მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მე-9 დღე იყო ყველაზე მსუბუქი, მივხვდი ნელ-ნელა ვემშვიდობებოდი ვირუსს" - რას წერს აშშ-ში მცხოვრები ემიგრანტი, რომელმაც კორონავირუსი დაამარცხა
09:23 / 01-04-2020
ნიუ-იორკში მცხოვრები ქართველი ემიგრანტი ხატია მეშველიანი, რომელსაც ახალი კორონავირუსი დაუდასტურდა, საკუთარი გამოცდილების შესახებ უყვება ინტერნეტმომხმარებლებს. მეშველიანი "ფეისბუქის" პირად გვერდზე წერს, როგორ გაიარა მკურნალობის პერიოდი თვითიზოლაციაში მყოფმა, ექიმების რჩევების გათვალისწინებით:
"მოგესალმებით მეგობრებო, მინდა ჩემს შესახებ მოგიყვეთ. ვცხოვრობ ნიუ იორკში. ვარ 36 წლის. Covid-19 -ით დაინფიცირებულ ადამიანებთან ხუ დღიანი უშუალო კონტაქტის შემდეგ მეც დამეწყო საყოველთაოდ ცნობილი სიმპტომები. პირველი რაც შევნიშნე იყო ყელის ტკივილი და 37 C ტემპერატურა. მეორე დღეს ოდნავ მოიმატა ტემერატურამ, დაახლოებით სამი ხაზით. ძალიან უსიამოვნო იყო ეს ყველაფერი, თუმცა პანიკას არ ავყოლილვარ. გავიკეთე ტესტი და გადავედი თვითიზოლაციაში.
დავიწყე მკურნალობა მხოლოდ ცხელი სითხეებით დღეში 14-15 ფინჯანი (ლიმონი, ჯინჯერი თაფლი). ამ დღეების განმავლობაში მქონდა სისუსტე, თავის ტკივილი და დაბალი ტემპერატურა 37,5C. სიცხის დამწევი ანუ პარაცეტამოლი მხოლოდ 3-ჯერ მივიღე რაც მაინც და მიანც სასურველი არ ყოფილა როგორც შემდგომში ბატონ ზურაბ გურულთან კონსულტაციისას გავარკვიე, რადგან ჯანმრთელი ორგანიზმი თავად ებრძვის ვირუსს და თუ შესაძლებელია და ასატანია, რომ 38-მდე სიცხეს გაუძლოს ადამიანმა, არ ღირს სიცხის დამწევის მიღება.
ძალიან დიდი მადლობა მინდა გადავუხადო ამერიკაში მოღვაწე ცნობილ ექიმს, ბატონ ზურაბ გურულს. მისი გადატვირთული სამუშაო გრაფიკის მიუხედავად, რომ მაინც დამითმო დრო რადგან მასთან გასაუბრებამ გამაცნობიერებინა მდგომარეობა უფრო რეალისტურად და მომეხსნა შიშები. გავთავისუფლდი პანიკისგან, რომელსაც არ ვიმჩნევდი და თავს არ ვუტყდებოდი, მაგრამ შინაგანად მაინც ვნერვიულობდი.
მე-5 დღეს ჩემი ტესტის პასუხი იყო დადებითი... ამ პერიოდს დაემთხვა ის, რომ მომიწია ბინის შეცვლა და ამან გამოიწვია ნერვიულობა სხვა და სხვა საორგანიზაციო საკითხებთან დაკავშირები. რა თქმა უნდა, ნერვიულობა ამ დროს ხელის შემშლელია. მქონდა პანიკური შეტევა და უძილობა.
მე-7, მე-8 დღეს ვგრძნობდი ფილტვის არეში მსუბუქ წვას და ჩხვლეტებს, რომელმაც მალევე გამიარა. ეს შეგრძნებები შემდეგ პერიოდულად გადმოდიოდა გულ-მკერდის არეში. შიგადაშიგ მემართებოდა ჰაერის უკმარისობა მსუბუქ ფომრებში, რაც მიმაჩნია, რომ იყო ნევროზული, გამომდინარე იქედან, რომ ხველება საერთოდ არ მქონია. ჰაერის უკმარისობის მოახსნაში მეხმარებოდა სუნთქვითი ვარჯიშები. ასევე მქონდა უმადობა, საერთოდ არ მინდოდა ჭამა.
მე-9 დღე იყო ყველაზე მსუბუქი და მივხვდი რომ ნელ-ნელა ვემშვიდობებოდი ამ ვირუსს. დღეს მე-10 დღეა და ჯერ ვერ ვიტყვი, რომ ყველაფერი დამთავრდა, თუმცა თავს კარგად ვგრძნობ. მთავარი რჩევა რაც შემიძლია გითხრათ: ნუ აყვებით პანიკას, რადგან ნერვიულობა აქვეითებს იმუნიტეტს და ხელს უშლის ორგანიზმს ვირუსთან ბრძოლაში. ეს სიმპტომები ხშირად მოჩვენებითია ამ საყოველთაო შიშების ფონზე. ადამიანებს ჰგონიათ, რომ ამ ვირუსით არიან დაინფიცირებულები და ვარდებიან პანიკაში.
კიდევ ერთხელ!!! ნუ აყვებით პანიკას, რადგან გართულებული ხველა და გაუსაძლისი უჰაერობა თუ არ გჭირთ, რომც იყოს თქვენში ვირუსი, ეს ნიშნავს რომ მსუბუქ ფორმებში გაქვთ და ის თავისით გაივლის. არც ისეთი რთული ყოფილა როგორიც მანამდე მეგონა. იფიქრეთ მხოლოდ იმაზე, რომ ეს ვირუსი არის დროებითი და რამდენიმე დღეში თავისით წავა. ყოველი შემთხვევისთვის, მე ვაგრძელებ თვითიზოლაციაში ყოფნას კიდევ 10 დღე, რათა გავუფრთხილდე სხვა ადამიანებს. გისურვებთ ჯანმრთელობას, დარჩით სახლში!" - წერს ხატია მეშველიანი.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთმა დაგლოცოს ჯიშიანო ქართველო ქალბატონო, ყველა განსაცდელი ასე გმირულად გადაგატანინოს.
გაიხარე! ღმერთმა გიშველოს! ძალიან კარგი სტატიაა!