27
ივნისიდღის ზოგადი ასტროლოგიური პროგნოზი
სახელმწიფო ინსპექტორი ლონდა თოლორაია ბოლო პერიოდში მომხდარ ფაქტებს ეხმაურება, რომელიც ქალთა მიმართ ძალადობას ეხება:
"კაცებო, აუხსენით კაცებს რომ ქალის ცემა, მოკვლა, თმით თრევა, "დასჯა", დატუქსვა ღირსების დაცვა კი არა, უღირსი საქციელია! იქნებ დაარღვიოთ დუმილი და ხმამაღლა დააფიქსიროთ თქვენი პოზიციები! ქალთა უფლებების დაცვა, მხოლოდ ქალების საქმე არაა! დაეხმარეთ ქალებს, რომ ყოველ დღე არ გვკლავდნენ!" - წერს ლონდა თოლორაია.
ცნობისთვის, გუშინ ხაშურში მამაკაცმა ყოფილი მეუღლე ქუჩაში დაჭრა. 24 წლის სალომე ჩიქოვანის მდგომარეობა უკიდურესად მძიმეა. დაჭრის მომენტში ახალგაზრდა ქალი დედასთან ერთად მიდიოდა ქუჩაში.
რა დროსაც მეუღლეს შეხვდა და შელაპარაკება მოუვიდათ განქორწინების საკითხთან დაკავშირებით. ამის შემდეგ მამაკაცმა ქალი დაჭრა. ბრალდებული პოლიციამ ადგილზე დააკავა.
ასევე საზარელი ფაქტი მოხდა რამდენიმე დღის წინ სამტრედიაში. 26 წლის ახალგაზრდა გოგონა სალომე ბოხუაა იუსტიციის სახლში ხელის გასაწერად იყო მისული, რა დროსაც ქმარმა ყელის არეში დანით ჭრილობა მიაყენა. გოგონა ადგილზე გარდაიცვალა. 28 წლის გიგა აბრალავა პოლიციამ დანაშაულის ადგილზე დააკავა.
საზარელი მკვლელობები, ძალადობა და უამრავი უბედური შემთხვევები გაგრძელდება, სანამ ერთს არ შეიგნებს ნთავრობა, რომ პრიორიტეტია ადამიანი, მისი უფლებები, განათლება, ცხოვრების დონოს გაუმჯობესება და უსაფრთხოება!!! და არა ევროპას და ამერიკას რომ თავი მოაწონოს, პიარული და ტვ დაკავებები, ვითომ უსაფრთხოებაზე ზრუნვა, ცინიკურად ადამიანების პროტესტის უგულებელყოფა( (დემოკრატიაა და ილაპარაკონო და იმიტინგონო)! ამორალურო და გარყვნილი და თავისუფალი ცხოვრების რეკლამა , ოჯახის დაკნეინება და ადამიანების დაყოფა ფენებად.( ღარიბები, ლტოლვილები, მეგრელები, სვანები, სოფლელები და ა.შ)
შეგნებაა დაბალი ახალგაზრდებში!.
მე მაინც მძიმე სოციალური ფონის ბრალი მგონია ოჯახებში არეულობა, უმუშევრობის გამო კაცები გალოთდნენ, განარკომანდნენ და თამაშდამოკიდებულნი გახდნენ, ამიტომ ინგრევა ოჯახები, დაგლახავდნენ კაცები, დაბეჩავდნენ და ხასიათი გაუფუჭდათ, ფსიქოზი დაემართათ, ცოლები ვეღარ უძლებენ და მიდიან სახლიდან, კაცები კი ძალადობით ცდილობენ ოჯახის შენარჩუნებას. საბოლოოდ მაინც ქალები იჩაგრებიან.