ზოდიაქოს რომელ ნიშნებს გაუღიმებს ფორტუნა მაისში - შემოსავლების ასტროლოგიური პროგნოზი

როგორ წარიმართება მაისში ზოდიაქოს ნიშნების ბიზნეს-საქმიანობა, შემოსავლები და საგანმანათლებლო სფერო - ვის გამოუჩნდება ფულის ახალი წყარო, ვის გაუღიმებს ფორტუნა და რა უნდა გაითვალისწინოთ, ასტროლოგების რჩევით?

• ვერძი

თვის დასაწყისში შემოსავლების გაზრდით იქნებით დაკავებული ან გაგიჩნდებათ სურვილი ფული დააბანდოთ ისეთ საქმიანობაში, რაც მატერიალურ კეთილდღეობას მოგიტნათ. თუ შემოსავლის ახალი წყარო გამოგიჩნდებათ ან ახალ საქმიანობას შემოგთავაზებენ, უარი არ თქვათ. მატერიალური დახმარება შეიძლება მიიღოთ უახლოესი ნათესავებისგან. თვის მეორე ნახევარში გახშირდება კონტაქტები, შესაძლოა, გააუმჯობესოთ კავშირი უცხოელ პარტნიორებთანაც. ზოგიერთს ხშირი მიმოსვლები ელის ახლო მანძილზე. სტუდენტებს არ გაგიჭირდებათ სასურველი ინფორმაცების მოძიება. კარგად შეძლებთ მიზნების ფორმულირებასა და პასუხების ჩამოყალიბებას.

• კურო

მეტად უნდა გამოავლინოთ თქვენი გონიერება, განსაკუთრებით სწავლისა და ფულის გამომუშავების საკითხებში, თუმცა, ეს უკანასკნელი თვის მეორე ნახევარში უფრო აქტუალური იქნება. 15 მაისამდე გახშირდება მეგობრებთან მიმოწერა. ახლა, თვითიზოლაციის პერიოდში საკუთარ თავში შეიძლება ახალი ნიჭი აღმოაჩინოთ. ზოგიერთიმა შეიძლება ავტომობილის/ველოსიპედის/გორგოლაჭების ყიდვა გადაწყვიტოს. ან ბიზნესი დაიწყოს ტრანსპორტთან დაკავშირებით. ფული მხოლოდ გონივრულად დააბანდეთ. მეტი დრო დაუთმეთ უძრავი ქონების საკითხების მოგვარებას.

• ტყუპი

თვის დასაწყისში შეიძლება განმარტოების და ყველასგან გარიყვის, საკუთარ თავში ჩაღრმავების სურვილი გაგიჩნდეთ. გამორიცხული არაა, გაგიჭირდეთ კონტაქტების დამყარება. თუმცა, თვის მეორე დეკადიდან სიტუაცია უკეთესობისკენ შეიცვლება. მარტივად შეძლებთ ადამიანებთან (უცხოებთანაც კი) საერთო ენის გამონახვას. სურვილი გაგიჩნდებათ, მიიღოთ ახალი ინფორმაცია და ცოდნა. გაგიჩნდეთ სემინარებში მონაწილეობის სურვილი. კარგი ცვლილებები ელით მათ, ვინც ვაჭრობაში მუშაობს, კონსულტანტად, აგენტად. შეიძლება თვის ბოლოს გახშირდეს მიმოსვლა.

• კირჩხიბი

მაისის დასაწყისში აღსავსე იქნებით ახალი იდეებით და ორიგინალური მსჯელობით. თვის მეორე ნახევრიდან სიტუაცია ცოტა შეიცველება. შეიძლება თავად მოგინდეთ ბიზნეს პარტნიორებისთვის რაიმეს დამალვა (თუნდაც შემოსავლების) ან პარტნიორების საიდუმლოებები გაიგოთ. განსაკუთრებული სიფრთხილე გმართებთ, თუ თქვენი პროფესია პედაგოგობასთანაა კავშირში, შეძლება გაგიჭირდეთ ინფორმაციის, ცოდნის გადაცემა. თუ პირიქით, თავად ხართ მოსწავლე, გირჩევთ, იმ საგანში, რომელიც რთულად გესმით, რეპეტიტორი აიყვანოთ.

• ლომი

მაისის პირველ ნახევარში კარიერული საკითხების მოგვარებით იქნებით დაკავებული. მოიმატებს თქვენი როლი და მნიშვნელობა სოციუმში. შეიძლება შეიცვალოთ სტატუსი (დაწინაურდეთ ან დაქორწინდეთ). გირჩევთ, ნებისმიერ სიტუაციაში შეინარჩუნოთ მოთმინება და ცივი გონებით იმოქმედოთ. სასურველია, ფაქტებზე დაყრდნობით იმოქმედოთ და უარყოფითი ემოციები მოთოკოთ. თვის მეორე ნახევრიდან გახშირდება კონტაქტები მეგობრებთან, თანამოაზრეებთან. გაგიადვილდებათ სპონსორის მოძიება. შეიძლება გაწევრდეთ თქვენთვის საინტერესო ორგანიზაციაში ან ჩაეწეროთ სასწავლო კურსზე.

• ქალწული

თვის დასაწყისში დაიგროვებთ ცოდნას, უცხოელი პარტნიორების გამოცდლებასა და რჩევებზე დაყრდნობით კი, მაისის მეორე ნახევრიდან დაიწყებთ კარიერულ წინსვლას. შესაძლოა დაწინაურდეთ ან ახალ სამსახურში გადახვიდეთ. იყავით დაკვირვებული შემოთავაზებების მიმართ. შეიძლება მოულოდნელად ხელში ჩაგივარდეთ ინფორმაცია, რომელიც საკუთარი სურვილების რეალიზების შესაძლებლობას მოგცემთ. თვის ბოლოს შეიძლება სარფიანი ხელშეკრულება გააფორმოთ.

• სასწორი

მოიმატებს ცნობისმოყვარეობა, თავისუფლებისდამი ლტოლვა, ბევრ საკითხს ფილოსოფიურად შეხედავთ. შეიძლება განაახლოთ უცხო ენის შესავლა, ან გაიცნოთ უცხოელები, გაიჩინოთ უცხოელი პარტნიორები და კლიენტები, თუ თქვენი საქმიანობა მომსახურების სფეროსთანაა კავშირში. შეიძლება ინტერესი გაგიჩნდეთ უცხო რელიგიის, კულტურისადმი, შეგეცვალოთ პოლიტიკური შეხედულებები. კარგ შედეგს მიაღწევენ ისინი, ვისი საქმიანობაც პედაგოგიკასთანაა კავშირში.

• მორიელი

მაისის დასაწყისში გონებისა და ინტელექტის პლანეტა მერკური თქვენი პარტნიორობის სახლში იქნება, თვის მეორე ნაწილს, მემკვიდრეობის, სხვისი ფულისა და ექსტრემალური სიტუაციების სახლში გაატარებს. რას მოგცემთ ეს ყველაფერი თქვენ. შეიძლება საქმიან პარტნიორებთან ურთიერთობა ჩაიხლართოს ან გაურკვევლობა წარმოიშვას. შეიძლება რთული საქმე შეასრულოთ და შესაბამისი ანაზღაურება ვერ აიღოთ. 15 მაისიდან შეძლებთ საბანკო ოპერაციების განხორციელებას, კაპიტალდაბანდებას. შეიძლება თქვენი მეუღლე ან უახლოესი მეგობარი თქვენი პარტნიორი გახდეს. თუ სამსახურში დაქვემდებარებული გყავთ, ეცადეთ, არ იკამათოთ მათთან. სასურველია, მაისში ჩაეწეროთ სასწავლო კურსებზე. იყავით დაკვირვებული ახალი ინფორმაციებისადმი.

• მშვილდოსანი

მაისი დასაწყისში მეტად დაკვირვებული უნდა იყოთ ყოველდღიური საქმეების შესრულებისას. ახლა ის დროა, როცა ნაკლები უნდა ილაპარაკოთ (გასცეთ დაპირებები) და მეტი იმუშაოთ. 15 მაისიდან სურვილი გაგიჩნდებათ ახალი პარტნიორები გაიჩინოთ და ახალ პროექტებზე ერთად დაიწყოთ მუშაობა. შეიძლება პარტნიორად გაიხადოთ ან თქვენი მეუღლე, ან უახლოესი მეგობარი. თვის მეორე ნახევარში მარტივად შეძლებთ დაგროვილ საქმეებთან გამკლავებას. საშუალება მოგეცემათ მონაწილება მიიღოთ სემინარებში, სარეკლამო აქციებში.

• თხის რქა

მაისის დასაწყისში გექნებათ გართობის, ბავშვებთნ თამაშის, შემოქმედებითი იდეების განხორციელების სურვილი. ამ ორ კვირაში უნდა შეძლოთ დამოკიდებულების გაუმჯობესება საყვარელ ადამიანთან. შეიძლება ახალი ცოდნაც მიიღოთ. შუა თვიდან კი მოგემატებათ ყოველდღიური საზრუნავი, ვალდებულებები, მეტი დრო უნდა დაუთმოთ ჯანმრთელობის გაუმჯობესებას. ზოგიერთმა შეიძლება შინაური ცხოველის ყიდვა გადაწყვიტოს ან თუ უკვე გყავთ, მასზე მეტად იზრუნოს.

• მერწყული

მოიმატებს ოჯახთან, ფესვებთან, ნათესავებთან დაკავშირებული საკითხების მოგვარება. შეიძლება გაგიჩნდეთ უძრავი ქონების, ავეჯის შეძენის სურვილი ან სხვა ბინაში გადახვიდეთ. მაისის შუა რიცხვებიდან გადაერთვებით ბავშვებზე, გართობაზე, სექსზე. ზოგიერთს სურვილი გაუჩნდება, ყველაფერი მიატოვს და დაისვენოს. ზედაპირული მოგეჩვენათ საქმიანი კონტაქტები, მოლაპარაკებები. საინტერესო შემოთავაზებების განხორციელება მომავლისთვის, საუკეთესო დროისთვის გადადეთ.

• თევზები

თვის პირველ ნახევარში ადვილად შეძლებთ გარშემო მყოფებთან კონტაქტს, მიმოწერას, სწავლას. საჭირო ინფორმაციას ყოველთვის დროულად მიიღებთ. შეიძლება ერთდროულად რამდენიმე საქმის შესრულებამ მოგიწიოთ. მეორე ნახევარში მეტი დრო უნდა დაუთმოთ საოჯახო ვალდებულებებს. იყავით დაკვირვებული და ეცადეთ, ლავირება მოახდინოთ. მაისის მეორე ნახევარში ბიზნიესისა და სწავლის საქმეები მეორეხარისხოვანი გახდება, რადგან დროის დიდი ნაწილი ოჯახს, და-ძმებს, მშობლებსა და შვილებს უნდა დაუთმოთ.

• როგორი იქნება ზოდიაქოს ნიშნების ჯანმრთელობა მაისში - ვის დასჭირდება ექიმი და რა რეკომენდაციებს გვაძლევენ ასტროლოგები
• რა ელით მაისში ტყუპს, სასწორსა და მერწყულს - მომავალი თვის სასიყვარულო და ფინანსური პროგნოზი
• ვერძი, ლომი, მშვილდოსანი - რა ელით მაისში სიყვარულში და ფინანსურ ასპარეზზე ცეცხლის სტიქიის წარმომადგენელებს
• მაისის სასიყვარულო და ფინანსური პროგნოზი მიწის სტიქიის წარმომადგენელებისთვის - რა ელით კუროს, ქალწულსა და თხის რქას
• მაისის სასიყვარულო და ფინანსური პროგნოზი კირჩხიბის, მორიელისა და თევზებისთვის