მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სპეცპროექტი COVID-19 - ყველაფერი კორონავირუსის შესახებ "პალიტრანიუსის" ეთერში
18:07 / 16-03-2020
16 მარტიდან, "პალიტრანიუსის" ეთერში ახალი გადაცემა - "სპეცპროექტი COVID-19" გავა, რომელიც ბოლო დროის ყველაზე აქტუალურ თემას, კორონავირუსსა და მასთან დაკავშირებულ ყველა მნიშვნელოვან საკითხს ეძღვნება.
გადაცემის შესახებ წამყვანი თამთა ასათიანი გვესაუბრება:
"სპეცპროექტში გაშუქდება პრობლემა, რომელმაც მთელი მსოფლიო მოიცვა, კორონავირუსის შესახებ საზოგადოებისთვის უკვე ბევრი რამ არის ცნობილი, თუმცა კიდევ უამრავი ახალი კითხვა იბადება. ჩვენ კიდევ უფრო საინტერესო ინფორმაციებს მივაწვდით და რაც მთავარია, გავაცნობთ სხვადასხვა პრაქტიკულ რჩევას.
გადაცემის იდეა არხის ხელმძღვანელობას მას შემდეგ გაუჩნდა, რაც ეს პრობლემა საქართველოშიც აქტუალური გახდა. ჩვენ ვგრძნობთ ჩვენს წილ პასუხისმგელობას მაყურებლის წინაშე და მზად ვართ მათ ინფორმირებულობას შევუწყოთ ხელი.
სპეცპროექტი ეთერში გავა ყოველ სამუშაო დღეს, 19:45 საათზე, გადაცემა იქნება იქამდე, სანამ კორონავირუსი მძლავრობს საქართველოსა და მსოფლიოში.
- განსხვავებულს რას შესთავაზებთ მაყურებელს?
- მიუხედავად იმისა, რომ ყველა არხის ყურადღება ახლა აქეთაა მიმართული, ჩვენ მათ კიდევ უფრო განსხვავებულ ფორმატს ვთავაზობთ, რჩევებს, რეკომენდაციებს კომპეტენტური პირებისგან, გავაცნობთ ადამიანებს, რომლებიც კარანტინში ან თვითიზოლაციაში არიან, გვექნება ჩართვები ისეთი ქვეყნებიდან როგორიცაა იტალია, ჩინეთი და კიდევ უფრო მეტ სიახლებს შევიტყობთ.
- რამდენ ხანს იქნება გადაცემა ეთერში?
- მე როგორც წამყვანი, იმედს გამოვთქვამ, რომ ძალიან მალე დაამარცხებს მსოფლიო ამ ვირუსს და არც ამ გადაცემის არსებობა იქნება საჭირო დიდხანს, თუმცა მანამდე, ეთერში ვართ ყოველ დღე შაბათ-კვირის გარდა, 19:45 წუთზე.
ვფიქრობ, ეს თემა ერთნაირად აინტერესებს ყველა სქესისა და პროფესიის წარმომადგენელს, ამიტომ გადაცემის მაყურებელიც მრავალფეროვანი იქნება და ჩვენ მაქსიმუმს გავაკეთებთ, რომ ისინი ინფორმირებული იყვნენ. სიახლეები, სტატისტიკა, ფოტო და ვიდეო მასალები, სტუმრები.
მინდა ხაზი გავუსვა, რომ ჩვენ ვემორჩილებით კომპეტენტური ადამიანების რეკომენდაციებს და საწყის ეტაპზე გადაცემის სტუმრები პრიდაპირ ეთერში გვეყოლებიან მხოლოდ ჩართვით, დისტანციურად.
"პალიტრანიუსს" აქვს ბევრი კარგი წამოწყება, რომელიც საზოგადოების სურვილსა და ინტერესებზეა გათვლილი. ახლაც საჭიროდ მივიჩნიეთ რომ სწორედ ასეთი პროექტია საჭირო, რათა დაცხრეს ემოცია, გაქრეს პანიკა და ამაღლდეს მოქალაქეობრივი თვითშეგნება, ამ საქმეში კი ყველამ ჩვენი წვლილი უნდა შევიტანოთ. მეც ისევე მაღელვებს ეს თემა, როგორც სხვებს, მყავს პატარა შვილი და ვცდილობ დავიცვა ყველა მითითება და რეკომენდაცია. ვფიქრობ, თუ ყველა გავაცნობიერებთ საფრთხეს და გამოვიჩენთ პასუხისმგბელობას, ამ გამოწვევას ადვილად დავძლევთ.
- რას ველოდოთ პირველ გადაცემაში?
- დღეს სტუმრად გვეყოლება ექიმი-ინფექციონისტი, რომელიც ჩაგვერთვება ინფექციური საავადმყოდოდან და დეტალურად გვეტყვის რა მდგომარეობაში არიან ახლა ინფიცირებულები, რამდენი გამოჯანმრთელდა და რამდენის გამოჯანმრთელებას ველით უახლოეს დღეებში, ასევე თვალს გადავავლებთ მსოფლიოს და ჩაგვერთვება ცნობილი ქალი, რომელმაც მაღალი თვითშეგნება გამოიჩინა და ახლა თვითიზოლაციაში იმყოფება.
ასე რომ, საინტერესო გადაცემა გველოდება და თქვენც დაგველოდეთ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
