7
აპრილიდღის ზოგადი ასტროლოგიური პროგნოზი
პრემიერ-მინისტრის მრჩევლის, ირაკლი ჩიქოვანის განცხადებით, კორონავირუსთან დაკავშირებით შექმნილი უწყებათაშორისი საბჭოზე სხდომაზე მიიღეს გადაწყვეტილება, რომლის თანახმადაც, კაფე-ბარებსა და რესტორნებს ეძლევათ რეკომენდაცია, შეზღუდონ ის ნაწილი, რომელიც დაკავშირებულია მოქალაქეების მომსახურებასთან.
როგორც მთავრობის ადმინისტრაციაში გამართულ ბრიფინგზე ჩიქოვანმა აღნიშნა, მათ ექნებათ საშულება, მოსახლეობას ე.წ. გატანის სერვისი შესთავაზონ.
"საკოორდინაციო საბჭოზე მიღებული იქნა გადაწყვეტილება, რომ რეკომენდაცია მიეცეს კაფეებს, რესტორნებსა და ბარებს, რომ შეზღუდონ მათი მომსახურეობის ის ნაწილი, რომელიც დაკავშირებულია მოქალაქეების მომსახურებასთან.
მათ ექნებათ საშუალება, გააგრძელონ ოპერირება და ფუნქციონირება ე.წ. გატანის სერვისებისთვის, თუმცა ჩვენი რეკომენდაციაა, რომ მაქსიმალურად შეიზღუდოს თავშეყრის ადგილები და კონტაქტი ჩვენს თანამოქალაქეებთან", - განაცხადა ჩიქოვანმა.
კორონავირუსთან დაკავშირებით შექმნილი უწყებათაშორისი საბჭოს სხდომაზე პრემიერ-მინისტრმა გიორგი გახარიამ რესტორნებისა და კაფე-ბარების შესაძლო დახურვის საკითხი დააყენა.
"დღეს ჩვენ ერთმნიშვნელოვნად უნდა ვიმსჯელოთ და მივიღოთ გადაწყვეტილება კაფის, რესტორნის, ბარების დახურვასთან დაკავშირებით. სხვანაირად გაგვიჭირდება მართვა. ფინანსთა სამინისტრომ ამაზე უნდა იმუშაოს, რანაირად შეგვიძლია ამ ეფექტის შერბილება.
რამდენიმე კრიტიკულად მნიშვნელოვანი განზომილებაა, რომლის მართვაც საბოლოო ჯამში, იმოქმედებს, ეფექტურად გავუმკლავდებით ჩვენ ამ გამოწვევას თუ არა. ეს არის 4 განზომილება: ჯანდაცვა, ეკონომიკა, ლოგისტიკა და მარაგების მართვა და საზოგადოებრივი წესრიგი“, - მიმართა პრემიერმა საბჭოს.
რეკომენდაციაა თუ სავალდებულოა?
ბატონო პრემიერო გთხოვთ სასწრაფოდ დახუროთ ტურისტული ზონები საქართველოში, ასევე კაფე ბარები და რესტორნები. მე პირადად მჯერა თქვენი და ერთ დღესაც ნუღარ დავაგვიანებთ ამ საკითხთან დაკავშირებით. მოკლედ დღესვე უნდა იქნეს გადაწყვეტილება მიღებული აღნიშნული ობიეწტების დასახურად კაზინოებისაც რა თქმა უნდა. ეს იქნება დიდი პრევენცია ვირუსის უსწრაფესი გავრცელების შესაჩერებლად. აღარ შეგახსენებთ არავის იტალიის და ირანის მსგალითებს. უფრო გაჭირვება აღარ გვინდა. არც იმის შეხსენება არ მგონია საჭირო რომ უკონტროლო ეპიდემიის ზღვარზე მალე დავდგებით თუ სწრაფად არ ვიმოქმედებთ.