მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როდის უნდა მიიტანოთ ეჭვი COVID-19-ზე და რა უნდა იცოდეთ, თუ სახლში მკურნალობა მოგიწევთ
18:54 / 09-04-2020
"როდესაც პირველი სიმპტომები გვაქვს, საავადმყოფოში არ უნდა გავიქცეთ, უნდა დავრეკოთ 112-ზე და ექიმები წარმართავენ ყველაფერს" - ამის შესახებ საქართველოს პრემიერ-მინისტრმა, გიორგი გახარიამ, 112-ში ვიზიტისას განაცხადა.
ამჟამად კორონავირუსით ინფიცირებულები კლინიკებში მკურნალობენ, თუმცა საქართველოს მთავრობის პოზიციით, თუ შემთხვევათა რაოდენობა საგრძნობლად მოიმატებს, მსუბუქი სიმძიმის პაციენტებს მიეცემათ რეკომენდაცია, სახლებში იმკურნალონ.
როგორ უნდა მოიქცეთ თუ გაქვთ ეჭვი, რომ კორონავირუსით ხართ ინფიცირებული? - ამაზე პასუხს ვკითხულობთ პროტოკოლში, რომელიც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ შეიმუშავა.
როდის უნდა მივიტანოთ ეჭვი COVID 19 ის არსებობაზე?
კლინიკური ეჭვის მიტანა COVID-19-ის არსებობაზე უპირველესად აუცილებელია იმ პაციენტებში, რომელთაც აღენიშნებათ:
- ახლად აღმოცენებული ცხელება და/ან სასუნთქი სისტემის (რესპირაციული) სიმპტომები (მაგ., ხველა, ქოშინი);
- ქვედა სასუნთქი გზების მძიმე დაავადება, რომლის მიზეზი გაურკვეველია.
COVID-19-ის არსებობის ალბათობა იზრდება, თუ ზემოთ აღწერილი პაციენტები:
- ცხოვრობენ ან მოგზაურობდნენ გასული 14 დღის განმავლობაში იმ ადგილებში (ქვეყანა, რეგიონი, რაიონი, დასახლებული პუნქტი), სადაც SARSCoV-2 ინფექციის შიდა გავრცელებაა აღწერილი;
- გასული 14 დღის განმავლობაში ჰქონდათ მჭიდრო კონტაქტი COVID-19-ის დადასტურებული ან შესაძლო შემთხვევის მქონე პირებთან, მათ შორის სამედიცინო დაწესებულებაში მომუშავე პირთან. ახლო კონტაქტი გულისხმობს ასეთ პირთან 2 მეტრის და უფრო ახლო მანძილზე ხანგრძლივად ყოფნას პერსონალური დამცავი საშუალებების გარეშე ან დაინფიცირებულ სეკრეტებთან პირდაპირი კონტაქტს პერსონალური დამცავი საშუალებების გარეშე.
შესაძლო შემთხვევად ითვლება პაციენტი ნებისმიერი მწვავე რესპირაციული ინფექციით (ხველა, ყელის ტკივილი და სხვ.) ცხელებით ან მის გარეშე, რომელიც სიმპტომების დაწყებამდე 14 დღით ადრე მოგზაურობდა ჯანმო-ს მიერ რისკის ზონად მიჩნეულ ქვეყნებში ან იმყოფებოდა კონტაქტში ამ ქვეყნებიდან ჩამოსულ პირებთან ან სიმპტომების გაჩენამდე 14 დღის განმავლობაში იმყოფებოდა კონტაქტში COVID-19-ის დადასტურებულ ან სავარაუდო შემთხვევასთან, ან მუშაობდა ან იმყოფებოდა ისეთ სამედიცინო დაწესებულებაში, სადაც COVID-19-ის დადასტურებული ან სავარაუდო შემთხვევები მკურნალობდნენ.
სავარაუდო შემთხვევად ითვლება შესაძლო შემთხვევა, რომლის SARS-CoV-2-ზე ტესტირებისას არის გაურკვეველი შედეგი ან დადასტურება მოხდა პან-კორონავირუსზე კვლევით და სხვა რესპირაციული პათოგენებით ინფიცირება არ იქნა გამოვლენილი.
დადასტურებული შემთხვევად ითვლება პირი, რომელსაც ლაბორატორიულად დადასტურებული SARS-CoV-2 ინფექცია უფიქსირდება, კლინიკური გამოვლინებებისა და სიმპტომებისგან დამოუკიდებლად.
ჯანდაცვის სამინისტროს პროტოკოლის მიხედვით, სამედიცინო პერსონალს ეძლევა რეკომენდაცია, რომ COVID-19-ის საეჭვო ან დადასტურებული პაციენტების ბინაზე მონიტორინგისას, მსუბუქი სიმპტომების მქონე პაციენტს ურჩიონ დარჩეს სახლში და მოახდინოს თვითიზოლაცია 14 დღის განმავლობაში.
"მიაწოდეთ თვითმოვლის რეკომენდაციები. თუ თვითიზოლაცია შეუძლებელია, სამინისტროსთან შეთანხმებით უზრუნველყავით პაციენტის გადაყვანა საკარანტინე სივრცეში. ურჩიეთ ტემპერატურის გაზომვა სულ მცირე დღეში ორჯერ (დილა-საღამოს).
პაციენტს ეძლევა ბინაზე დარჩენის რეკომენდაცია, თუ:
- პაციენტს ყავს შესაბამისი მზრუნველი პირები ოჯახში;
- პაციენტს აქვს იზოლირებული ოთახი, სადაც არ შევლენ ოჯახის სხვა წევრები;
- აქვს ადეკვატური რესურსი საკვებისა და სხვა საჭიროებების დასაკმაყოფილებლად;
- პაციენტსა და ოჯახის წევრებს აქვთ შესაბამისი პირადი დაცვის საშუალებები (სულ მცირე, ხელთათმანები და ნიღაბი) და იციან მათი მოხმარების წესები
- პაციენტი და ოჯახის წევრები იცავენ რესპირაციული ჰიგიენის წესებს (ხველის ეტიკეტი, ხელების ჰიგიენა და ა. შ.)
თუ პაციენტს ყავს ოჯახის წევრები, რომლებიც შესაძლოა იმყოფებოდენ COVID-19 ინფექციის გართულებების მაღალი რისკის ქვეშ - მაგალითად, ხანდაზმულები, პაციენტები ქრონიკულ დაავადებებით, იმუნოკომპორომეტირებული პირები - ასეთ დროს აუცილებელია პაციენტის გადამისამართება საკარანტინე სივრცეში.
რეკომენდაციები პაციენტისთვის, რომელიც სახლში რჩება:
- დღის მანძილზე მიიღეთ საკმარისი რაოდენობით სითხე, რათა შარდს შეუნარჩუნდეს ღია გამჭვირვალე ფერი;
- შესაძლებელია მიიღოთ პარაცეტამოლი სიმპტომების გაუმჯობესების მიზნით;
- მედიკამენტი მიიღეთ ინსტრუქციის შესაბამისად და არ გადააჭარბოთ დოზას;
- თუ თქვენ ან თქვენი ოჯახის წევრი საჭიროებთ დაუყოვნებელ სამედიცინო რჩევებს - მიმართეთ ექიმს, თუ თქვენი ან ოჯახის სხვა წევრის მდგომარეობა გაუარესდება;
პროტოკოლის მიხედვით, ექიმმა უნდა განახორციელოს პაციენტის სატელეფონო მონიტორინგი მე-3 დღეს და შემდგომი სამოქმედო გეგმაც უნდა განისაზღვროს კლინიკური შეფასების საფუძველზე. მდგომარეობის გაუარესების შემთხვევაში პაციენტის ჰოსპიტალში გადასაყვანად ექიმი უკავშირდება 112-ს.
რაც შეეხება საკარანტინე სივრცეში განთავსებულ პაციენტებს, მათ მეთვალყურეობას გაუწევს საკარანტინე სივრცეში მომუშავე სამედიცინო პერსონალი.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უმარტივეს რჩევას მოგცემთ როგორც კი ნაცების მოსმენას დაიწყებთ კორონას სიმპტომები სახეზეა აი თუ დაიჯერებთ კიდეც მდგომარეობა უმძიმესი გაქვთ მაშინ სერიოზული მკურნალობა დაგჭირდებათ
კორო თურმე გველებს არ ემართებათ.ასე,რომ ნაცები და მათი გულშემატკივარი ტელედედაკაცები და ტელემამაკაცუნებიც გარანტირებულად დაცულები არიან.