მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
8 პროდუქტზე ფასების უცვლელად შენარჩუნებას სახელმწიფო დააზღვევს - რას ამბობენ სურსათის მარაგებზე მთავრობაში
13:52 / 19-03-2020
სოფლის მეურნეობის სამინისტრომ პრემიერის დავალების თანახმად, უკვე შეიმუშავა მექანიზმი, რომლის საშუალებითაც 8 უმთავრეს სასურსათო პროდუქტზე ფასები არ გაიზრდება.
დეტალების შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროს, სოფლის მეურნეობის სურსათისა და სოფლის განვითარების დეპარტამენტის უფროსი, თენგიზ კალანდაძე ესაუბრა. მისი ინფორმაციით, გამოიკვეთა 8 სასურსათო პროდუქტი, რომელზეც ფასების უცვლელად შენარჩუნებას სახელმწიფო დააზღვევს.
ეს პროდუქტებია:
- ბრინჯი
- წიწიბურა
- მაკარონი
- ზეთი
- ფქვილი
- ხორბალი
- რძის ფხვნილი
- შაქარი
რაც შეეხება უშუალოდ მექანიზმს, თენგიზ კალანდაძის ინფორმაციით, საუბარია კურსთა შორის სხვაობის სახელმწიფოს მიერ დაფარვაზე. მისივე თქმით, აღნიშნულის შესახებ მთავრობის დადგენილება დღეს გამოიცემა და პროცესს სამინისტროს პროექტების მართვის სააგენტო და საბანკო სისტემა განახორციელებენ.
„მოგეხსენებათ, ეს პროდუქტები იმპორტირებულია. ჩვენი ბიზნესი, როდესაც ამ პროდუქტებს ყიდულობს, ახდენს ლარის კონვერტაციას ბანკში. ჩვენ დავაფიქსირებთ ლარის კონვერტაციის კურსს, რაც კონკრეტულ დღეს იქნება, როდესაც კონვერტაცია ხდება და 3 ლარის ზემოთ სხვაობას სახელმწიფო დაფარავს. პირობითად თუ 1 დოლარი ღირს 3 ლარი და 10 თეთრი, სახელმწიფო ამ 10 თეთრიან სხვაობას დაფარავს, მას შემდეგ რაც პროდუქტი ქვეყანაში შემოვა, განბაჟდება და ყველა საბუთი ხელმისაწვდომი იქნება. შესაბამისად კურსის სხვაობის გამო, არ იქნება იმისი ობიექტური მიზეზი, რომ ეს 8 პროდუქტი გაძვირდეს. ამაზე შედგა შეთანხმება“, - აღნიშნა თენგიზ კალანდაძემ "ინტერპრესნიუსთან" საუბრისას.
ცნობისთვის, აღნიშნული დავალება ფასების ზრდის დაზღვევის მექანიზმის შემუშავების შესახებ პრემიერ-მინისტრმა გიორგი გახარიამ კორონავირუსთან დაკავშირებით შექმნილ უწყებათაშორისი საბჭოს სხდომაზე სოფლის მეურნეობის სამინისტროს გუშინ მისცა.
სურსათის დეფიციტი არ შეიქმნება, - ამის შესახებ ეკონომიკისა და მდგრადი განვითარების მინისტრმა ნათია თურნავამ ფოთში განაცხადა. მისი თქმით, ლარსზე საკვები პროდუქტით დატვირთული მანქანები დგას და კლიმატური პირობების გაუმჯობესებისთანავე, შემოვა.
„მთავრობასთან მოქმედი საგანგებო შტაბის დავალებით, ჩვენ ვამუშავებთ ისეთ მექანიზმს, რომლითაც 8 დასახელების პირველადი მოხმარების საქონელზე, საკვებ პროდუქტებზე ფასები იქნება რეგულირებული და ამაში ჩვენ ყველანი ჩავერთვებით და ეს მექანიზმი იქნება შემოთავაზებული. ასევე მარაგები არის, ამა მარაგებში უნდა ჩავთვალოთ ის მარაგებიც, რომლებიც დღეს არის გზაში, უბრალოდ ლარსზე შეიქმნა პრობლემა კლიმატური პირობებიდან გამომდინარე, ჩართული გვყავს მათ შორის თბილკურორტების კომპანია, რომლიც გვეხმარება იმაში, რომ ზვავსაშიშროებისგან დავიცვათ მძღოლები და რაც შეიძლება მალე გავხსნათ ლარსი, რასაც სულ რამდენიმე დღეში ველოდებით. სურსათის დეფიციტი არ შეიქმნება, გამომდინარე იქიდან, რომ თავად მაღაზიებშიც მარაგი არის. გარდა ამისა, ლარსზე დგანან მანქანები, რომლებიც დატვირთულია საქონლით, მათ შორის ბურღულეულით, შაქრით და სხვა მოთხოვნადი საქონლით, რომელიც ჩვენ ახლა გვესაჭიროება,“ - განაცხადა ნათია თურნავამ.
თუ როგორ დაარეგულირებს სახელმწიფო პროდუქტებზე ფასების ზრდის შეჩერებას, მინისტრი ამბოს, რომ ამ საკითხე მუშაობა მიმდინარეობს.
"ჩვენ ვმუშაობთ რამდენიმე მიმართულებით, ერთი არის, როდესაც ფასების ზრდას აქვს ობიექტური საფუძველი, მათ შორის თუნდაც კურსთა ცვალებადობა, აქ ჩვენ მოვიფიქრეთ სპეციალური მექანიზმი, რომელიც სოფლის მეურნეობის სამინისტრომ შესთავაზა საზოგადოებას, რომლითაც რვა დასახელების პირველადი მოხმარების საქონელზე, საკვებზე, ფასები იქნება რეგულირებული და დაცული სხვადასხვა ცვალებადობისგან. გარდა ამისა, მეორე მექანიზმი ეს არის მონიტორინგი და კონტროლი, უსაფუძვლოდ არ მოხდეს ფასების ზრდა, არ მოხდეს გარკვეული სპეკულაციური ფაქტები. საბედნიეროდ, ასეთი ფაქტები არ არის მასობრივი, მაგრამ იქ სადაც ეს გამოვლინდება , ერთიანი ჯგუფებით, სხვადასხვა სამინისტროს წარმომადგენლები დადიან, ამოწმებენ და იქნება ძალიან მკაცრი რეაგირება“, - აღნიშნა ნათია თურნავამ .
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გამარჯობათ. ყველაფერზეა მომატებული ფასები, შაქარზეც ფქვილზეც და ბრინჯზეც. რაიონები გააკონტროლეთ.
ორ ნაბიჯში დღეებია შაქარი არა აქვთ!!!!