22
ივნისიდღის ზოგადი ასტროლოგიური პროგნოზი
ვიდეო, რომელზეც ჩანს, თუ როგორ იცინის სამი წლის სირიელი გოგონა ბომბის აფეთქების ხმაზე, რამდენიმე კვირის უკან სოციალურ ქსელებში ვირუსულად გავრცელდა.
მიუხედავად იმისა, რომ ვიდეოში ბავშვი იცინის, ის უმძიმესი სანახავია. პატარას მამამ ასწავლა, რომ ბომბის აფეთქების ხმის არ უნდა შეშინებოდა, რადგანაც ეს მხიარულების ნიშანი იყო, რომ გარეთ სინამდვილეში ფეიერვერკებს აფეთქებდნენ და ამ ხმაზე სიცილი უნდა დაეწყოთ. ამ ფორმით მამა პატარა გოგონას სტრესის დაძლევაში ეხმარებოდა.
ნახეთ ვიდეო:
ამბავს კეთილი გაგრძელება აქვს. თურქეთის ხელისუფლება პატარასა და მის მშობლებს დაეხმარა, რომ თურქეთის საზღვარი გადაეკვეთათ. ოჯახი იდლიბის რეგიონში ცხოვრობდა, სადაც ამ დრომდე მძიმე შეტაკებებია.
პატარა სალვასა და მისი მამის, აბდულა მოჰამედის ისტორიამ მსოფლიოში უამრავ ადამიანში თანაგრძნობა გამოიწვია, თურქეთის ხელისუფლება კი დაეხმარა მათ. BBC თურქულ სააგენტო "ანადოლუზე" დაყრდნობით წერს, რომ ოჯახმა თურქეთი-სირიის საზღვარი 25 თებერვალს გადაკვეთა. ისინი თურქეთის სამხრეთ ნაწილში მდებარე ლტოლვილთა ბანაკში გადაიყვანეს.
"გარდიანის" რეპორტიორი ბეთან მაკკერმანი Twitter-ის პირად გვერდზე სალვასა და მამამისის ფოტოს აქვეყნებს. "ცხოვრებაში პირველად, ის ჩვეულებრივ რაღაცებზე იცინის“ - წერს მაკკერმანი.
I am happy to report that 3-year-old Salwa and her parents have made it safely out of Idlib to Turkey. The family made headlines for a game where dad Abdullah got Salwa to laugh at falling bombs to protect her from trauma. For the first time ever, she can laugh at normal things. pic.twitter.com/jTET7z7rRj
— Bethan McKernan (@mck_beth) March 3, 2020
თურქულ მედიას გოგონას მამამ უთხრა, რომ მას და მის ქალიშვილს ამ ვიდეოთი სურდათ მთელი მსოფლიოსთვის შეტყობინება გაეგზავნათ. მისი თქმით, ის ბედნიერია, რადგანაც ახლა თურქეთშია და მის გოგონას "შესაძლებლობა ექნება მომავალში სკოლაში მივიდეს.
"იმედი მაქვს, რომ სირიაში კონფლიქტი მალე დასრულდება და ჩვენ დაბრუნებას შევძლებთ“ - ციტირებს "ანადოლუ" აბდულას სიტყვებს.
ბენინის ფილმი გამახსენდა. ძაან მაგარია.
ამეტირა :(