მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორია კორონავირუსის სიმპტომები და რა შემთხვევაში უნდა მივმართოთ ექიმს - სპეციალისტების პასუხები ხშირად დასმულ კითხვებზე
09:02 / 07-03-2020
მსოფლიო ახალი ტიპის კორონავირუსს ებრძვის. ვირუსის კერა ჩინეთის ქალაქი უხანია, საიდანაც ის არაერთ ქვეყანაში გავრცელდა. მათი უმრავლესობა იტალიაში მოგზაურობის შემდეგ დაინფიცირდა.
კორონავირუსთან დაკავშირებით საზოგადოებაში უამრავი ინფორმაცია ვრცელდება, თუმცა მათგან ძალიან ბევრი უბრალოდ მითია.
ახალ ვირუსთან დაკავშირებით უამრავი შეკითხვა ჩნდება. AMBEBI.GE გთავაზობთ ყველაზე აქტუალურ კითხვებზე პასუხებს, რომელიც stopcov.gov.ge-ს მიხედვით მოვამზადეთ:
- როგორია კორონავირუსის სიმპტომები და რა შემთხვევაში უნდა მივმართოთ ექიმს?
ახალი კორონავირუსის სიმპტომები ძირითადად ხასიათდება მაღალი ტემპერატურით, ხველითა და სუნთქვის გაძნელებით,თუმცა შესაძლოა მიმდინარეობდეს უსიმპტომოდაც.მიმართეთ ოჯახის ექიმს თუ: გაქვთ ტემპერატურა, ხველა,სურდო, მაგრამ ამასთან: არ გიმოგზაურიათ ბოლო 14 დღის განმავლობაში ვირუსის გავრცელების მაღალი რისკის ქვეყნებში, ასევე არ გქონიათ კონტაქტი დაავადებულ და/ან მაღალი რისკის ქვეყნებიდან ჩამოსულ პირთან.
ინფექციურ საავადმყოფოს უნდა მიმართოთ იმ შემთხვევაში, თუ: ბოლო 14 დღის განმავლობაში მოგზაურობდით ვირუსის მაღალი გავრცელების ქვეყნებში და დაგიფიქსირდათ ტემპერატურა 37.5 და მეტი, ხველა,სუნთქვის გაძნელება; ან, არ დაგიფიქსირდათ ტემპერატურული რეაქცია, მაგრამ გაქვთ სასუნთქი სისტემის მწვავე ინფექციის სხვა ნიშნები და ამასთან, ბოლო 14 დღის განმავლობაში იმოგზაურეთ ან/და გქონდათ კონტაქტი კორონავირუსით დაავადებულ პირთან;მოქალქეებს შეუძლიათ ისარგებლონ ოჯახის ექიმის 24-საათიანი სატელეფონო კონსულტაციით. მათ სამედიცინო დაწესებულებასთან 112 გადაამისამართებს.
- როგორ გადაეცემა კორონავირუსი ადამიანს?
კორონავირუსის გადაცემა ძირითადად ხდება დაავადებულ ადამიანთან ახლო კონტაქტით, გადაეცემა ჰაერწვეთოვანი გზით.
- გადაეცემა თუ არა ახალი კორონავირუსი ამანათთან შეხებით?
ახალი კორონავირუსის ამანათთან შეხებით გადადება არ დაფიქსირებულა.
- რატომ არის ქვეყანაში პირბადეების დეფიციტი და რატომ გაიზარდა მისი ფასი?
ახალი კორონავირუსის გამო გაზრდილია მოთხოვნა პირბადეებზე, რამაც მსოფლიოში გამოიწვია დეფიციტისა და ფასის პრობლემა. მიმდინარეობს სამუშაოები, რომ აღნიშნული პრობლემა მოგვარდეს.
- როგორ ხდება ახალი კორონავირუსის დიაგნოსტიკა და რა ღირს?
სადიაგნოსტიკო ტესტი (ანალიზი ) ტარდება , თუ ექიმის მიერ ინფექციის არსებობაზე გაჩნდება ეჭვი. ახალ კორონავირუსზე, სადიაგნოსტიკო კვლევები მათ შორის სპეციფიკური სრულად ფინანსდება სახელმწიფოს მიერ.
- გაიცემა თუ არა ცნობა იზოლაციაში მყოფი პირისთვის სამსახურში წარსადგენად?
თუ საკარანტინო ზონაში მოთავსებული პირი დასაქმებულია, ჯანდაცვის სამინისტრო უფლებამოსილია, ასეთ პირებზე, მოთხოვნის შემთხვევაში, გასცეს საავადმყოფოს ფურცლის ტოლფასი ცნობა.
- რომელი ქვეყნებია მიჩნეული ახალი კორონავირუსის (COVID-19) გავრცელების მაღალი რისკის ქვეყნებად?
ამ ეტაპზე ახალი კორონავირუსის (COVID-19) გავრცელების მაღალი რისკის ქვეყნებია ჩინეთი, ირანი, იტალია, სამხრეთ კორეა.
- როგორია ზოგადი რეკომენდაციები ახალი კორონავირუსის გავრცელების თავიდან ასარიდებლად?
ძირითადი რეკომენდაციებია: ხელების ხშირი დაბანა; სახეზე/ თვალში / პირზე ხელის შეხებისგან თავი არიდება; ჰიგიენის დაცვა; ხველისა და ცემინების ეტიკეტის დაცვა; ქუჩაში ცხოველებთან ახლო, დაუცველი კონტაქტისგან თავის შეკავება.
ასევე კორონავრუსთან დაკავშირებით ყველაზე ხშირად დასმულ კითხვებზე პასუხებს სოციალურ ქსელში პასუხობს ინფექციონისტი მაია ბუწაშვილი და ის პერიოდულად ავრცელებს ინფორმაციას ახალ ვირუსთან დაკავშირებით:
საჭიროა თუ არა შენობების დეზინფექცია?
"კორონავირუსი გადაეცემა წვეთების გზით, ძირითადად პირდაპირი კონტაქტით, ადამიანიდან ადამიანზე, თუმცა შესაძლებელია ინფიცირება მოხდეს წვეთებით დაბინძურებულ ზედაპირებთან შეხების შედეგადაც. შესაბამისად, ზედაპირების დეზინფექცია მნიშვნელოვანია. თუმცა, ვირუსი ზედაპირებზე რამდენიმე საათს (უკიდურესად იშვიათად რამდენიმე დღეს) ძლებს, ამიტომ, ისეთი შენობების დეზინფექცია, სადაც ადამიანების მუდმივი ნაკადი არ არის, ნაკლებად მნიშვნელოვანია, მაგალითად, ამჟამად დაკეტილი სკოლების და ბაღების, სადაც ბავშვები მინიმუმ 16 მარტამდე არ შევლენ, იქამდე კი ვირუსი ვერც ერთ შემთხვევაში ვერ დარჩება ზედაპირებზე.
ასევე გასათვალისწინებელია, რომ ზედაპირები ჯერ მექანიკურად უნდა გაიწმინდოს, რომ მაქსიმალურად მოშორდეს ნაწილაკები და მხოლოდ ამის შემდეგ დამუშავდეს სადეზინფექციო საშუალებებით.ასევე უნდა აღინიშნოს, რომ აუცილებელი არ არის ქარხნულად დამზადებული ხსნარები, 70 გრადუსიანი სპირტიც ძალიან კარგად მუშაობს ვირუსის გასაუვნებელყოფად (ზედაპირებზე, და არა დასალევად, როგორც ეს ზოგიერთმა გაიგო".
შესაძლებელია თუ არა კორონავირუსით ხელახლა ინფიცირება?
"ზოგადად, სასუნთქი გზების ვირუსული ინფექციებისთვის დამახასიათებელია ხელახლა ინფიცირების შესაძლებლობა იგივე ვირუსით, თუმცა, თუნდაც ხანმოკლე იმუნიტეტი ნებისმიერ შემთხვევაში გამომუშავდება ხოლმე. ამიტომ იგივე სეზონზე ხელახლა ინფიცირება, როგორც წესი, არ არის დამახასიათებელი.რაც შეეხება იმ ინფორმაციას, რომ ჩინეთში რამდენიმე პაციენტს გამოჯანმრთელების და სტაციონარიდან გაწერის შემდეგ ხელახლა აღმოაჩნდა ვირუსი, ეს შეიძლენა იმით აიხსნას, რომ ეს პაციენტები ბოლომდე გამოჯანმრთელებულები არ იყვნენ, თუმცა ვირუსის დაბალი კონცენტრაციის გამო არ იყო ლაბორატორიულად განსაზღვრადი და განვითარდა რეციდივი (ანუ იგივე ინფეციის ხელახალი აღმავლობა".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეგებ მქონდა მქონდა კონტაქტი დაავადებულთან? ეხლა ის ტიპი, გამყრელიძეს ვინც გადასდო, ეგებ ვიცნობ და სუპერმარკეტში გვერდით მედგა? ან რამდენი აცემინა და ახველა ლიფტში, იცის ვინმემ? სიცხიანმარომ იარა ქალაქში მაგ უსინდისომ, ვინმემ იცოდა დამოერიდებოდა???? მორჩა რააა...მაგ ერთი დეგენერატის გამო კონტროლიდან გავა სიტუაცია. დსაჭერი არაა? განზრახ გააკეთა?