მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კორონავირუსით ინფიცირებულ მეოთხე პაციენტს 25 ადამიანთან ჰქონდა კონტაქტი - "ის არ იყო სამსახურში და მდგომარეობა ამით უკეთესია"
12:05 / 05-03-2020
ჯანდაცვის მინისტრის ეკატერინე ტიკარაძის განცხადებით, კორონავირუსით დაინფიცირებულ მეოთხე პირთან კონტაქტში 25 პირი იმყოფებოდა.
როგორც ტიკარაძემ მთავრობის სხდომის დასრულების შემდეგ განაცხადა, მეოთხე დაინფიცირებულთან კონტაქტში მყოფი პირების მოძიება დასრულებულია და ისინი დეტალურად იქნებიან გამოკვლეული.
"რაც შეეხება ფრენებს, ჯანდაცვის სამინისტრო, ჯერჯერობით არ იძლევა რეკომენდაციებს ფრენების შეჩერებასთან დაკავშირებით, ვინაიდან, ჩვენ ღრმად ვართ დარწმუნებული, რომ შეგვიძლია სიტუაციის კონტროლი და ყველა არსებული შემთხვევა ჩვენი აქტიური მუშაობით გამოვლინდა.
ამ მუშაობის გამო მადლობას ვუხდი, ყველა იმ პირს, რომლებიც მუშაობენ საზღვარზე, ესენი არიან მესაზღვრეები თუ ჩვენი პერსონალი, რომელიც ადგილზე გვყავს მივლენილი. ეს არის ძალიან მნიშვნელოვანი გამოწვევა ჯანდაცვის სფეროსთვის, რასაც საქართველოს ჯანდაცვის სისტემა საკმაოდ კარგად ართმევს თავს.
ეს პაციენტი რეკომენდაციით იმყოფებოდა თვითიზოლაციაში და შემდგომში მასთან კომუნიკაციის გამო გახდა მისი სტაციონარიზაცია და დამატებითი კვლევების ჩატარება საჭირო. ეს ადამიანი არ იყო სამსახურში და შესაბამისად, მდგომარეობა ამით გაცილებით უკეთესია“, - განაცხადა ტიკარაძემ.
დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის პაატა იმნაძის განცხადებით, ბოლო შემთხვევასთან დაკავშირებით სამუშაო გაადვილდა, რადგან საქართველოში დაბრუნების შემდეგ ინფიცირებული პირი თვითიზოლაციაში იმყოფებოდა.
"ძალიან გაგვიადვილა სამუშაო, იმიტომ, რომ თვითიზოლაციაში იყო. თვითმფრინავის კონტაქტები მოგეხსენებათ, რომ დადგენილია. დანარჩენი, ადამიანი თვითშეგნებით იყო, ჩამოვიდა თუ არა, სახლში იყო, თვითიზოლაციაში. მადლობა მას ასეთი თვითშეგნებისთვის”, - განაცხადა იმნაძემ.
შეგახსენებთ, საქართველოში კორონავირუსის მეოთხე შემთხვევა დაფიქსირდა. პაციენტი 44 წლის მამაკაცია. ის იტალიაში იმყოფებოდა და საქართველოში პირველ მარტს დაბრუნდა. რამდენიმე დღის შემდეგ კი ინფექციურ საავადმყოფოს მიმართა მაღალი ტემპერატურით. ლუგარის ლაბორატორიაში ჩატარებულმა ტესტებმა აჩვენა, რომ პაციენტს კორონავირუსი აქვს.
ამჟამად, ქვეყანაში სულ 4 შემთხვევაა დაფიქსირებული. მათგან ორი ირანიდან, ორი კი იტალიიდან ჩამოსულ საქართველოს მოქალაქეებს დაუდგინდათ.
მკითხველის კომენტარები /
60 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Chaketet sazgvrebi ras elodebot!
რა გახდა დროებით იტალიასთან მიმოსვლის შეჩერება, კორონას ეშინია ქართველების თუ რა????