მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯერ მოხდა მღვდლის დაინფიცირება, შემდეგ მისი დის ანუ ჩვენი ექთნის და მისგან უკვე ჩვენი თანამშრომლების" - კლინიკა "თიმის" დირექტორი
21:27 / 14-04-2020
თბილისის მედიცინის ინსტიტუტის (კლინიკა „თიმის“) ერთ-ერთი დირექტორის, გიორგი კაჭახიძის განცხადებით, წმინდა იოანე ღვთისმეტყველის რუსული ეკლესიის მოძღვარი COVID19-ის ვირუსით მათ კლინიკაში არ დაინფიცირებულა.
როგორც "ინტერპრესნიუსს" გიორგი კაჭახიძემ განუცხადა, აღნიშნული სასულიერო პირისგან დაინფიცირდა მათივე თანამშრომელი, ექთანი, რომელიც სასულიერი პირის დაა.
კაჭახიძის განმარტებით, საიდან დაინფიცირდა მოძღვარი, ამაზე ინფორმაციას არ ფლობს, თუმცა ჩატარდა შესაბამისი კვლევა და დადგინდა, რომ ჯერ დაინფიცირდა მოძღვარი, შემდეგ კი მისი და, რომელიც ექთანია.
"ცალსახად შემიძლია, ვთქვა, რომ ჩვენი ექთნის ინფიცირების წყარო ეს სასულიერო პირი იყო, რომელიც მისი ძმაა. ეს ეპიდემიოლოგიურად უკვე გამოკვლეულია, გამოიკითხა უამრავი ადამიანი. ამაში ჩართული იყო ჩვენი ეპიდემიოლოგიური სამსახური და ასევე დაავადებათა კონტროლის ცენტრი. ცალსახა პასუხი გვაქვს, ყოველგვარი კითხვის ნიშნის გარეშე, რომ ეპიდისტორია ასეთი იყო - ჯერ მოხდა სასულიერო პირის დაინფიცირება, შემდეგ ჩვენი ექთნის და უკვე ჩვენი ექთნისგან, ჩვენი დანარჩენი თანამშრომლების", - განაცხადა გიორგი კაჭახიძემ.
მისივე თქმით, მისთვის გაუგებარია, რატომ გავრცელდა ინფორმაცია, რომ სასულიერო პირის დაინფიცირება კლინიკიდან მოხდა.
"ვერ გეტყვით, გაკვირვებული ვარ, იმიტომ, რომ მან ყველაზე კარგად იცის, რა არის რეალური სურათი", - აღნიშნა ექიმმა.
ამასთან, როგორც მან აღნიშნა, მხოლოდ მისი მოსაზრება არ არის ის, რომ სასულიერო პირის დაინფიცირება თბილისის მედიცინის ინსტიტუტიდან არ მომხდარა.
"ეს არ არის მხოლოდ ჩემი მოსაზრება, ამაზე ჩვენ ეჭვი გვქონდა შაბათ დღეს. ვიდრე ეს 100%-ით არ დადასტურდა და ამის შესახებ ყველა დეტალი არ გამოვიკვლიეთ, არ დაგიდასტურებდით ცალსახა პასუხი რომ არ მქონდეს. ეს არ არის მხოლოდ ჩემი პირადი მოსაზრება ან კლინიკის პოზიცია, ეს არის დაავადებთა კონტროლის პოზიციაც. 6 აპრილს, ორშაბათს, სასულიერო პირი მის დას კლინიკაში მოუყვანია ანალიზების ჩასაბარებლად, იმიტომ, რომ მას ცხელება ჰქონდა. რადგანაც უკვე სიმპტომური იყო, ამის გამო ჰყავდა მოყვანილი ანალიზების ჩასაბარებლად. თუმცა, აქ საუბარი არ არის COVID19-ის ანალიზების შემოწმებაზე, უბრალოდ, ზოგადი ტიპის ანალიზები ინახა და ამის გამო იყო მოყვანილი. როგორც ვიცი, 6 და 7 აპრილს ძმას (სასულიერო პირს) გარკვეული სამედიცინო დახმარება დამ სახლში გაუწია. ამას თვითონ ჩვენი თანამშრომელი ადასტურებს. ისიც საკმაოდ შეწუხებულია,რომ მსგავსი კითხვები გაჩნდა", - განაცხადა გიორგი კაჭახიძემ.
შეგახსენებთ, რომ წმინდა იოანე ღვთისმეტყველის რუსული ეკლესიის მოძღვარი, გიორგი პაპავა, რომელიც კორონავირუსით დაინფიცირდა, ბოჭორიშვილის სახელობის კლინიკაშია მოთავსებული. მასთან ერთად ვირუსი დაუდგინდა მის დასა და დისშვილსაც.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მარტივად დავწერ რასაც ვფიქრობ. ან მიიღებთ ზომებს სახელმწიფოც და ეკლესიაც რმ ხალხმრავალი შეკრებები ავიცილოთ. ან მწვავე შედეგებს მოიმკით ორივე. გარდაცვლილების და ინფიცირებულების სახით ჯერ და მერე მკვეთრად შელახული ავტორიტეტით მეორე.
მე ასე ვფიქრობ დანარჩენი თქვენი საქმის თქვენ იცით.
აბრალეთ ახლა სხვას. თურმე არის საფრთხე რომ სასულიერო პირსაც შეხვდეს. ეს ხალხი ვერ იაზრებს რა შარში ვართ. ჯერ ერის კაცი იყო ის და მერე გახდა მღვდელი და ორთავე როგორც გინდათ წარმოიდგინოთ ისევ ადამიანია და მასზე მოქმედებს იგივე უბედურება, რაც ჩვეულებრივ ერისკასზე.