მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
პირველი ივლისი, სამშაბათი, მთვარის მეშვიდე დღე დაიწყება 12:13-ზე, მთვარე ქალწულშია –
სიტყვას დღეს განსაკუთრებული ძალა აქვს, ტყუილად ლაპარაკი არ შეიძლება. კარგია ლოცვა, სიმღერა და წმინდა ტექსტების კითხვა. ფილტვები დაუცველია. ადვილია გაცივება. არ არის რეკომენდებული კბილების ამოღება. არ მიირთვათ ქათამი და კვერცხი. მიირთვით ხილი, შეგიძლიათ დალიოთ მწვანე ან მცენარეული ჩაი. რეკომენდებულია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოს მოქალაქეები, რომლებსაც შენგენის ზონაში უვიზოდ ყოფნის 3-თვიანი ვადა ეწურებათ, სამშობლოში ვერ ბრუნდებიან
16:30 / 16-03-2020
საქართველოს მოქალაქეები, რომლებსაც შენგენის ზონაში უვიზოდ ყოფნის 3-თვიანი ვადა ეწურებათ, კორონავირუსთან დაკავშირებით დაწესებული რეგულაციების გამო, სამშობლოში დაბრუნებას ვერ ახერხებენ.
როგორც „ინტერპრესნიუსს“ ესპანეთში მყოფმა საქართველოს მოქალაქემ განუცხადა, თბილისში 15-მარტს თურქეთის გავლით, თბილისი-ვალენსიის რეისით უნდა დაბრუნებულიყო, თუმცა რეისი გაუქმდა.
“15 მარტისთვის მქონდა ფრენა ვალენსიიდან-თბილისში თურქეთის გავლით. გუშინ მივიღე შეტყობინება, რომ ფრენა გაუქმებულია. ასევე, როგორც გავიგე, ყველა სხვა ავიახაზებმა გააუქმეს ფრენები. ამასთანავე, გუშინწინ საღამოს ესპანეთში გამოცხადდა საგანგებო სიტუაცია და დაიხურა ყველა დიდი დაწესებულება და მათ შორის, აეროპორტები. ვადა შენგენის ქვეყანაში ლეგალურად ყოფნის მეწურება 20 მარტს და არ ვიცი, რა გზით უნდა დავბრუნდე საქართველოში”, - განუცხადა “ინტერპრესნიუსს” საქართველოს ერთ-ერთი მოქალაქემ.
მისი თქმით, საქართველოს საკონსულოში, რომელიც ბარსელონაში მდებარეობს, დარეკვა რამდენჯერმე სცადა, თუმცა ხშირად დაკავებაა და ავტომოპასუხე პასუხობს, რომ ზარებს ესპანეთის დროით, დღის 3-დან 6 საათამდე იღებენ.
ამასთან დაკავშირებით “ინტერპრესნიუსს” საგარეო საქმეთა სამინისტროში განუცხადეს, რომ მსგავსი პრობლემის მქონე მოქალაქემ უნდა მიმართოს ან ადგილობრივ საემიგრაციო სამსახურს კონსულტაციიისთვის ან საქართველოს საელჩოს კონკრეტულ ქვეყანაში, სადაც იგი იმყოფება.
“აღნიშნულთან დაკავშირებით ყველა ქვეყანას ამოქმედებული აქვს ინდივიდუალური რეგულაცია, შესაბამისად მსგავსი პრობლემის მქონე მოქალაქემ უნდა მიმართოს ან ადგილობრივ საემიგრაციო სამსახურს კონსულტაციიისთვის ან საქართველოს საელჩოს კონკრეტულ ქვეყანაში, სადაც იგი იმყოფება”, - აცხადებენ საგარეო უწყებაში.
ცნობისთვის, კორონავირუსის პრევენციის მიზნით ევროპის რამდენიმე ქვეყანამ საზღვრები ჩაკეტა და საჰაერო მიმოსვლა აკრძალა.
საქართველოს საგარეო საქმეთა მინისტრის, დავით ზალკალიანის განცხადებით, უცხო ქვეყანაში მყოფი საქართველოს მოქალაქეების, განსაკუთრებით კი სტუდენტების აღრიცხვა და მათი იმ ავიარეისებზე გადანაწილება ხდება, რომელიც საქართველოში მოფრინავს.
ზალკალიანის ინფორმაციით, 17 მარტს პოლონეთის ავიაკომპანია კიდევ ერთ რეისს განახორციელებს, რომელსაც საქართველოს მოქალაქეებიც გამოყვებიან.
„როგორც მოგეხსენებათ, ჩვენი დიპლომატიური კორპუსი მთლიანად გადასულია მუშაობის საგანგებო რეჟიმზე, ყველა ელჩს და საკონსულოს დავალებული აქვს, რომ აქტიურ კომუნიკაციაში იყოს ჩვენს მოქალაქეებთან, ხდება ჩვენი ყველა მოქალაქის აღრიცხვა, ვინ სად იმყოფება. განსაკუთრებთ სტუდენტებს ეხება ეს. ჩვენი რეკომენდაცია არის, რომ აქტიურად გამოიყენენონ ქართული ავიაკომპანიების მომსახურება. ჩვენი ავიაკომპანია დაფრინავს სხვადასხვა მიმართლებაზე. ესენია ამსტერდამი, პარიზი, ვენა. მაქსიმალურად ვცდილობთ, ვისაც პრობლემები შეექმნა, რომ ამ მიმამართულებებზე გადავამისამართოთ.
რეისით, რომელიც ცარიელი მოფრინავდა ვარშავიდან პოლონელი მოქალაქეების გასაყვანად, წამოიყვანეს ჩვენი მოქალაქეები. კიდევ ერთი რეისი განხორციელდება 17 მარტს, ვარშავიდან პოლონეთის ავიაკომპანიაზეა საუბარი. ვცდილობთ, რომ იყოს ქართული ავიაკომპანიები, რომელიც დაფრინავს, დატვირთული და ვეხმარებით მათ, რადგან სიტუაცია მძიმეა ყველა ევროპულ ქვეყანაში, ყოველ წუთში ახალ-ახალი ინფორმაცია მოდის ფრენების შეზღუდვასთან დაკავშირებით. ჩვენ ვეხმარებით, რომ თუნდაც გაჩნდეს ახალი შესაძლებლობა, რომელიმე ახალი მიმართულების. ჩვენი საკონსულოებიდან მიღებული ინფორმაციის დამუშავების შედეგად, ვახდენთ იმ ადგილების იდენტიფიცირებას, სადაც ჩვენი მოქალქეების კონცენტრაცია არის ყველა დიდი“, - განაცხადა ზალკალიანმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუთუ არ არის გასაგები, რომ შენგენი დასრულდა.