"ინფექციამ არ იცის ვინ ვისი შვილია" - ამირან გამყრელიძის კომენტარი შვილის მდგომარეობაზე

"ინფექციამ არ იცის ვინ ვისი შვილია" - ასე გამოეხმაურა დაავადებათ კონტროლის ეროვნული ცენტრის ხელმძღვანელი ამირან გამყრელიძე შვილის მდგომარეობას, რომელსაც კორონავურისის ინფექცია დაუდასტურდა.

მისი ინფორმაციით, ნიკოლოზ გამყრელიძე დიდი ალბათობით დაინფიცირდა თანამშრომლისგან, რომლებიც იტალიიდან დაბრუნდა.

"ჩემმა შვილმა თვითონ გაავრცელა ეს ინფორმაცია, ეს მისი სამოქალაქო პასუხისმგებლობა და უფლებაა. ინფექციამ არ იცის ვინ ვისი შვილია, ის ყველას თანაბრად ეხება. ჩემი შვილი არის კონტაქტირებული იმ კლასტერთან, რომელიც იტალიიდან დაბრუნდა. ისინი მისი თანამშრომლებია. ამაში დასამალი არაფერია. ორშაბათს საღამოს სხდომაზე იყო, ჩემს შვილთან იყვნენ ეს ადამიანები და დიდი ალბათობთ იქიდან მოხდა დაინფიცირება" - ამბობს გამყრელიძე.

მისი თქმით, ბოლო ორი დღის განმავლობაში, მას შემდეგ რაც ნიკა გამყრელიძეს პირველი სიმპტომი გაუჩნდა, ის იყო თვითიზოლირებული.

საქართველოში კორონავირუსით დაინფიცირებული ადამიანების რაოდენობა 12-მდე გაიზარდა. დაინფიცირებულებს შორის ამირან გამყრლიძის შვილიცაა. როგორც ცნობილია, ნიკოლოზ გამყრელიძე სამედიცინო ცენტრ "ევექსის" სამეთვალყურეო საბჭოს თანამშრომელია. ერთ-ერთი დაინფიცირებული სწორედ "ევექსის" სათაო ოფისში მომუშავე პირია.

• წაიკითხეთ: "მიმაჩნია, რომ ავადმყოფობა სირცხვილი არ არის" - ამირან გამყრელიძის შვილს კორონავირუსი აღმოაჩნდა