16
მარტიდღის ზოგადი ასტროლოგიური პროგნოზი
მომღერალი თიკა მახალდიანი დედის ტრაგიკულ გარდაცვალებასთან დაკავშირებით სოციალურ ქსელში წერს:
"ჩემი სილამაზე აღარ მყავს. დედა მომიკლეს საკუთარ სახლში! ჩემი მზეთუნახავი დედიკო, მაგრამ ის მაძლიერებს მარტო რო სამოთხეში წავიდა. მადლობა ყველას სათითაოდ", - წერს თიკა.
შეგახსენებთ, თბილისის პროკურატურის საგამოძიებო ნაწილის თანამშრომლებმა, საქართველოს შინაგან საქმეთა სამინისტროსთან ერთად ჩატარებული საგამოძიებო მოქმედებების შედეგად თამარ ანთელავას გაუფრთხილებლობით სიცოცხლის მოსპობის ფაქტზე ბრალდებულად საქართველოს შინაგან საქმეთა სამინისტროს თანამშრომელი სოსო გაბრიაძე დააკავეს.
პროკურატურის ინფორმაციით, საქმეზე ჩატარებული გამოძიებით დგინდება, რომ ნასვამ მდგომარეობაში მყოფმა სოსო გაბრიაძემ საკუთარი საცხოვრებელი ბინის აივნიდან განახორციელა ცეცხლსასროლი იარაღიდან უმისამართო გასროლა. გასროლილი ტყვია თავის არეში მოხვდა მიმდებარე კორპუსში მცხოვრებ თამარ ანთელავას, რის შედეგადაც ეს უკანასკნელი გარდაიცვალა. იმის გათვალისწინებით, რომ შესაძლოა დანაშაული ჩადენილი ყოფილიყო შინაგან საქმეთა სამინისტროს თანამშრომლის მიერ, გამოძიების საწყის ეტაპზევე სისხლის სამართლის საქმე გამოსაძიებლად გადმოეცა თბილისის პროკურატურის საგამოძიებო ნაწილს.
აღნიშნული მუხლი გულისხმობს შინაპატიმრობას ვადით ექვსი თვიდან ორ წლამდე ან თავისუფლების აღკვეთას ორიდან ოთხ წლამდე ვადით.
ფაქტობრივად, ამ ქალმა თავი გაწირა, რომ ხვალ მე, შენ, სხვას არ მოგვხვედროდა იმისა და იმნაირების მიერ ნასროლი შემდეგი ბრმა ტყვია.