შვიდი წლის ბავშვს, რომელიც ქუთაისის ინფექციურ საავადმყოფოში მკურნალობდა, კორონავირუსი არ დაუდასტურდა

შვიდი წლის ბავშვს, რომელიც ქუთაისის ახალ ინფექციურ საავადმყოფოში მკურნალობდა კორონავირუსი არ დაუდგინდა.

კლინიკა „ელ.ჯი და კომპანიის" ექიმის დიანა ზვიადაძის თქმით, ბავშვის ჯანმრთელობის მდგომარეობა დამაკმაყოფილებელია, მან დედასთან ერთად საავადმყოფო დატოვა და მკურნალობას სახლში გააგრძელებს.

ექიმის ინფორმაციით, ამ დროისთვის ექვსი პაციენტი მკურნალობს და ანალიზები ლუგარის ლაბორატორიაშია გადაგზავნილი. მისივე თქმით, ჯერ-ჯერობით კორონავირუსის შემთხვევა არ გამოვლენილა.

ექიმის განცხადებით, კლინიკაში ზუგდიდიდან შესულ პაციენტს აკვირდებიან, თუმცა მას სიმპტომები არ აქვს. პაციენტები სიმპტომების შესაბამისად ბოქსირებულ და ნახევრადბოქსირებულ განყოფილებებში არიან მოთავსებული.