მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა დაემართა კიმ ჩენ ინს - რას წერს მსოფლიო მედია ჩრდილოეთ კორეის ლიდერზე
12:27 / 26-04-2020
ერთ კვირაზე მეტია, რაც ჩრდილოეთ კორეის ლიდერის, კიმ ჩენ ინის ჯანმრთელობის მდგომარეობასთან დაკავშირებით მედიაში სხვადასხვა, ურთიერთგამომრიცხავი ცნობები ვრცელდება. ჩრდილოეთ კორეის პოლიტიკიდან გამომდინარე, ზუსტი ინფორმაციის გარკვევა რთულია.
ზოგიერთი მედიასაშუალება წერს, რომ დიქტატორი გარდაიცვალა, ზოგი ცნობით, მან გულის ოპერაცია გაიკეთა და ჯანმრთელობის მძიმე პრობლემები აქვს, არსებობს ცნობა იმის შესახებაც, რომ კიმ ჩენ ინი კომაშია, თუმცა არც იმას გამორიცხავენ, რომ ის, შესაძლოა, თავს შესანიშნავად გრძნობდეს და განვითარებულ მოვლენებს შორიდან აკვირდებოდეს.
ვნახოთ რას წერენ სხვადასხვა ავტორიტეტული გამოცემები მისი ჯანმრთელობის მდგომარეობის შესახებ:
- CNN
გამოცემა 21 აპრილს წერდა, რომ ჩრდილოეთ კორეის ლიდერს გულის ოპერაცია ჩაუტარეს და სავარაუდოდ, მძიმე მდგომარეობაშია. CNN-ის ცნობით, კიმ ჩენ ინის ჯანმრთელობის მდგომარეობის შესახებ ეჭვი მას შემდეგ გაჩნდა. რაც ის ბაბუის იუბილესთან დაკავშირებით გამართულ საზეიმო ღონისძიებას არ დაესწრო.
"სიენენის" სტატიაში ნათქვამია, რომ სამხრეთ კორეული ახალი ამბების სააგენტო Daily NK-ის ინფორმაციით, ჩრდილოეთ კორეის ლიდერს 12 აპრილს გულ-სისხლძარღვთა სისტემის პროცედურა ჩაუტარეს. მათივე ცნობით, აღნიშნული პროცედურის ჩატარება მას "თამბაქოს ჭარბი მოხმარებისა და გადაჭარბებული წონის“ გამო დასჭირდა. CNN-ი განმარტავს, რომ შეერთებული შტატები კიმ ჩენ ინის მდგომარეობის შესახებ ცნობებს თვალყურს ადევნებს და აღნიშნული ინფორმაციის გადამოწმებას ცდილობს.
აღსანიშნავია, რომ კიმ ჩენი ინის მდგომარეობასთან დაკავშირებით კომენტარი გააკეთა აშშ-ის პრეზიდენტმა, დონალდ ტრამპმაც - "იმედი მაქვს, კარგად არის. მე მასთან ძალიან კარგი ურთიერთობა მაქვს და მინდა კარგად იყოს. მინდა მას ვუსურვო წარმატება და წარმატება. ძალიან სერიოზული ცნობები გავრცელდა, მაგრამ არავის დაუდასტურებია. „სიენენი“ წერდა და როცა „სიენენი“ ავრცელებს მსგავს რაღაცას, მე მას დიდ სანდოობას ვერ მივანიჭებ“, - აღნიშნა ტრამპმა.
- Reuters
სააგენტო "როიტერსმა“ 25 აპრილს გაავრცელა ინფორმაცია იმის შესახებ, რომ ჩინეთმა ჩრდილოეთ კორეაში მედიკოსების ჯგუფი გაგზავნა. სააგენტოს ცნობით, მედიკოსებმა კიმ ჩენ ინის ჯანმრთელობასთან დაკავშირებით რეკომენდაციები და რჩევები უნდა გასცენ.
- New York Post
გამოცემა აქვყნებს ვრცელ სტატიას, სადაც საუბარია კიმ ჩენ ინის ჯანმრთელობის მდგომარეობის სამ ვარიანტზე - ის ან გარდაიცვალა, ან კომაშია და ან თავს შესანიშნავად გრძნობს წერს "ნიუ იორკ პოსტი“. სტატიაში ნათქვამია, რომ ჰონგ კონგის მაუწყებელმა შაბათს "ძალიან სანდო წყაროზე“ დაყრდნობით კიმ ჩენ ინის გარდაცვალებაზე განაცხადა, თუმცა აქვე ერთ-ერთმა იაპონურმა ჟურნალმა დაწერა, რომ ის "ვეგეტატიურ მდგომარეობაშია“. გამოცემა იმასაც აღნიშნავს, რომ თავად ჩრდილოეთ კორეის მედია ისე იქცევა, რომ თითქოს ყველაფერი ნორმაშია.
ასევე პეკინში ვრცელდება დაუდასტურებელი ცნობები, რომელთა თანახმადაც, ის ოპერაციის დროს გარდაიცვალა.
- The Guardian
მედიაში ვრცელდება თანამგზავრიდან გადაღებული ფოტოები. როგორც ბრიტანული გამოცემა "გარდიანი" წერს, მასზე ჩანს სპეციალური მატარებელი, რომელიც ჩრდილოეთ, შესაძლოა, კორეის ლიდერს ეკუთვნოდეს. მატარებელი განთავსებულია საკურორტო ქალაქში. გამოცემა ყოველივეს სააგენტო "როიტერსზე" დაყრდნობით წერს და აღნიშნავს, რომ "როიტერსი“ ვერ ადასტურებს იმყოფება თუ არა საკურორტო ქალაქში კიმ ჩენ ინი.
"მატარებლის ყოფნა არ ამტკიცებს და არ უსვამს ხაზს ჩრდილოეთ კორეის ლიდერის ადგილსამყოფელს და არც მისი ჯანმრთელობის მდგომარეობაზე გვეუბნება რაიმეს“, - წერს გამოცემა.
- აღსანიშნავია, რომ ეს არ არის პირველი შემთხვევა,როცა კიმ ჩენ ინი "გაქრა" და მთელი მსოფლიო აალაპარაკა.
როგორც BBC წერს, 2014 წელს კიმ ჩენ ინი "გაუჩინარდა“ და 40 დღის განმავლობაში მის შესახებ არავინ არაფერი იცოდა. მაშინაც ჩრდილოეთ კორეის ლიდერის ჯანმრთელობის მდგომარეობის შესახებ მედიაში უამრავი ურთიერთგამომრიცხავი ცნობა ვრცელდებოდა და ყოველივე არაერთი სპეკულაციის მიზეზი გახდა.
შემდეგ კი ყველასთვის მოულოდნელად ერთ-ერთ ოფიციალურ შეხვედრაზე გამოჩნდა.
ამ დროისთვის ჩრდილოეთ კორეის სახელმწიფო მედია საუბრობს კიმ ჩენ ინის "არაკომფორტულ ფიზიკურ მდგომარეობაზე“, მაგრამ რამდენად სერიოზულია მისი მდგომარეობა, რომელი ინფორმაცია შეესაბამება სინამდვილეს, უცნობია და ოფიციალურად დადასტურებული ცნობები ჯერჯერობით არ არსებობს.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა გზავნილები აქვთ ევროპარლამენტარებს და როგორია გამოხმაურებები საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოწამლეს ასიანი.
კარანტინშია ადამიანი და მოასვენეთ რა