საქართველოში კორონავირუსით დაინფიცირების ახალი შემთხვევიდან ერთ-ერთი აჭარაში დაფიქსირდა და ის თურქეთთან მოგზაურობას უკავშირდება. ამის შესახებ აჭარის ჯანდაცვის მინისტრმა ზაალ მიქალაძემ განაცხადა.
"დღის მანძილზე ბათუმის ინფექციურ საავადმყოფოში შეყვანილი იყო 4 საეჭვო შემთხვევა და მათ შორის სამი იყო უარყოფითი, ერთს დაუდასტურდა კორონავირუსი.
მას ჰქონდა მოგზაურობის ისტორია მეზობელ თურქეთში, საზღვრის კვეთისას, თერმომონიტორინგის დროს დაუფიქსირდა ტემპურატურა და საზღვრიდანვე გადაყვანილი იყო კლინიკაში" - აღნიშნა მიქელაძემ.
საქართველოში კორონავირუსით ინფიცირების შემთხვევები 75-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
ამავე ინფორმაციის თანახმად, კარანტინის რეჟიმშია 4055 ადამიანი, ხოლო სტაციონარში მეთვალყურეობის ქვეშ - 252 პირი. აღსანიშნავია, რომ დაინფიცირებულთაგან 10 პირი უკვე გამოჯანმრთელდა.
