ჰაკერები, ინტერნეტ ტოტალიზატორების საშუალებით, მოქალაქეების ანგარიშებიდან თანხებს ხსნიდნენ - დაკავებულია 4 პირი
შინაგან საქმეთა სამინისტრომ მასშტაბური კიბერთაღლითობის საქმე გახსნა. როგორც „ინტერპრესნიუსისთვის“ გახდა ცნობილი, დაზარალებული ათეულობით მოქალაქეა, ზარალი კი 35 ათას ლარს აჭარბებს.
სამართალდამცავებმა მოქალაქეების კუთვნილი თანხების დაუფლებისთვის 4 პირი დააკავეს.
სააგენტოს ინფორმაციით, ბრალდებულები დაზარალებულების პირად მონაცემებს იპარავდნენ და ინტერნეტ ტოტალიზატორების საშუალებით მათ სოლიდურ თანხებს საკუთარ ანგარიშზე ირიცხავდნენ.