მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გიმალავთ რამეს? ვიყავით იმის ღირსი რაც გაჟღერდა?" - ვის უსაყვედურა ამირან გამყრელიძემ ბრიფინგზე
14:03 / 02-03-2020
დაავადებათა კონტროლის ეროვნული ცენტრის ხელმძღვანელმა კიდევ ერთხელ გადაუხადა მადლობა ექიმებსა და პროფესიონალებს, რომლებიც ჩართულები არიან კორონავირუსთან ბრძოლაში. მან ისაუბრა იმ დამოკიდებულებაზეც, რომელიც ზოგიერთ მედიასაშუალებას აქვს დაავადებათა კონტროლის ცენტრისა და ლუგარის ლაბორატორიის მიმართ და საყვედურით მიმართა მათ:
"ვსარგებლობ შემთხვევით, ყველა ჩვენს თანამშრომელს, მთლიანად ლუგარის ცენტრს მადლობა მინდა გადავუხადო იმ თავდადებული შრომისთვის, რასაც ეწევიან. ისინი არ არიან ღირსი იმისა, რაც ზოგიერთმა არხმა გაავრცელა, იმ შეურაცხყოფის, რაც მომაყენეს პირადად მე, პაატა იმნაძეს, მთლიანად დაავადებათა კონტროლის ცენტრს, რომ თითქოს არ ვიყავით მზად, თითქოს ხალხთან საუბარს გავურბით.
დამიდასტურეთ, გესაუბრებით ყოველდღე? გიმალავთ რამეს? პირდაპირ მითხარით! ვიყავით იმის ღირსი დაავადებათა კონტროლის ცენტრი, ინფექციური საავადმყოფო, რაც ჟღერდება?
მოკლედ გეტყვით, არ მინდოდა ამაზე საუბარი... ის რაც გუშინ ბატონმა ნიკა გვარამიამ იკადრა ჩემს მიმართ... მე მიჩვეული ვარ, დიდი გზა მაქვს გავლილი და ტალახიც უსვრიათ, ვუქივარ კიდეც... ძალიან ტოლერანტული ვარ, ვემსახურები ჩემს ქვეყანას და ამ დროს შეიძლება ტალახიც გესროლონ, მაგრამ ცუდია, როცა ამას დაუმსახურებლად გიკეთებენ.
ბევრი ტალახი ისროლა პირადად მან (გვარამიამ) და მადლობა მინდა ვუთხრა იმ ექიმებს, რომლებიც გადაცემაში ისხდნენ და არც ერთი არ აყვა, რადგან ყველანი მაღალპროფესიონალები არიან. მას სურდა მე ჩავეთრიე პოლიტიკურ აჟიოტაჟში... როცა მას ვესაუბრე რამდენიმე დღის წინ, დავთანხმდი გადაცემაში მონაწილეობაზე, პირობით - რომ ამ შოუს არ ექნებოდა პოლიტიკური სარჩული. ძალით უნდოდა ჩემს პოლიტიკურ გარჩევებში ჩართვა და დადგეს პოლიტიკური შოუც. მაგრამ ეს ზეპარტიული საკითხია, არ შეიძლება ყველაფერი პოლიტიკური კონიუნქტურის ნიშნით გააკეთო" - განაცხადა გამყრელიძემ ბრიფინგზე.
რაც შეეხება ქვეყანაში კორონავირუსთან დაკავშირებით ამ ეტაპზე არსებულ სიტუაციას, გამყრელიძის თქმით, ლუგარის ლაბორატორიაში კორონავირუსზე ამჟამად 14 ახალი ნიმუშია, რომელთა პასუხები დღის მეორე ნახევარში იქნება ცნობილი.
"საქართველოში დღევანდელი დილის მონაცემებით, არის 171 შესაძლო შემთხვევა, რომელიც გამოკვლეული იქნა კლინიკურად და ლაბორატორიულად, საიდანაც სამია დადასტურებული, რომელიც მიმდინარეობს მსუბუქი კლინიკური სურათით. სამივე მათგანი მოთავსებულია ინფექციური საავადმყოფოს ბოქსირებულ განყოფილებაში და იქ მიმდინარეობს მათზე მონიტორინგი და მკურნალობა.
პარალელურად, დღეს კარანტინულ იზოლაციაში 97 ადამიანია მოთავსებული და ზოგადად, სამედიცინო დაწესებულებებში წევს 40 შესაძლო შემთხვევა. დღეს დილას ლუგარში კიდევ შემოვიდა 14 ნიმუში, ორი ქუთაისიდან, ერთი გორიდან და დანარჩენი ინფექციურიდან, რომელთა პასუხები იქნება დღის მეორე ნახევარში“, - განაცხადა გამყრელიძემ.
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ უმძიმეს პერიოდში მაინც დაანებოს ამ გვარამიამ გიურზობას თავი, მარაზმია უკვე ანთხევს, ანთხევს და ვეღარ ამოანთხია.... დიდი მადლობა ყველა ექიმს, ვინც მართლაც მუხლჩაუხრელია, ლუგარის ლაბორატორიის თანამშრომლებს, უკვე გაწეული შრომისთვის და იმისთვისაც რასაც იშრომებენ მომავალში. ბატონო ამირან, გვეიმედებით.....
ბატონო ამირან ვირის წიხლი არაა საწყენი.