8 აპრილის სუპერსავსემთვარეობა, როგორიც ბოლოს 12 წლის წინ იყო - რა ელით ზოდიაქოს ნიშნებს და ვისზე იმოქმედებს ის ყველაზე მეტად

8 აპრილს გველოდება სუპერსავსემთვარეობა. ასეთი სავსემთვარეობა 12 წელი არ ყოფილა. ამაზე ცოტა მოგვიანებით, ახლა კი ორი სიტყვით შეგახსენებთ აპრილის მნიშვნელოვან მოვლენებს: როგორც უკვე იცით, მარსი 30 მარტს გადავიდა მერწყულის ზოდიაქოში და იქ დარჩება 13 მაისამდე. ამ პერიოდში სასურველია, სასარგებლოდ გამოიყენოთ ის დრო, რაც ახლა გაქვთ. გამოიყენეთ თანამედროვე ტექნოლოგიები და გაჯეტები; აითვისეთ ინტერნეტი, ვიდეოკონტაქტები. ნუ შეგეშინდებათ ექსპერიმენტების. შექმენით თანამოაზრეების თქვენი გუნდი. მოაწესრიგეთ ტექნიკური საკითხები.

ვენერა 3 აპრილს ესტუმრა ტყუპის ზოდიაქოს და იქ დარჩება 7 აგვისტომდე. ამ პერიოდში ცოტა უფრო მსუბუქად ვიგრძნობთ თავს და ადვილად შევძლებთ ურთიერთობებს, კონტაქტებს. გაადვილდება ახალი ადამიანების გაცნობა.

5 აპრილს გვექნება იუპიტერ-პლუტონის შეერთება. ამ მოვლენების შესახებ დეტალურად უკვე გვეწერა ჩვენ. ეს მოვლენაც 12 წელიწადში ერთხელ ხდება. გაიხსენეთ, რა ხდებოდა 12 წლის წინ. შეგახსენებთ, რომ პლუტონი არის ტრანსფორმაციის პლანეტა და ცვლის ყველაფერს, რასაც ეხება. შეიძლება ჩამოგაცილოთ ყველა ის ადამიანი ან საქმეები, ვინც უკვე ითამაშა თავის როლი თქვენს ცხოვრებაში და მომავალში განვითარების შანსი არა აქვს. ამიტომ, თუ ხვდებით, რომ ცვლილებების დროა, უნდა ამოქმედდეთ, არ შეეწინააღმდეგოთ.

კიდევ ერთხელ უნდა გაგაფრთხილოთ, რომ 7 აპრილს იყოთ მაქსიმალურად ფრთხილები, რადგან პლანეტების - მარსი/ურანის კვადრატი გველის. ეს არის მოულოდნელობები და ავარიები. კონფლიქტებისა და აგრესიის პერიოდი.

სავსემთავრეობაზე კი, როგორც წესი, ემოციების პიკია ხოლმე. ამიტომ, მაქსიმალურად ფრთხილად უნდა იყოთ. გაფრთხილდით ელექტროობასთანაც, საჭესთანაც

8 აპრილს, 6:35-ზე, სუპერსავსემთვარეობას ველოდებით სასწორის ზოდიაქოს 19 გრადუსში. სუპერსავსემთვარეობაზე მთვარე 7-14 პროცენტით მკვეთრად ანათებს და 15-30 პროცენტით დიდია, ვიდრე ჩვეულებრივი სავსემთვარეობის დროს. სავსემთვარეობა ამგვარი მონაცემებით გვქონდა 12 წლის წინ. მოერიდეთ კონფლიქტებს, იყავით გაწონასწორებული. სასწორი, სადაც მდებარეობს სავსემთვარეობის დროს მთვარე, იმართება პლანეტა ვენერათი, ამიტომ მეტი სიყვარული გამოავლინეთ, მეტი სილამაზე დაინახეთ ყველაფერში. მშვიდად შეხვდით აგრესიულ ადამიანებს, რადგან, როგორც ფსიქოლოგები ამბობენ, ყველაზე აგრესიულები და ჭირვეულები არიან ის ადამიანები, ვისაც სიყვარული აკლია. გახსოვდეთ, რომ სავსემთვარეობის ენერგია პლუს/მინუს 2 დღეზე ვრცელდება.

ყველა სავსემთვარეობას აქვს თავისი მისია და გვითითებს, სად მივმართოთ ჩვენი ენერგია, რა გავაკეთოთ და რა - არა.

სავსემთვრეობა ხდება სასწორი/ვერძის ღერძზე და ამიტომ, 8 აპრილის თემაა: სიყვარული და სიძულვილი, ომი და მშვიდობა და თანხმობა და კონფლიქტი

სასწორი არის ერთადერთი უსულო საგანი, რომელიც მომართულია სამართლიანობასა და პარტნიორობაზე. რაც უნდა ხდებოდეს, იმოქმედეთ ცივი გონებით, განსაჯეთ ობიექტურად, მოძებნეთ ბალანსი და პარტნიორის ინტერესებიც გაითვალისწინეთ.

ვერძის მმართველი პლანეტა მარსი იმყოფება მერწყულის ზოდიაქოში და გვეუბნება, რომ უნდა ვიმოქმედოთ ისე, როგორც არასდროს აქამდე. უნდა გამოხვიდეთ კომფორტის ზონიდან. მარსი გაძლევთ ბრძოლისუნარიანობასაც, ძალასაც და სითამამესაც, რომ გაიკვალოთ ახალი გზა. მზე არის (19 აპრილამდე) ვერძის ზოდიაქოში და გვირჩევს, რომ დავიწყოთ ახალი საქმეები, მოვძებნოთ ახალი გზები, მაგრამ ნუ გვექნება მომენტალური სარგებლის იმედი. ეს ყველაფერი უნდა გაკეთდეს იმისთვის, რომ მშვიდად შევხვდეთ 2021 წელს და მაშინ მიიღებთ იმ საქმის შედეგს, რის კეთებასაც ახლა დაიწყებთ. მოთმინებით აღიჭურვეთ, იყავით მიზანმიმართული და იმოქმედეთ დაკვირვებულად.

• ვინ იგრძნობს სუპერსავსემთვარეობა ყველაზე მეტად?

ისინი, ვინც დაიბადნენ შემდეგი ზოდიაქოს ნიშნებით: ტყუპი (6-12.06), სასწორი (8-14.10), მერწყული (4-10.02), ვერძი (6-12.04), კირჩხიბი (8-14.07) და თხის რქა (6-12.01). აგრეთვე, თუ პლანეტები (და მთვარის კვანძები) განლაგებული გაქვთ ტყუპის, სასწორი, მერწყულის, ვერძის, კირჩხიბისა და თხის რქის 16-22 გრადუსში. და აგრეთვე, თუ თქვენი ASC-DSC და MC-IC ხვდება ამ ზოდიაქოს ნიშნების 16-22 გრადუსში.

მშვიდობიან და ჰარმონიულ სუპერსავსემთვარეობას გისურვებთ!