"ჩემი ძმა ახლოს არ მიუშვეს, საშიშიაო" - ესპანეთში კორონავირუსით გარდაცვლილი ცირა ალიხანაშვილი მადრიდში სპეციალურ აკლდამაში დაკრძალეს

ესპანეთში COVID-19- ის დიაგნოზით გარდაცვლილი ცირა ალიხანაშვილი მადრიდში, სპეციალურ აკლდამაში დაკრძალეს. ამის შესახებ ინფორმაცია AMBEBI.GE - ს გარდაცვლილი ახალგაზრდა ქალის მულმა ხათო ნაჭყებიამ მიაწოდა.

"ეს წუთია დაკრძალეს ჩემი ანგელოზი, აკლდამაში დაასვენეს. არავინ არ მიუშვეს ახლოს. ჩემს ძმას მიახლოების საშუალებაც არ მისცეს, საშიშიაო. ის ძალიან მძიმედ არის ემოციურად. ძალიან უყვარდა მისი მუღლე, 17 წელი ერთმანეთის გარეშე ერთი დღეც არ ყოფილან.

არ ვიცი როგორ გადაიტანს ამას. ნეტა იცოდეთ მე რას განვიცდი, როგორ მინდა გადმოგცეთ, როგორი კარგი იყო ცირა, მაგრამ სიტყვებს ვერ ვუყრი თავს. სპეციალურ ნომერს გადმოგვიგზავნიან და გვეცოდნიება, სადაც არის დაკრძალული. ამ ნომრის მეშვეობით შევძლებთ გადმოსვენებას, როცა ამის ნებას დაგვრთავენ" - ამბობს გარდაცვლილის მული.

მისი თქმით, ცირა ალიხანაშვილის მეუღლე სამშობლოში დასაბრუნებლად ესპანეთში სპეციალური ავიარეისის დანიშვნას ელოდება.

"ჩემი ძმა პირველივე რეისით დაბრუნდება უკან. ჯერ არ დანიშნულა სპეციალური რეისები ესპანეთიდან, კონტაქტზე ვართ საკონსულოსთან და როგორც კი შესაძლებლობა გაჩნდება, საქართველოში დაბრუნდება, თავის ობოლ შვილებთან" - ამბობს ხათო ნაჭყებია.

ცირა ალიხანაშვილის დაობლებული ხუთი შვილის დასახმარებლად ბავშვების მამის სახელზე ანგარიშის ნომერი გაიხსნა. ოჯახი სოციალურად დაუცველია და უკიდურეს გაჭირვებაში ცხოვრობს. მსურველებს შეუძლიათ თანხა შემდეგ ანგარიშის ნომრებზე ჩარიცხონ:

თიბისი ბანკი - GE94TB7075345064300015

საქართველოს ბანკი - GE71BG0000000162469876

მიმღები მეუღლე მამუკა ნაჭყებია