"დღემდე მხოლოდ ერთ სიზმარს ვხედავ, სადაც ნიკუშას ვეკითხები: დედას რა ვუთხრა ბიჭო?" - მევლუდ მელაძის ემოციური პოსტი გარდაცვლილ შვილზე
საქართველოს საავტომობილო ფედერაციის ვიცე-პრეზიდენტი, ავტომრბოლელი მევლუდ მელაძე "ფეისბუქის" პირად გვერდზე წერს გარდაცლილი შვილის შესახებ, რომელიც ერთი წლის წინ ტრაგიკულ ავარიას ემსხვერპლა.
2019 წლის 15 აპრილს, თბილისში მომხდარმა ავტოსაგზაო შემთხვევამ ქვეყანა შეძრა - დიდი სიჩქარით მოძრავი ავტომობილი, რომელშიც 4 ახალგაზრდა იჯდა, ხეს შეეჯახა. ადგილზე დაიღუპა ნიკუშა ჯორჯაძე (მარკეტინგის მენეჯერის სალომე გველესიანისა და ავტომრბოლელ მევლუდ მელაძის შვილი, სალომეს ნიკა პირველი ქორწინებიდან ჰყავს), 16 წლის ბექა (ბიკი) ჭიღიტაშვილი კი, თითქმის ერთთვიანი კომის შემდეგ, საავადმყოფოში გარდაიცვალა.
"უკვე ერთი წელი გავიდა?" - ეს შეკითხვა მანადგურებს... მანადგურებს რადგან გონება დღემდე არ აკეთებს იმას დაშვებას, რომ ეს უკვე მოხდა და ყოველდღიურად განაგრძობს იმაზე ფიქრს, თუ როგორ ავაცილო ნიკუშას ეს ტრაგედია...
ტრაგედია, რომელმაც დედას სამუდამოდ წაართვა უფლება, ფოტოზე აღებეჭდა შვილთან გატარებული ყოველი დღე, ყოველი წუთი, ყოველი წამი. დედას, რომელიც შანსს არ უშვებდა დამტკბარიყო ამ პროცესით, თითქოს იცოდა, რომ დარჩენილი ცხოვრების მანძილზე მხოლოდ ეს ფოტოები იქნებოდა მისი მეგზური...
ნეტავ ვინმემ იცოდეს, როგორ მინდა ერთხელ გავიღვიძო და ეს ყველაფერი სიზმარი აღმოჩნდეს, მაგრამ დღემდე მხოლოდ ერთ სიზმარს ვხედავ, სიზმარს სადაც ნიკუშას ვეკითხები: დედას რა ვუთხრა ბიჭო? ის კი თავჩახრილი დგას და მხოლოდ მხრების აჩეჩვით მპასუხობს" - წერს მევლუდ მელაძე "ფეისბუქის" პირად გვერდზე.
ერთ-ერთ ინტერვიუში საავტომობილო ფედერაციის ვიცე-პრეზიდენტმა ისაუბრა, რომ მისმა შვილმა ტარება არ იცოდა - მამა მას განგებ არ ასწავლიდა მანქანის მართვას:
"ვინ თუ არა მე ვიცი, რა შეიძლება მოიტანოს ავტომობილის მართვამ... როდესაც BMW-ს საჭესთან ჯდები, აბსოლუტურად გადაგაწყობს მანქანა. თუ ასაკით პატარა ხარ და სისხლი გიდუღს და ავტომობილიც „გეძახის“ სიჩქარე განავითარო, ასეთი რამის რისკი ძალიან დიდია.. თავში უამრავჯერ დავატრიალე ეს კადრი და ყველა დატრიალებაზე ვცდილობ, ავაცილო იმ ხეს ჩემი შვილი.
ყოველდღე ხმამაღლა უნდა ვთქვათ, რომ ავტომობილი არის მოწყობილობა, რომელიც კლავს, თუ მას არასწორად მოვექცევით,“ - თქვა ცნობილმა ავტომრბოლელმა.
"ეს შენი ბოლო ფოტოა... ახლაც იღიმი? მხედავ?" - ლულუ კახიანის და გიორგი გვარჯალაძის ქალიშვილის გარდაცვალებიდან 1 წელი გავიდა
"ამფერი ბაღანაი აქანე უნდა ვაგორებდე ბურთს?!" - გურული ბიჭი, რომელმაც ერთი ნახვით შეაყვარა თავი ინტერნეტმომხმარებელს
