისივე თქმით, ვაქცინას ხელმისაწვდომი ფასი უნდა ჰქონდეს.
"ვგეგმავთ, რომ ვაქცინას ხელმისაწვდომი ფასი ჰქონდეს. ინდოეთში, დაახლოებით, 13 დოლარი ეღირება“, - ამბობს ის და განმარტავს, რომ ზოგადად, წამლის ფასები სხვადასხვა ქვეყანაში განსხვავებულია და ერთი და იგივე მედიკამენტი შეიძლება სხვაგან უფრო ძვირი ღირდეს.
აღსანიშნავია, რომ ბრიტანელმა პროფესორმა სარა გილბერტმა, რომელიც აღნიშნული ვაქცინის შექმნას ხელმძღვანელობს, ჯერ კიდევ 11 აპრილს დაასახელა კორონავირუსის ვაქცინის შექმნის რეალურ ვადად სექტემბრის თვე.
"ვფიქრობ, ძალიან დიდი შანსია, რომ ის იმუშავებს“, - ამბობს სარა გილბერტი. ვაქცინა ოქსფორდში დაახლოებით 1000 მოხალისეზე გამოსცადეს, თუმცა მეცნიერებს დასკვნა მის ეფექტურობასთან დაკავშირებით ჯერ არ მიუღიათ. ვაქცინაზე მომუშავე სპეციალისტთა ჯგუფის ოქსფორდელი წარმომადგენლები იმედოვნებენ, რომ სექტემბრამდე 1 მილიონ დოზა ვაქცინას თავადაც შექმნიან.
აღსანიშნავია, რომ კორონავირუსის საწინააღმდეგო სხვადასხვა ვაქცინის გამოცდა დიდი ბრიტანეთის გარდა დაწყებულია გერმანიაში, აშშ-სა და ჩინეთში (ნახეთ:ქვეყნები, სადაც COVID-19-ის საწინააღმდეგო ვაქცინის გამოცდა ადამიანებზე უკვე დაიწყეს).
მსოფლიოში 11 მარტიდან კორონავირუსის პანდემიაა გამოცხადებული. ამ დროისთვის ვირუსით, გლობალური მასშტაბით, 7,9 მილიონი ადამიანი დაინფიცირდა, მათ შორის 435 681 პაციენტი გარდაიცვალა, ხოლო 4.1 მილიონი ადამიანი გამოჯანმრთელდა.
მკითხველის კომენტარები /
32 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვისაც შეუძლია ეგ ნამდვილად არ უნდა გაიკეთოს.
მე გერმანიაში ვცხოვრობ და სულ იმას გვეუბნებიან, მომავალი წლის მარტ, აპრილამდე აცრა არ იქნებაო, ბევრი შემოწმება უნდა გაიაროს, სექტემბერი რა მალეა.