ოზურგეთში ხანძარს შუახნის მამაკაცი ემსხვერპლა

ოზურგეთში, სოფელ დვაბზუში, საცხოვრებელ სახლში გაჩენილი ხანძრის ქრობისას მეხანძრე-მაშველებმა შუახნის მამაკაცის ცხედარი იპოვეს. ამის შესახებ „ინტეპრესნიუსს“ საგანგებო სიტუაციების მართვის სამსახურიდან აცნობეს. მათივე ცნობით, ამ დროისთვის ხანძარი ლიკვიდირებულია.

„საზოგადოებრივი უსაფრთხოების მართვის ცენტრ „112“-ში შემოვიდა ინფორმაცია, რომ ოზურგეთში, სოფელ დვაბზუში, საცხოვრებელ სახლში ხანძარი იყო. შეტყობინების მიღებიდან უმოკლეს დროში ადგილზე გამოცხადდა სამი სახანძრო-სამაშველო ჯგუფი. ცეცხლი ეკიდა ორსართულიან საცხოვრებელ სახლს, დაახლოებით, 140 კვ/მ ფართობზე. ხანძრის ქრობისას, მეხანძრე-მაშველების მიერ საცხოვრებელ სახლში, პირველ სართულზე აღმოჩენილ იქნა შუა ხნის მამაკაცის ცხედარი. ამ დროისთვის ხანძარი ლიკვიდირებულია. მომხდარ ფაქტზე საქმე აღძრულია 187-ე მუხლის მე -2 ნაწილით,“ - აღნიშნულია საგანგებო სიტუაციების მართვის სამსახურის მიერ გავრცელებულ ინფორმაციაში.