პირები, რომლებმაც სამსახური დაკარგეს, 200-ლარიან დახმარებას მაისიდან მიიღებენ

200-ლარიან დახმარებას სამსახურდაკარგული პირები მაისიდან მიიღებენ. გიორგი გახარიას თქმით, სახელმწიფო დახმარებას ფინანსთა სამინისტრო გასცემს, მას შემდეგ, რაც შემოსავლების სამსახურს ექნება ინფორმაცია კომპანიების მიერ ჩაბარებული დეკლარაციების სახით, სადაც გამოჩნდება რომ კონკრეტულმა ადამიანმა სამსახური დაკარგა.

შეგახსენებთ, ანტიკრიზისული გეგმის მიხედვით, საქართველოს მთავრობა პანდემიის გამო უმუშევრად დარჩენილ ადამიანებს 1200 ლარით დაეხმარება 6 თვის განმავლობაში, ანუ თვეში 200 ლარით.

"ჩვენთვის კრიტიკულად მნიშვნელოვანი იყო ამ დახმარების მდგრადობა. დახმარებით სარგებლობას, დღეს იმ ფონდებით, რომელიც გაგვაჩნია, შეძლებს მინიმუმ 350 ათასი მოქალაქე, რაც ბიუჯეტისთვის ნიშნავს 460 მლნ ლარის ხარჯს. ამ ღონისძიების მიზანი არის ის, რომ შეგვეძლოს, ადამიანებს, რომელთაც დაკარგეს სამსახური, 6 თვის განმავლობაში მინიმალური ფინანსური მხარდაჭერა გავუწიოთ“,- განაცხადა გახარიამ.

იხილეთ დეტალურად რას გულისხმობს მთავრობის ანტიკრიზისული გეგმა