მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არის თუ არა კავშირი 5G-სა და კორონავირუსის გავრცელებას შორის - ექსპერტების პასუხი პოპულარულ შეთქმულების თეორიაზე
10:16 / 05-04-2020
კორონავირუსის ახალი ტიპის, COVID-19-ის გავრცელებასთან დაკავშირებით, არაერთი შეთქმულების თეორია არსებობს, მათ შორის კი ყველაზე პოპულარულია მოსაზრება იმის შესახებ, რომ ვირუსი 5G ტექნოლოგიის გამო გავრცელდა.
როგორც BBC წერს, სამეცნიერო საზოგადოება უარყოფს ამ თეორიას და მას აბსოლუტურ სისულელეს უწოდებს.
სოციალურ ქსელებში გავრცელდა ვიდეოები, სადაც ნაჩვენებია მობილური ტელეფონების ანძების გამოსხივება ბირმინგემსა და მერსისაიდში. ეს ვიდეოები გააზიარეს Facebook-ზე, youtube-სა და Instagram-ზე მათ შორის, ავტორიზებულმა მომხმარებლებმა, რომლებსაც ასიათასობით გამომწერი ჰყავთ. ისინი კორონავირუსის გავრცელებასა და 5G-ს შესაძლო კავშირზე წერდნენ.
მეცნიერთა თქმით, მოსაზრება იმის შესახებ, რომ 5G-სა და Covid-19-ს შორის რაიმე კავშირია, არ შეესაბამება სიმართლეს და ასეთი რამ ბიოლოგიურად შეუძლებელია.
"ეს არის ყველაზე უარესი ყალბი ინფორმაცია სხვა კონსპირაციულ თეორიებს შორის“, - ამბობს დიდი ბრიტანეთის ეროვნული ჯანდაცვის სერვისის ინგლისის სამედიცინო დირექტორი, სტივენ პოუსი.
შეთქმულების თეორია:
შეთქმულების თეორია ასეთი შინაარსისაა - მისი ავტორები თვლიან, რომ 5G ტექნოლოგია, რომელიც მობილურ ტელეფონებში გამოიყენება და მუშაობს რადიოტალღების სიგნალების საშუალებით, როგორღაც პასუხისმგებელია კორონავირუსის გაჩენაზე და მის გავრცელებაზე.
ეს თეორიები პირველად გაჩნდა იანვრის მიწურულს, სწორედ იმ პერიოდში, როცა აშშ-ში კორონავირუსის პირველი შემთხვევები გამოვლინდა.
5G-სთან დაკავშირებული თეორიები ორ ნაწილად იყოფა:
- ერთი თეორიის მიხედვით, 5G ასუსტებს ადამიანის იმუნურ სისტემას და შედეგად, უფრო მგრძნობიარე ხდება ვირუსების მიმართ და უფრო მარტივად ინფიცირდება.
- მეორე თეორიის მიხედვით კი, ვირუსი ადამიანიდან ადამიანზე როგორღაც სწორედ 5G ტექნოლოგიის საშუალებით გადადის.
"ორივე ეს თეორია სულელურია“ - ამბობს უჯრედის მიკრობიოლოგიის ექსპერტი, პროფესორი, ექიმი საიმონ კლარკი BBC-სთან.
ექიმის თქმით, მოსაზრება, რომ 5G აუარესებს ადამიანის იმუნურ სისტემას, შემოწმებასაც კი არ საჭიროებს, ისეთი ნონსენსია.
"ადამიანის იმუნური სისტემა ბევრმა რამემ შეიძლება შეასუსტოს - მაგალითად იმან, რომ დღის განმავლობაში დაიღალოს, ან კარგად არ იკვებება და ა.შ. ამ ყოველივეს გამო შეიძლება ძალიან არ დასუსტდეთ, მაგრამ ვირუსების მიმართ უფრო მგრძნობიარე გახდეთ და უფრო მარტივად დაინფიცირდეთ.
რადიოტალღებმა შეიძლება იმოქმედონ თქვენს ფიზიოლოგიაზე, თუ ის ძალიან ძლიერია, მაგრამ 5G-ის რადიო ტალღები ძალიან მცირეა და ახლოსაც არაა იმ ძალასთან, რომ მან იმუნურ სისტემაზე მოახდინოს გავლენა და ამის დამადასტურებელი უამრავი კვლევა არსებობს", - ამბობს ექიმი BBC-სთან საუბრისას.
ასევე, შეუძლებელია რომ 5G ვირუსის გადამტანი, ანუ გამავრცელებელი იყოს - ამბობს ბრისტოლის უნივერსიტეტის პროფესორი, ადამ ფინი.
"კორონავირუსის ეპიდემიის მიზეზი არის ის, რომ ვირუსი ინფიცირებული ადამიანიდან მეორეს გადაეცემა. ეს არის სიმართლე. ვირუსები და ელექტრომაგნიტური ტალღები, რომელიც მობილური ტელეფონისთვის და ინტერნეტკავშირისთვისაა, აბსოლუტურად სხვადასხვა რამეა და ისეთივე სხვაობაა, როგორიც ცარცსა და ყველს შორის“, - ამბობს პროფესორი.
BBC ასევე აღნიშნული შეთქმულების თეორიის კიდევ ერთ ხარვეზზე წერს. გამოცემის ცნობით, კორონავირუსი ვრცელდება დიდი ბრიტანეთის ისეთ ქალაქებში, სადაც 5G ტექნოლოგია ჯერ არ არის, ასევე ისეთ ქვეყნებში, როგორიც ირანია, სადაც საერთოდ არ არის მსგავსი ტექნოლოგია.
BBC წერს, რომ ვირუსი ადამიანის, ან ცხოველის ორგანიზმში იჭრება და იყენებს მას გასამრავლებლად. ვირუსები დიდხანს ვერ ძლებენ ცოცხალი ორგანიზმის გარეთ და ეძებენ გზას მასში მოსახვედრად.
რაც შეეხება კორონავირუსს, მკვლევრები მიიჩნევენ, რომ ის ადამიანში ცხოველისგან მოხვდა, რის შემდეგაც დაიწყო ადამიანიდან ადამიანზე გადაცემა.
ბოლო მონაცემებით, კორონავირუსით, გლობალური მასშტაბით, 1 203 140 ადამიანი დაინფიცირდა, რომელთა შორისაც 64 744 პაციენტი გარდაიცვალა, ხოლო 246 760 გამოჯანმრთელდა.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოკლედ აღარავის არაფერი დაეჯერება))) ვერანაირ კვლევებს ვეღარ დაუჯერებ. არადა რა ხდება სინამდვილეში.))) ფსევდო სწავლულები და ფსევდო პროფესორების აზრით,, კორონა ვირუსი არის ნანო ტექნოლოგიებით შექმნილი ბიო რობოტი, რომლის სამართავადაც 5 g არის საჭირო)))) ეს მოვისმინე ერთერთი ქართველისაგან, რომელიც ახლა რუსეთშია.))) თითქოს ამ ვირუსის მეშვეობით შემდეგ შესაძლებელია ადამიანის მანიპულირება))) აი ეს არის კორონავირუსის შეთქმულების ფსევდო მეცნიერული ბოდვა))) აი ასე, ხან უბრალო გრიპია და ხან ურჩხული დასავლეთის ნაჩუქარი ურჩხული ბიო რობოტი. რუსებს რომ ჰკითხო, ლუგარის ლაბორატორია საერთოდ ბოროტების სავანეა)))))
მოხუცებულები დაიღუპა უმრავლეობა რომელთაც საერთოდ ამ ტეხნიკასთან შეხება არ ექნებოდათ