მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა დრო სჭირდება COVID-19-სგან სრულ გამოჯანმრთელებას - ზოგიერთი პაციენტის შემთხვევაში პროცესი შესაძლოა, 18 თვემდე გაგრძელდეს
09:43 / 27-04-2020
COVID-19 2019 წლის მიწურულს გამოჩნდა. დღეს კი, ის მთელი მსოფლიოს პრობლემაა. კორონავირუსის ახალი შტამი ჯერ კიდევ შესწავლისა და კვლევის საგანია. მის გარშემო უამრავი პასუხგაუცემელი კითხვა გვაქვს.
ერთ-ერთი საკითხი, რომელიც საზოგადოებას აინტერესებს, არის ის, თუ რა დრო სჭირდება ვირუსისგან გამოჯანმრთელებას.
აღნიშნულ თემაზე ბრიტანული გამოცემა BBC ბრიტანელი ექიმების დაკვირვებასა და ჯანდაცვის მსოფლიო ორგანიზაციის კვლევებზე დაყრდნობით წერს. სტატიაში აღნიშნულია, რომ გამოჯანმრთელების ხანგრძლივობა დამოკიდებულია იმაზე, თუ რა სირთულით მიმდინარეობს ვირუსი ადამიანის ორგანიზმში.
BBC-ის ცნობით, არსებობს ნიშნები იმისა, რომ ზოგიერთ პაციენტში სრულ გამოჯანმრთლებას რამდენიმე თვე დასჭირდება. გამოცემა წერს, რომ ის, თუ რა სირთულით წარიმართება დაავადება ორგანიზმში, ბევრ ფაქტორზეა დამოკიდებული, მათ შორის, ასაკზე, სქესზე და ჯანმრთელობის თანმდევ პრობლემებზე.
- რა დრო სჭირდება გამოჯანმრთელებას, თუ დაავადება ორგანიზმში საშუალო სირთულით მიმდინარეობს?
COVID-19-ით ინფიცირებულთა უმეტესობაში დაავადებას ახლავს შემდეგი მთავარი სიმპტომები - ხველება და სხეულის მაღალი ტემპერატურა, მაგრამ ასევე შეიძლება ინფიცირებული გრძნობდეს სხეულის, ყელისა და თავის ტკივილს, დაღლილობას. ხველება, როგორც წესი, მშრალია.
ასეთი სიმპტომების მქონე ინფიცირებული, საშუალო სირთულის პაციენტად ითვლება და მას საწოლში, ბევრი სითხეებისა და პარაცეტამოლის მიღებით მკურნალობენ.
BBC წერს, რომ ასეთ შემთხვევაში, ადამიანები შედარებით სწრაფად ჯანმრთელდებიან. სიცხე ერთ კვირაში იწევს და ნორმას უბრუნდება. თუმცა, შესაძლოა, ხველება დარჩეს.
ჯანდაცვის მსოფლიო ორგანიზაციის ანალიზის მიხედვით, ჩინეთში ჩატარებულმა კვლევამ აჩვენა, რომ როცა დაავადება ორგანიზმში საშუალო სირთულით მიმდინარეობს, გამოჯანმრთელებას, დაახლოებით, 2 კვირა სჭირდება.
- რა დრო სჭირდება გამოჯანმრთელებას, თუ პაციენტის მდგომარეობა უფრო მძიმეა და თან ახლავს სუნთქვის გართულება?
დაავადება ზოგიერთ პაციენტში შეიძლება დამძიმდეს და უფრო სერიოზული ფორმა მიიღოს. ეს ხდება ინფიცირებიდან მეშვიდე, მეათე დღეს. დაავადების ტრანსფორმირება შეიძლება იყოს მოულოდნელი.
ასეთ დროს პაციენტს სუნთქვა უძნელდება და ფილტვების მდგომარეობა მძიმდება და საჭირო ხდება ჟანგბადის თერაპია. ექიმი, სარა ჯარვისი BBC-სთან ამბობს, რომ ასეთ დროს გამოსაჯანმრთელებლად, საშუალოდ, 2-დან 8 კვირამდე პერიოდია საჭირო.
- რა დრო სჭირდება პაციენტის გამოჯანმრთელებას, თუ მას ინტენსიური თერაპია სჭირდება?
ჯანდაცვის მსოფლიო ორგანიზაციის შეფასებით, 20 ინფიცირებულიდან ერთს შეიძლება დასჭირდეს ინტენსიური თერაპია, რომელიც ხელოვნური სუნთქვის აპარატის გამოყენებას გულისხმობს. ინტენსიური თერაპიის განყოფილებიდან გამოჯანმრთელების შემდეგ, პაციენტი ჯერ ჩვეულებრივ პალატაში გადაჰყავთ, სადაც აგრძელებს მკურნალობას სახლში გაწერამდე.
ექიმი ალისონ პიტარდი, ინტენსიური თერაპიის სპეციალისტი ამბობს, რომ ასეთ შემთხვევაში პაციენტის სრულად გამოჯანმრთელებას 12-დან 18 თვემდე პერიოდი სჭირდება. თუმცა, არის ისეთი შემთხვევებიც, როცა კრიტიკულ მდგომარეობაში მყოფმა ინფიცირებულებმა უფრო მალეც დაამარცხეს ვირუსი. ექიმი აღნიშნავს, რომ საავადმყოფოში დიდი დროის გატარება, კუნთების მასის დაკარგვას იწვევს. პაციენტები არიან დასუსტებულები და კუნთებს აღსადგენად დრო სჭირდება.
ზოგიერთ ადამიანს შეიძლება ფიზიოთერაპიაც კი დაჭირდეს იმისთვის, რომ ისევ იაროს. შესაძლოა, ყოველივეს თან სდევდეს ფსიქოლოგიური პრობლემები.
"ჩვენ არ ვიცით ასეთი პაციენტების განკურნების ზუსტი პერიოდი, პოტენციურად, თვეები სჭირდება სრულ გამოჯანმრთელებას“, - ამბობს ექიმი პოლ ტვოსი, რომელიც კრიტიკულ მდგომარეობაში მყოფ ინფიცირებულებთან მუშაობს.
მისივე თქმით, ძნელია განზოგადება, რადგანაც ზოგიერთი ადამიანი შედარებით მცირე პერიოდს ატარებს ინტენსიური თერაპიის განყოფილებაში და რამდენიმე კვირაში ამარცხებს ვირუსს.
- მოახდენს თუ არა კორონავირუსი გავლენას მომავალში გამოჯანმრთელებულის ჯანმრთელობის მდგომარეობაზე?
როგორც BBC წერს, შესაძლოა, განვითარდეს რესპირატორული დისტრესის სინდრომი, რაც დაკავშირებულია კორონავირუსის გამო ფილტვების დაზიანებასთან.
"არსებობს კვლევა, რომლის თანახმადაც, მოსალოდნელია, რომ ხუთი წლის შემდეგაც კი შეიძლება ადამიანს ჰქონდეს კორონავირუსისგან დატოვებული ფიზიკური და ფსიქოლოგიური პრობლემები“, - ამბობს ექიმი ტვოსი.
ექიმ ჯეიმს გილის თქმით კი, ადამიანებს სჭირდებათ მენტალურ დონეზე დახმარება იმისთვის, რომ საბოლოოდ გამოჯანმრთელდნენ.
"როცა სუნთქვა უჭირს პაციენტს, ექიმი ეუბნება, "ხელოვნური სუნთქვის აპარატი უნდა გაგიკეთოთ, უნდა დაგაძინოთ. დაემშვიდობებით ოჯახს?“ ეს ბევრი პაციენტისთვის უდიდესი ფსიქოლოგიური სტრესისა და შიშის მიზეზი ხდება“, - ამბობს ექიმი.
მედიკოსების თქმით, არსებობს ალბათობა, რომ COVID-19-სგან განკურნებულ პაციენტებს ხანგრძლივად დარჩეთ დაღლილობის შეგრძნება.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგით,ნუ შეჭამეთ ტვინი.გასაგებია ყველაფერი! გადადის ქრონიკულში ჩემი ფრონტიტივით? ჯანდაბა მაგას,ეგდოს! დდ
რელი 12-18 თვე?4 თვეა რაც ეს ვირუსია სულ,რეებს ბოდიალობთ,"შესაძლოა დასჭირდეს18 თვე გამოსაჯანმრთელებლად"...მასე შესაძლოა 59 ან 87 თვე დასჭირდეს...შესაძლოა