"აქაც დაცარიელდა "დახლები" - როგორ ცხოვრობს ქართველი მოდელი გერმანიის რეგიონში, სადაც კორონავირუსის ყველაზე მეტი შემთხვევა გამოვლინდა

მოდელი თიკო ნატროშვილი უკვე სამი წელია, რაც მეუღლე გაგა ხაბულიანთან და შვილებთან ერთად საცხოვრებლად გერმანიაში გადავიდა. მესამე შვილი - ლუკა თიკომ უკვე გერმანიაში გააჩინა. რეგიონში, რომელშიც მოდელი ოჯახთან ერთად ცხოვრობს, კორონავირუსის ყველაზე მეტი შემთხვევა გამოვლინდა.

რა მდგომარეობაა გერმანიაში, რატომ არ იკეტება ბაღები და სკოლები ამის შესახებ თიკო AMBEBI.GE-ს ესაუბრა:

- ქალაქ ბონთან ახლოს, პატარა ქალაქ სანკტ-ავგუსტინში ვცხოვრობთ. ამ ეტაპზე კორონავირუსის შესახებ ინფორმაციას ინტერნეტის საშუალებით ვეცნობი და ახალ ამბებს მეგობრებისგან ვიგებ. რაც შეეხება გერმანელებს, რომ გითხრათ, რომ აქ განსაკუთრებული პანიკაა, მოვიტყუები.

გავრცელდა ჯანდაცვის მინისტრის რჩევები, როგორ უნდა მოვერიდოთ სხვადასხვა თავშეყრის ადგილებს. ჩვენთანაც იგივე რეკომენდაციები ვრცელდება, რაც ყველგან: ხელების დაბანა, საზოგადოების თავშეყრის ადგილებიდან თავის არიდება, გადაიდო სხვადასხვა ტიპის დიდი ღონისძიებები.

- თუმცა არ დაკეტილა ბაღები და სკოლები...

- დიახ, რაც შეეხება სკოლებს, ბაღებსა და უნივერსიტეტებს ჩვეულებრივ რეჟიმში მუშაობს. სამი შვილი მყავს, ერთი ძიძასთან არის, მეორე ბაღში დადის და მესამე სკოლაში. ჩვეულებრივად მიდიან და მოდიან. მე ცოტა შინაგანად მაინც ვნერვიულობ. მე და ჩემი მეუღლე ვსწავლობთ და იძულებულები ვართ ვიაროთ სასწავლებელში, მაგრამ ზედმეტი მიმოსვლებისგან დროებით მაინც თავს ვიკავებთ. ზოგადად გერმანიაში ყველანაირი ვირუსის გარეშე, როდესაც ბავშვი უმიზეზოდ აცდენს სკოლას, ძალიან დიდი ჯარიმები მოდის ოჯახს... მე რომ ჩემი შვილი არ გავუშვა, გამოდის რომ კორონას გამო არ ვუშვებ და შესაძლებელია ჯარიმა მომივიდეს. თუმცა თუ გაცდენის კონკრეტული მიზეზი აქვს ბავშვს, გაცდენა შეიძლება.

- გაზრდილია დაინფიცირებულთა რიცხვი და როგორც ვიცი, განსაკუთრებულად თქვენს რეგიონში...

- მოვუსმინე გერმანიის ჯანდაცვის მინისტრის განცხადებას, რომ კოლეგებთან ერთად ითათბირა და ამ ეტაპზე აუცილებელი არ არის, მთელი გერმანიის მასშტაბით ბაღებისა და სკოლების დახურვა. მისი თქმით, ეს გადაწყვეტილება ქალაქის თვითმმართველობამ ინდივიდუალურად უნდა მიიღოს.

ბონში ერთ-ერთ თანამშრომელს აღმოაჩნდა კორონავირუსი და ახლა 200-ზე მეტი ადამიანი ტესტირებაზე იმყოფება. ბაიერნში დაიხურა ერთი სკოლა, ზენდენია პატარა ქალაქი და ერთი სკოლა იქაც დაიხურა. ბოხუმი პატარა ქალაქია და 56 ადამიანი კარანტინში ჰყავთ მოთავსებული. 15 წუთში ერთხელ ინფორმაციები ახლდება, დილას უკვე 531 შემთხვევა იყო დაფიქსირებული.

- თუმცა როგორც აღნიშნე პანიკა არ არის...

- დიახ, როდესად ჩემს მასწავლებელს ვკითხე, რომ აქვს თუ არა შინაგანად პანიკა, მითხრა, რომ ჩვეულებრივი გრიპის შემთხვევაში სეზონზე უფრო მეტი ადამიანი იღუპება, ვიდრე კორონავირუსით. ამიტომ ჩვეულებრივ რეჟიმში მიდის ცხოვრება. მიუხედავად ამისა ვერცერთ აფთქიაში ვერ იშოვი სადეზინფექციო საშუალებას, აქაც პირბადეების დეფიციტია.

პირადად ,ეც ვერ ვიყიდე. რაც შეეხება საკვებ პროდუქტებს, როდესაც რამდენიმე შემთხვევა დაფიქსირდა გერმანიაში, აქაც ისე დაცარიელდა "დახლები", როგორც საქართველოში. ამიტომ მანდ არაფერი განსაკუთრებული არ მომხდარა. ახლა არ არის დეფიციტი, შეივსო მაგრამ როდესაც საყიდლებზე მივდივარ, ვხედავ, რომ ადამიანები, არამალფუჭებად საკვებს უფრო მეტად ყიდულობენ, ვიდრე სხვა შემთხვევაში.

არსებობს აქ რობერტ კოხის ინსიტიტუტი, რომლის წარმომადგენლემაც დაწერეს, რომ გერმანიას სჭირდება ორკვირიანი კორონაარდადგები, მაგრამ მიუხედავად ამისა ჯანდაცვის მინისტრმა ეს გადაწყვეტილება არ მიიღო. თუმცა ხომ გეუბნებით არის, ბაღები და სკოლები, რომლებიც დახურეს. ერთ ბაღში მაგალითად კორონავირუსი ოთხ ბავშვს დაუდგინდა.

ასევე მნიშვნელოვანია ისიც, რომ გერმანია მოიცავს 16 მიწას, სხვადასხვა სახელწოდებებით. ჩვენი არის Nordrhein-Westfalen - ჩრდილოეთ რაინ-ვესტფალიის მიწა, რომელიც ამ 16 მიწიდან ყველაზე მეტად დაზარალებულია, რადგან ჩვენთან ყველაზე მეტი ერთეულია ინფიცირების შემთხვევები. მაგალითად ახლოსაა ქალაქი, სადაც ინფიცირებულთა რაოდენობა 200-ს აღწევს. იქ ყველა სკოლა და უნივერსიტეტია დაკეტილი, ერთგვარი კარანტინია ამ ქალაქში.

გერმანიაში გავრცელებას ყველაზე მეტად ხელი შუეწყო კარნავალის პერიოდმა, სადაც იმყოფებოდა იტალიიდან დაბრუნებული მოქალაქე და ის აღმოჩნდა პირველი, რომელიც დაინფიცირებული იყო. მას ძალიან ბევრ ადამიანთან ჰქონდა კონტაქტი და ეს იყო ალბათ ხელისშემოწყობი, რომ ვირუსი გერმანიაში სწრაფად გავრცელდა.