მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბოლო ინფორმაცია, კორონავირუსით ინფიცირებული პაციენტების შესახებ, რეგიონებიდან და თბილისის კლინიკებიდან
11:44 / 10-04-2020
აჭარის ჯანდაცვის მინისტრის მოადგილის ინფორმაციით, ე.წ. ქობულეთის კლასტერს კორონავირუსის 6 ახალი დადასტურებული შემთხვევა დაემატა.
აჭარის ჯანდაცვის მინისტრის მოადგილის, ნინო ნიჟარაძის ინფორმაციით, ე.წ. ქობულეთის კლასტერსკორონავირუსის 6 ახალი დადასტურებული შემთხვევა დაემატა. როგორც ნიჟარაძემ ჟურნალისტებს განუცხადა, მოძიებულია ე.წ. ქობულეთის კლასტერის 40 ახალი კონტაქტი და კვლევა კვლავ გრძელდება.
„გუშინ მოვიძიეთ ქობულეთის კლასტერთან დაკავშირებული 40 კონტაქტირებული პირი. ესენი არიან დაავადებულთან კონტაქტში მყოფი პირები, ოჯახური კონტაქტები და არა სამედიცინო პერსონალი. მათგან აღებული იქნა 8 ლაბორატორიული კვლევის ნიმუში და 6 შემთხვევა დადასტურდა. შესაბამისად, ქობულეთის კლასტერთან დაკავშირებული 6 ახალი დადასტურებული შემთხვევა გვაქვს.
აღნიშნული პირები გადმოჰყავთ ბათუმის კლინიკა „მედალფაში“. ამ ეტაპზე აქ გვყავს 14 ძველი დადასტურებული, ორი ახალი შემთხვევა. 4-ის ტრანსპორტირება მიმდინარეობს ამ წუთებში. კლინიკა „მედალფაში“ მყოფი პაციენტებიდან ერთის მდგომარეობა არის სტაბილურად მძიმე, როგორიც იყო. ერთი ახალი პაციენტის მდგომარეობა არის საყურადღებო და შედარებით მძიმე, დანარჩენების მდგომარეობა არის მსუბუქი და საშუალო სიმძიმის. ერთ პაციენტთან დაკავშირებით ველოდებით განკურნებას და განმეორებით ტესტირების ანალიზს დღის განმავლობაში, რომლის პასუხიც ხვალ დილით იქნება“, - განაცხადა ნიჟარაძემ.
როგორც აჭარის ჯანდაცვის მინისტრის მოადგილემ განმარტა, ქობულეთის კლასტერიდან დაავადებული პირები სხვადასხვა ასაკობრივი კატეგორიისაა, მათ შორის ერთი არასრულწლოვანია.
„ჯამურად ქობულეთის კლასტერთან კონტაქტში მყოფი 108 პირი იყო, დაემატა 40 და ახლა 148 პირია. უკვე საქმე გვაქვს ქობულეთის მუნიციპალიტეტის რამდენიმე სოფელთან და თვითონ ქალაქთანაც. კონტაქტების მოძიება არ დასრულებულა. შესაძლოა, კიდევ გაიზარდოს კონტაქტირებულთა რაოდენობა და კვლევებიც ჩატარდება. ამ ეტაპზე აჭარაში გვაქვს 20 დადასტურებული შემთხვევა, აქედან 16 უკვე კლინიკაში იმყოფება, 4 არის ტრანსპორტირების პროცესში. რაც შეეხება უშუალოს ქობულეთის კლასტერს, აქ 12 დადასტურებული შემთხვევა გვაქვს, 6 ძველი და 6 ახალი“, - განაცხადა ნიჟარაძემ.
ამასთან, ნიჟარაძემ აღნიშნა, რომ უკვე დადასტურებული შემთხვევებიდან 2 პირი თბილისში გადაიყვანეს.
„გუშინ დაგვემატა ორი ახალი შემთხვევა საკარანტინე სივრციდან დედა-შვილი, თუმცა, ორივე გადაყვანილ იქნა თბილისის კლინიკაში რამდენიმე ფაქტორის გათვალისწინებით, მათ შორის, მათივე სურვილით. ისინი არ არიან აჭარის მცხოვრებლები“, - განაცხადა ნიჟარაძემ.
რაჭა-ლეჩხუმ-ქვემო სვანეთის სახელმწიფო რწმუნებულის არჩილ ჯაფარიძის ინფორმაციით, ცაგერისა და ლენტეხის მუნიციპალიტეტებში კორონავირუსზე შესამოწმებლად კვლევა 11 ადამიანს ჩაუტარდა. მისივე ინფორმაციით, ნიმუშები უკვე აღებულია და მათი პასუხები დღის ბოლომდე იქნება ცნობილი.
არჩილ ჯაფარიძის განცხადებით, ოჯახის ექიმებმა რისკის შემცველ ზონაში მყოფი ყველა ოჯახი შემოიარეს და მათ თერმოსკრინინგი ჩაუტარდათ.
„გუშინ მთელი დღის განმავლობაში თერმოსკრინინგი მიმდინარეობდა რისკის შემცველ სოფელ მელეში, სადაც გადაადგილდებოდა კორონავირუსით ინფიცირებული, ასევე დაბა ლენტეხში. ოჯახის ექიმებმა რისკის შემცველ ზონაში მყოფი ყველა ოჯახი შემოიარეს. პირველად კონტაქტში მყოფ პიროვნებებს ჩაუტარდათ თერმოსკრინინგი, 11 ადამიანზე აღებულია ნიმუში და გადაგზავნილია ქუთაისის ლაბორატორიაში კვლევისთვის. გუშინდელი სკრინინგის შედეგად 5 პიროვნებას დაუდგინდა მაღალი ტემპერატურა. მუდმივი დაკვირვების ქვეშ არიან ეს პიროვნებები და ბოლო ინფორმაციით მათ დღეს ტემპერატურა არ აღენიშნება, თუმცა მათზე ნიმუშები აღებულია და დღის ბოლომდე იქნება პასუხები,“ - განაცხადა არჩილ ჯაფარიძემ ტელეკომპანია „მაესტროს“ ეთერში.
შეგახსენებთ, რომ ცაგერისა და ლენტეხის მუნიციპალიტეტებში საკონტროლო გამშვები პუნქტების ამოქმედებისა და თერმოსკრინინგის ჩატარების აუცილებლობა მას შემდეგ დადგა, რაც 8 აპრილს 53 წლის მამაკაცს კორონავირუსი დაუდასტურდა, რომელიც ამ ორ მუნიციპალიტეტში გადაადგილდებოდა.
კორონავირუსის შემთხვევა დაფიქსირდა თერჯოლის მუნიციპალიტეტშიც. სოფელ ღვანკითიდან შუახნის ქალი თერჯოლის თავდაპირველად “ცხელების ცენტრში” შეიყვანეს, საიდანაც დადასტურებული დიაგნოზით, ქუთაისის ინფექციურ საავადმყოფოში გადაიყვანეს. მისი კონტაქტების ნაწილი იდენტიფიცირებულია, თუმცა ეპიდემიოლოგები მუშაობას აგრძელებენ. ინფიცირებულთან კონტაქტში მყოფი პირების ნაწილი თვითიზოლაციაში ან კარანტინშია გადაყვანილი.
ქალის დაინფიცირების პირველწყარო ჯერჯერობით უცნობია.
რაც შეეხება დედაქალაქის კლინიკებში მოთავსებულ პაციენტებს:
თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ინფექციურში მოთავსებული 2 განსაკუთრებით მძიმე პაციენტიდან 1-ის მდგომარეობა სტაბილური გახდა. როგორც ეზუგბაიამ ჟურნალისტებს განუცხადა, ამჟამად კლინიკაში 7 მძიმე პაციენტი რჩება.
“ამ დროის მონაცემებით არის 227 დადასტურებული შემთხვევა, აქედან გამოჯანმრთელებული არის 52, მათ შორის ჩვენი პაციენტი 38-ია, გუშინ 1 გამოჯანმრთელებული დაგვემატა. გუშინ დღის განმავლობაში გაკეთდა 14 პაციენტზე ტესტირება და ყველასთან მიღებულია უარყოფითი პასუხი, მათ შორის არიან ის პირები, რომლებიც გამოჯანმრთელებას ელოდებიან, მათი მონიტორინგი გაგრძელდება და ორჯერადი უარყოფითი პასუხის შემდეგ როგორც გამოჯანმრთელებული, შეემატება ამ 52 პაციენტს. დღეს აღებულია ტესტი 7 პაციენტზე და დღის პირველ ნახევარში იქნება პასუხი. რაც შეეხება მძიმე პაციენტებს, 7 მძიმე პაციენტზე ვლაპარაკობ ბოლო რამდენიმე დღეა და 2 პაციენტი განსაკუთრებით მძიმეა. 1 პაციენტი განსაკუთრებით მძიმედან სტაბილურია უკვე სამი დღის განმავლობაში და შეგვიძლია ვთქვათ, რომ ის განსაკუთრებით მძიმე აღარ არის, არის მძიმე. კლინიკაში ერთი არასრულწლოვანია, მისი მდგომარეობა დამაკმაყოფილებელია”, - განაცხადა ეზუგბაიამ.
მარინა ეზუგბაიას განცხადებით, მათ კლინიკაში სატვირთო ავტომობილის ორი მძღოლია მოთავსებული, რომელსაც კორონავირუსი სომხეთში დაუდასტურდა. როგორც ეზუგბაიამ ჟურნალისტებს განუცხადა, მათი მდგომარეობა სტაბილურია და „ალბათ, მალე გამოჯანმრთელდებიან“.
“მათი მდგომარეობა არ არის მძიმე. უკვე დაავადების დაახლოებით მე-9 თუ მე-10 დღეა. შესაბამისად, 10 დღის განმავლობაში თუ არ იქნება ხოლმე დაავადების მკვეთრი პროგრესირება, ასეთი პაციენტების მდგომარეობა მუდმივად სტაბილურია და უფრო ადრე ეწყება ხოლმე გამოჯანმრთელება და ეს ორი პაციენტი ასეთ სიტუაციაშია ამ ეტაპზე. მათი მდგომარეობა ალბათ, დარჩება სტაბილური“, - განაცხადა ეზუგბაიამ.
თბილისის ზღვის ჰოსპიტალში ამ დროისთვის 67 პაციენტია მოთავსებული, აქედან 49-ს კვლევის შედეგად ახალი კორონავირუსი არ დაუდასტურდა. ამის შესახებ ჟურნალისტებს თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელმა მარეხი ბექაიამ განუცხადა.
„ამჟამად კლინიკაში 67 პაციენტი იმყოფება. გუშინ 49 ცხვირ-ხახის ნაცხი გაიგზავნა ლუგარის ლაბორატორიაში. ყველა პასუხი უარყოფითი მოვიდა. ამჟამად ხდება პაციენტების დისლოკაცია შესაბამისი სტაციონარების მიხედვით. ეს პაციენტები გაეწერებიან და ახალი იქნება მიღებული“, - განაცხადა მარეხი ბექაიამ.
შეგახსენებთ, საქართველოში კორონავირუსით ინფიცირების შემთხვევათა რაოდენობა 230 - მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 4908 ადამიანი, ხოლო სტაციონარში მეთვალყურეობის ქვეშ - 430 პირი.
ინფორმაციისთვის, 230 ადამიანიდან 52 გამოჯანმრთელებულია, ხოლო 3 გარდაიცვალა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ქნა ქალმა რაც თუ სავაფმყოფო იყო ყველა მოიარა მერე ჩაბიდა ქობულეთში ნუ აჭარა წალეკა ქალმა რა!!!!დაეტიე სახლში არ გესმით!!!!