მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯო ბაიდენს ყოფილი თანაშემწე სექსუალურ ძალადობაში ადანაშაულებს - "ცდილობდა ეკოცნა..მეჩურჩულებოდა, "გინდა, სადმე წავიდეთ?"
14:21 / 13-04-2020
აშშ-ის დემოკრატიული პარტიის პრეზიდენტობის კანდიდატს, ჯო ბაიდენს, ყოფილი თანაშემწე, ტარა რიდი სექსუალურ ძალადობასა და შევიწროებაში ადანაშაულებს. ტარა რიდის თქმით, ჯო ბაიდენმა მასზე 90-იანი წლების დასაწყისში იძალადა. ინფორმაციას "ესოშიეითიდ პრესი“ ავრცელებს.
გამოცემასთან ბოლო ორ ინტერვიუში ტარა რიდმა ისაუბრა 1993 წლის გაზაფხულზე მომხდარ შემთხვევაზე. რიდმა ვაშინგტონის პოლიციაში სარჩელიც შეიტანა. ეს არ არის პირველი შემთხვევა, როცა ის ყოფილ ვიცე პრეზიდენტს სდებს ბრალს. გასულ წელს საუბრობდა ბაიდენის მხრიდან "შეუსაბამო შეხებაზე“, თუმცა მაშინ სექსუალური ძალადობა არ უხსენებია, მაშინ საუბარი იყო მხოლოდ სექსუალურ შევიწროებაზე.
აღსანიშნავია, რომ ტარა რიდი არ არის ერთადერთი ქალი, რომელიც აშშ-ის პრეზიდენტობის კანდიდატს სექსუალურ შევიწროებაში სდებს ბრალს. საპრეზიდენტო პრაიმერის პირველ ეტაპზე ის რამდენიმე ქალმა დაადანაშაულა. ისინი ბაიდენის მხრიდან "არასასურველ შეხებაზე“ საუბრობდნენ, კონკრეტულად კი არასასურველ ჩახუტებაზე, ხელის ჩაკიდებაზე და სხვა ქმედებებზე, რომელთა გამოც დისკომფორტი შეექმნათ. რიდიც ამ ქალებს შორის იყო, თუმცა მისმა სახელმა წინა პლანზე წამოიწია, რადგანაც მოგვიანებით, შევიწროების გარდა, ძალადობის შესახებაც ალაპარაკდა.
"ესოშიეითიდ პრესთან“ მან ბაიდენთან დაკავშირებული ისეთი დეტალები გაიხსენა, რაზეც აქამდე არ უსაუბრია. რიდი აღწერს 1993 წელს მომხდარს. მისი თქმით, ზედამხედველმა ბაიდენისთვის სავარჯიშო ჩანთის წაღება სთხოვა, მანაც წაუღო. ბაიდენმა ხელი ჰკრა, კედელთან მიიმწყვდია და მისი სურვილის საწინააღმდეგოდ თითებით პენეტრაცია განახორციელა. ყოველივე კაპიტოლ ჰილის შენობაში მოხდა.
“ის მეჩურჩულებოდა და ამავდროულად, ცდილობდა ეკოცნა. მითხრა: "გინდა, სადმე სხვაგან წავიდეთ?“ მახსოვს, მინდოდა მეთქვა, გაჩერებულიყო. არ ვიცი ვთქვი თუ არა ეს ხმამაღლა, თუ უბრალოდ ვფიქრობდი. მთლიანად გაყინული ვიყავი“, - ამბობს რიდი. მისივე თქმით, ის მოშორდა ბაიდენს, რომელიც "შოკირებული და გაკვირვებული“ ჩანდა და მიუგო - "მოდი გოგო, მივხვდი, რომ მოგეწონა“.
თავად ბაიდენი ბრალდებას უარყოფს. მისი საპრეზიდენტო კამპანიის ხელმძღვანელი და კომუნიკაციების დირექტორი, ქეით ბედინგფილდი ამბობს, რომ ყოფილმა ვიცე პრეზიდენტმა თავისი ცხოვრება ქალების უფლებებისთვის ბრძოლას მიუძღვნა.
“თავისი საზოგადოებრივი ცხოვრება ქალების მიმართ ძალადობის კანონების შეცვლას მიუძღვნა. მას მტკიცედ სჯერა, რომ ქალებს აქვთ უფლებს მოუსმინონ და მოუსმინონ პატივისცემით. ამგვარი პრეტენზიები კი დამოუკიდებელი პრესის მიერ კარგად უნდა იქნას განხილული. ამ კონკრეტულ შეთხვევაში ნათელია, რომ ყოველივე არ შეესაბამება სიმართლეს და მსგავსი რამ საერთოდ არ მომხდარა“, - ამბობს ბედინგფილდი.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აუუუუუუ
ახლა გაიღვიძა? გულისამრევია 20 წლის შემდეგ რომჩათვლი თავს „დამცირებულად". ამ დანაშაულზე ხანდაზმულობის ვადა არ ვრცელდება?