მნიშვნელოვანი ინფორმაცია
28
ივლისიდღის ზოგადი ასტროლოგიური პროგნოზი
ორშაბათი, მთვარის მეხუთე დღე დაიწყება 09:51-ზე, მთვარე ქალწულშია – ყველაფრის მიღწევა შეიძლება, თუ კრეატიული ხართ და მიზნის მიღწევას ცდილობთ. უნდა დაიცვათ თქვენი პრინციპები და აქტიურად გამოხატოთ თქვენი ემოციები და გრძნობები. გადაიხადეთ ვალები. დაასრულეთ რაც დაიწყეთ. განახორციელეთ ნებისმიერი რადიკალური ცვლილება - ავეჯის გადაწყობიდან ბიზნესის კონცეფციის შეცვლამდე. არ არის რეკომენდებული ფინანსური საქმეების წარმართვა. ახალი საქმეების დაწყება. ოჯახის შექმნა არ არის მიზანშეწონილი. აი, მარტოხელა ადამიანებს გელოდებათ საინტერესო ნაცნობობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ექიმები ლამის ტირილით გვთხოვენ, რომ არ შევიკრიბოთ... გამოდიან მღვდლები და ბავშვების ტექსტებით ლაპარაკობენ" - დეკანოზი თამაზ ლომიძე
18:39 / 17-04-2020
ყველამ რომ დაარღვიოს წესი, ეკლესიამ არასოდეს უნდა დაუშვას იმ კანონის დარღვევა, მოყვასის სიცოცხლეს რომ იცავს,-ამის შესახებ დეკანოზი თამაზ ლომიძე "ფეისბუქის" პირად გვერდზე წერს. როგორც დეკანოზი აღნიშნავს, დღეს ეკლესიისგან ერთადერთი და საუკეთესო ლოცვა-კურთხევა იქნებოდა, დაკეტილ ტაძრებში სამღვდელოების მარტო, მრევლის გარეშე ღვთისმსახურება, ხოლო მრევლისთვის სახლში ლოცვა და უსაფრთხოდ დარჩენა.
დეკანოზი ეხმაურება ზოგიერთი სასულიერო პირის განცხადებასაც, რომელთა თქმითაც, თუკი შეზღუდვები სასურსათო მაღაზიებს არ უწესდება, გაუგებარია, ტაძრებს რატომ უნდა დაუწესდეს. მისი შეფასებით, სამღვდელოებას არაფერი ეკითხება, რას აკეთებს სურსათის მაღაზიები.
დეკანოზ თამაზ ლომიძის შეფასებით, ეკლესიამ კიდევ ერთხელ დაკარგა საკუთარი ხალხისთვის სასიცოცხლოდ აუცილებელი გადაწყვეტილების მიღების შანსი.
"ბავშვობისას რამეს რომ დავაშავებდით, შემდეგ სამართლიანად რომ მიგვითითებდა ან დაგვსჯიდა ხოლმე მშობელი და ჩვენ კი მოვყვებოდით ბუზღუნს და-ძმაზე: ისიც ხომ აშავებს, იმას რატომ არ სჯიო და რომ გვიპასუხებდნენ ხოლმე: ის თუ აშავებს, არ ნიშნავს, რომ შენც უნდა დააშავო, ის თავისას მიიღებს, შენ შენს საქციელს მიხედეო, ხომ გახსოვთ ეგ დიალოგი?
აი, სამწუხაროდ მაგ ასაკში და აზროვნებაში გაჭედილი ზრდასრულები გვყავს ჩვენს ეკლესიაში, რომელთაც უკვე ადამიანების სიცოცხლე აბარიათ, პასუხისმგებლები არიან ქრისტეს სამწყსოზე და იგივე ბავშვური ტექსტებით ბუზღუნებენ. მაშინ, როცა საავადმყოფოებში უჰაერობით იღუპებიან ადამიანები და ექიმები ლამის ტირილით გვთხოვენ, არსად და არავითარ შემთხვევაში არ შევიკრიბოთ, გამოდიან მღვდელმთავრები და მღვდლები და პატარა ბავშვების ტექსტებით ლაპარაკობენ საჯაროდ: მარტო ჩვენ რატომ უნდა "დავისაჯოთ", სუპერმარკეტებს რატომ არ ”სჯითო”.
არ გრცხვენიათ, რაზე საუბრობთ საერთოდ? რაში გეკითხებათ თქვენ, რას აკეთებს "კარფური" და "გუდვილი"? ყველამ რომ დაარღვიოს წესი, ეკლესიამ არასოდეს უნდა დაუშვას იმ კანონის დარღვევა, მოყვასის სიცოცხლეს რომ იცავს. ყველაზე მეტად გულდასაწყვეტია ეს გამოუყენებელი და გაფუჭებული შესაძლებლობაა, როცა აშკარად იცი, რომ საუკეთესო და შენი ხალხისთვის სასიცოცხლოდ აუცილებელი გადაწყვეტილების მიღების ბრწყინვალე შანსი უკვე მერამდენედ დაკარგა შენმა ეკლესიამ.
მე მწამს, რომ დღეს ეკლესიისგან ერთადერთი და საუკეთესო ბრძანება თუ ლოცვა-კურთხევა იქნებოდა: დაკეტილ ტაძრებში სამღვდელოების მარტო, მრევლის გარეშე ღვთისმსახურება, ხოლო ეკლესიის მრევლისთვის სახლში ლოცვა და უსაფრთხოდ დარჩენა. სულერთია, რა დღესასწაულია და ასევე სულერთია, ვინ რას აშავებს. ეკლესიამ არასოდეს უნდა დაარღვიოს ადამიანზე ზრუნვის ღვთაებრივი კანონი. ვწუხვარ ძალიან ღრმად და გულწრფელად. ღმერთმა დაიფაროს საქართველო“, - წერს სოციალურ ქსელში დეკანოზი თამაზ ლომიძე.
მკითხველის კომენტარები /
22 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საერთაშორისო პარტნიორების კრიტიკული გზავნილები და განცხადებები პოლიტიკურ სპექტრში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მადლობა უფალს,რომ მე არა ვარ თქვენი სულიერი შვილი და მრევლი
რა გაბურᲦე Შენ ტვინი Თქვა საპატრიარქომ რომ რისკი არსებობს და უმეტესობა არ მივდივარᲗ! Შენზე მეტად ზრუნავენ Ჩვენი მოᲫᲦვრები და პატრიარქი მოყვასზე და ისიც არ ავიწყდებაᲗ რომ მრევლი არ გატყდეს და მადლᲨი არ დავეᲭვდეᲗ! და ტარდება წირვები ᲦვᲗის სადიდებლად და რეკომენდაციებსაც ვიცავᲗ...და ამდენ დარიგებებს მამაო მეტანიები აკეᲗე წიᲗელი პარასკევია და მეტი მდუმარება და ცრემლი ზეგ კი სიხარული,Თან ცოტას გავხდებიᲗ და წვერსაც Თუ მოვუᲨვებᲗ ცოტა მეტად აᲦგიქვამᲗ მრევლი მᲦვდლად