მნიშვნელოვანი ინფორმაცია
7
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გაკვირვებული ვარ, მამამთილს აღმოაჩნდა ვირუსი და გადაიყვანეს ჰოსპიტალში, დედამთილი კი იგივე სიმპტომებით, დატოვეს სახლში - ქართველი ემიგრანტი საფრანგეთიდან
13:46 / 12-04-2020
უცხო ქვეყანებში მცხოვრები ჩვენი თანამემაულეებიდან უკვე საკმაოდ ბევრს დაუდასტურდა ახალი კორონავირუსი, რომელთაგან უმეტესობამ უკვე დაამარცხა ეს ინფექცია, ბევრიც დაავადებას ახლა ებრძვის. საფრანგეთში მცხოვრები ქართველი ემიგრანტი ლელა სართანია გვიყვება, რომ „კოვიდ 19“ მისი ოჯახის წევრსაც აღმოაჩნდა და ის ახლა ჰოსპიტალში მკურნალობს.
„ამ პანდემიის პირობებში, ისევე როგორც მთელი მსოფლიო, ჩვენც კარანტინში ვიმყოფებით. შეზღუდულია გადაადგილება. ჩემი მეუღლის მშობლები ცალკე, პარიზთან ახლოს ცხოვრობენ. დაახლოებით, 10 დღის წინ, დედამთილი გახდა შეუძლოდ - ორი დღე ჰქონდა სიცხე და თავის ძლიერი ტკივილი, მაგრამ მალევე გამოკეთდა. შემდეგ, მამამთილი გახდა ცუდად. მასაც ჰქონდა თავის ძლიერი ტკივილები, სიცხე - 37-დან 38.5 გრადუსამდე, დაეკარგა გემოს შეგრძნება და უმადობა ჰქონდა, თუმცა ხველა არ აღენიშნებოდა. სასწრაფოს ბრიგადამ გადაწყვიტა, ჰოსპიტალში გადაეყვანათ, ხოლო რადგანაც დედამთილი უკვე უკეთ გრძნობდა თავს, ის სახლში დატოვეს. ჰოსპიტალში მამამთილს კორონავირუსი დაუდგინდა... უკვე მეხუთე დღეა (ინტერვიუ ჩაწერილია 11 აპრილს. - ავტ.), რაც ჰოსპიტალში მკურნალობის კურსს გადის და მისი მდგომარეობა სტაბილურია“, - გვიყვება ლელა სართანია.
- და ამის გამო თქვენც გიწევთ მკაცრ კარანტინში ყოფნა?
- კი, ესეც რომ არ ყოფილიყო, ქვეყანაში გამოცხადებულია საყოვალთაო კარანტინი, რასაც ვემორჩილებით... ეს ყველაფერი ემოციურად ძალიან რთულია ნამდვილად. განსაკუთრებით, როდესაც ხედავ, რომ უამრავი ადამიანი იღუპება და სიკვდილს ებრძვის. საშინელებაა!
- კარანტინის პერიოდში ქვეყანაში როგორი მდგომარეობაა და როგორია თქვენი თვალით დანახული საფრანგეთი? როგორ მუშაობს სამედიცინო სექტორი, საფრანგეთის ჯანდაცვა რამდენად მზად აღმოჩნდა პანდემიასთან საბრძოლველად?
- როგორც ცნობილია, საფრანგეთის ჯანდაცვა ერთ-ერთი უძლიერესია მსოფლიოში. პირადად მე, ადამიანები ვიცი, რომლებიც სხვა ქვეყანაში დასმული არასწორი დიაგნოზის გამო, სასიკვდილოდ იყვნენ განწირულები და საფრანგეთმა მათ ახალი სიცოცხლე აჩუქა, თან, სრულიად უფასოდ...
რაც შეეხება ეპიდემიას, ჩემი ოჯახის მაგალითზე გეტყვით, რომ ცოტა გაკვირვებული ვარ - ოჯახის ერთ-ერთ წევრს რომ აღმოაჩნდა ვირუსი და გადაიყვანეს ჰოსპიტალში, მეორე წევრი რატომ დატოვეს სახლში მარტო, გამოკვლევის გარეშე, უყურადღებოდ?!
აქაც არის პირბადეების და ხელთათმანების დეფიციტი. სხვა მხრივ, სახელმწიფო ყველანაირად გვერდში უდგას მოსახლეობას. არსებობს უამრავი სოციალური პროგრამა, რომ მაქსიმალურად გაუადვილონ ყოფა უმუშევრად დარჩენილებს.
- მოქალაქეები იცავენ წესებს და იმ რეკომენდაციებს, რომლებიც ეპიდემიოლოგების და მსოფლიო ჯანდაცვის ორგანოზაციის მიერ არის მოწოდებული?
- საფრანგეთის მოსახლეობა, ერი და ბერი, ყველა ემორჩილება ახალ წესებს და რეკომენდაციებს, რაც ძალიან დასაფასებელია.
- ლელა, პროფესიით ვინ ხართ და რამდენი ხანია, საფრანგეთში ცხოვრობთ?
- პროფესიით პოლიტოლოგი ვარ. მესამე წელია, რაც საფრანგეთში ოჯახთან ერთად, ქალაქ ვალანსში ვიმყოფები. აფხაზეთიდან დევნილი ვარ, კერძოდ, სოხუმიდან. თბილისში ნაძალადევის რაიონში ვცხოვრობდი. ჩემი მუღლის მამა აფხაზეთის ომის ვეტერანია, 1-ლი ჯგუფის ინვალიდია (ის, ვისაც ახლა კორონავირუსი დაუდგინდა), ჯანმრთელობის სერიოზული პრობლემები ჰქონდა და ძვირადღირებულ მკურნალობას საჭიროებდა, რისი საშუალებაც არ გააჩნდა. ამიტომ, ახლობლის რჩევით, გადაწყვიტა, სამკურნალოდ საფრანგეთში მეუღლესთან ერთად წამოსულიყო. გარკვეული დროის შემდეგ კი, ჩვენც მოგვეცა შანსი, აქ სამუშაოდ ჩამოვსულიყავით.
- რას საქმიანობთ?
- ეკლესიაში მიუსაფარ ბავშვთა პანსიონში ვმუშაობ. ვასრულებთ სხვადასხვა გასართობ და საგანმანათლებლო აქტივობებს. მეუღლე სამშენებლო კომპანიაში საქმიანობს.
- ადვილად აეწყეთ ფრანგული ცხოვრევბის სტილსა და რიტმს?
- არ გაგვჭირვებია აქაური ცხოვრების რიტმს ავყოლოდით. ბავშვები სწავლობენ, ჩვენ ვმუშაობთ. ვსწავლობთ ენასაც. მოკლედ, არ გაგვიჭირდა ადაპტირება. ახლა მთავარია, ყველანი ჯანმრთელად ვიყოთ და ჩვენი ოჯახის წევრი დროულად გამოჯანმრთელდეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
