მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მედიკამენტების დასახელება იწვევს იმას, რაც მოჰყვა ანტიმალარიული საშუალების დასახელებას, დაიტაცეს აფთიაქებიდან" - პაატა იმნაძე
13:38 / 25-03-2020
მედიკამენტების მედიაში დასახელება იწვევს ხოლმე იმას, რაც მოჰყვა ანტიმალარიული საშუალების დასახელებას, ატყდა აჟიოტაჟი და დაიტაცეს აფთიაქებიდან, ამიტომ, მოდი, მივანდოთ ეს საქმე პროფესიონალების გუნდს, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განცხადა.
კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე იმნაძემ ის მედიკამენტები, რომელიც კორონავირუსის წინააღმდეგ შესწავლის პროცესშია, არ დაასახელა და განაცხადა, გარკვეულმა მედიკამენტების საჭიროების გარეშე გამოყენებამ შესაძლოა უარყოფითი გავლენა მოახდინოს ადამიანის იმუნურ სისტემაზე.
„მედიკამენტების მედიაში დასახელება იწვევს ხოლმე იმას, რაც მოჰყვა ანტიმალარიული საშუალების დასახელებას, ატყდა აჟიოტაჟი და დაიტაცეს მედიკამენტი, რომელმაც შეიძლება უარყოფითი გავლენა მოახდინოს ადამიანის იმუნურ სისტემაზე, თუ არ იცის როდისაა მისი გამოყენება საჭირო. ამიტომ, მოდი, მივანდოთ ეს საქმე პროფესიონალების გუნდს, რომელსაც თენგიზ ცერცვაძე ხელმძღვნელობს, რომელიც ადგენს ამ პროტოკოლებს, მივანდოთ საქმე მცოდნე ადამიანებს და მათ გადაწყვიტონ მედიკამენტების საკითხები.
რაც შეეხება პრეპარატ „პლაქვენილის“ გამოყენებას, იმნაძემ განაცხადა, რომ მისი მოხმარება პაციენტებთან პირველივე შემთხვევიდან დაიწყო.
„ჩვენმა ექიმებმა ეს იციან, ასე რომ, კიდევ ერთხელ მოგიწოდებთ, ეს საქმე მივანდოთ მათ, ვისაც ეს ეხება, ჩვენს მაღალ დონეზე მომზადებულ სამედიცინო პერსონალს“, - განაცხადა იმნაძემ.
პაატა იმნაძემ სწრაფი ტესტირების შესახებაც ისაუბრა და აღნიშნა, რომ წინასწარ მოხდება მოსახლეობის ინფორმირება იმასთან დაკავშირებით, თუ როდის, რომელი ჯგუფების სწრაფი ტესტირება დაიგეგმება.
„ყველა ტესტს აქვს თავისი გამოყენების სტრატეგია და შემდეგ ტაქტიკა, რა ეტაპზე რა ტაქტიკით უნდა ვისარგებლოთ. რა და როდის დაიგეგმება, ეს ყველაფერი წინასწარ გამოცხადდება. ჯერჯერობით, ჩვენთვის მთავარია, რომ ვიპოვოთ დროულად ყველა შესაძლო ინფიცირებული, რათა მაქსიმალურად შევანელოთ ინფექციის გავრცელება და რა ჯგუფებს გამოვიკვლევთ, როდის გამოვიკვლევთ, ეს ყველაფერი მოსახლეობას ეცნობება,“ - განაცხადა პაატა იმნაძემ.
მისი თქმით, დღეს საქართველოში რა შემთხვევებიც გვაქვს, „ძირითადად ეს არის ან ოჯახური ან სამეგობრო წრეში გავრცელებული კლასტერები“.
„ძალიან გთხოვთ, ყველამ სწორად გამიგეთ, ეს არ ნიშნავს იმას, რომ ოჯახის წევრები ერთმანეთს არ უნდა ელაპარაკონ, მაგრამ თვითიზოლაციაში როცა არის ადამიანი, მაქსიმალურად უნდა შევამციროთ ყველა ახლო კონტაქტი. თქვენ წარმოიდგინეთ, ოჯახის წევრებს შორისაც, ახლობლებს შორისაც. ეს არ ნიშნავს იმას, რომ ერთმანეთს არ უნდა დაველაპარაკოთ, მაგრამ მანძილი რომ დავიცვათ ლაპარაკის დროსაც, ძალიან კარგი იქნება. ღია სივრცეში ეს უნდა იყოს მინიმუმ მეტრნახევარი, დახურულ სივრცეში მინიმუმ 2 მეტრი”, - განაცხადა იმნაძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბსოლუტური სიმართლეა,არ არის საჭირო პრეპარატების დასახელება,ვისაც ესაჭიროება იმათ ექიმები დაუნიშნავენ.