"ყველა ჯიპიანი რომ გგონიათ, მამაო ვირით გადაადგილდება... აღარც ძაღლებს, არც მას არ აქვთ საჭმელი" - ხაშურში მოღვაწე სასულიერო პირს დახმარება სჭირდება
მამა სებასტიანე ნეფარიძეს, რომელიც ხაშურის ერთ-ერთ ტაძარში მსახურობს, ვირით გადადგილდება და უამრავი ცხოველი ჰყავს შეფარებული, მათი დიდი ნაწილი ინვალიდია. საგანგებო მდგომარეობის პირობებში სასულიერო პირს მათი რჩენა გაუჭირდა, რადგანაც თავადაც ვერ ახერხებს სავაჭრო ობიექტებამდე მისვლას და სოფელშიც ვერავინ ადის გადადგილბის შეზღუდვის გამო.
ინტერნეტმომხმარებელი ლელა დვალიძე მამა სებასტიანეს შესახებ წერს და საზოგადოებას მისი დახმარებისკენ მოუწოდებს:
"ჩემს მეგობარ ჟურნალისტებს! ჩემი მეგობარი ჟურნალისტების მეგობარ ჟურნალისტებს! მინდა მოგაწვდინოთ ხმა: ხაშურის მუნიციპალიტეტში, წრომის მაღლა დედა ღვთისას მონასტერში ცხოვრობს მამა სებასტიანე, თავის მოხუც თუ ინვალიდ 45 ძაღლთან ერთად, რომლებიც ქუჩაში იპოვა და გადაარჩინა... აღარც ძაღლებს, აღარც მამაოს არ აქვთ საჭმელი...
ყველა ჯიპიანი რომ გგონიათ, მამაო ვირით გადაადგილდება და საჭმელი რომ მიიტანოს მონასტრამდე ტაქსს ქირაობს, ამჯერად ამის გაკეთება არსებული მდგომარეობიდან გამომდინარე არ შეუძლია... ძალიან გთხოვთ გაავრცელეთ ინფორმაცია, იქნება ახლო-მახლო არის ვინმე გულისხმიერი ადამიანი, ან საპატრულო პოლიცია, რომელიც დაეხმარება მშიერ ადამიანს საკვების შეძენაში და მონასტრამდე მიატანინებს...
5 მოხარშული კვერცხიღა დამრჩაო მამაომ, სიკეთე აუცილებლად დაგიბრუნდებათ უკან!" - წერს დვალიძე და სასულიერო პირის დასახმარებლად ანგარიშიზ ნომერსაც აქვეყნებს.
მსურველებს თანხის ჩარიცხვა შეუძლიათ "თიბისი ბანკის" ანგარიშის ნომერზე:
GE65TB7283145061100108
მიმღები: გოჩა ნეფარიძე
"მათთვის, ვისაც წარმოდგენა არა აქვს, როგორი იყო აფხაზეთი..." - წლების წინანდელი ულამაზესი ფოტოები ოკუპირებული რეგიონიდან
"მეგობრებო, დაიწყო მართული შეტევა ჩემზე და ჩემს კოლეგებზე..." - პაატა იმნაძე
