მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მოქალაქეების შემოსვლა ირანიდან და ჩინეთიდან შეწყდა, ყველაზე მეტი პირი იტალიიდან შემოდის" - ამირან გამყრელიძე უახლესი მონაცემებით
16:10 / 01-03-2020
დაავადებათა კონტროლის ეროვნული ცენტრის დირექტორის ამირან გამყრელიძის ინფორმაციით, ირანიდან და ჩინეთიდან საქართველოში ნაკადის შემოსვლა თითქმის შეწყდა, იტალიიდან კი ყველაზე მეტი მოქალაქის შემოსვლა ფიქსირდება.
მისივე ინფორმაციით, მუშაობს სხვადასხვა საკარანტინო და თვითიზოლაციის რეჟიმები. კარანტინში კი 119 ადამიანია.
„დიდი მნიშვნელობა აქვს მაღალ დასენიანებული ქვეყნებიდან შემოსულ ადამიანთა მონიტორინგს. თითქმის შეწყდა ირანიდან და ჩინეთიდან შემოსვლა ადამიანების, ყველაზე დიდი შემოსვლა ფიქსირდება, რა თქმა უნდა, იტალიიდან. ძირითადად შემოდიან ჩვენი თანამემამულეები. მუშაობს სხვადასხვა საკარანტინო და თვითიზოლაციის რეჟიმები. კარანტინში გახლავთ 119 ადამიანი. აქედან 31 საჩხერეში, აბასთუმანში - 26, ტუბერკულოზის ცენტრის ბავშვთა განყოფილებაში - 14, "ვივა მედის" სასტუმრო განყოფილებაში - 35. დღეს დაემატა ცენტრალური რესპუბლიკური საავადმყოფო. გუშინ მოხდა მისი დაცლა და იქ წევს 13 ადამიანი, რომლებიც, როგორც კორონავირუსზე უარყოფითი პასუხის მქონეები, გადაყვანილები იქნენ ძირითადად ინფექციური საავადმყოფოდან. ბოქსირებულში რჩება 25 ადამიანი, აქედან, როგორც გითხარით, 3 არის დადებითი. დანარჩენები კვლევის ფაზაში“, - განაცხადა გამყრელიძემ.
შეგახსენებთ, რომ საქართველოში ამ დროისთვის კორონავირუსის სამი შემთხვევაა დადასტურებული. პირველი, საქართველოს მოქალაქეს დაუდგინდა, რომელიც 50 წლამდე მამაკაცია და ქვეყანაში ირანიდან შემოვიდა. მეორე 31 წლის ქალია, რომელიც ასევე საქართველოს მოქალაქეა და ქუთაისის საერთაშორისო აეროპორტში იტალიიდან ჩამოფრინდა. მესამე ინფიცირებული მამაკაციც საქართველოს მოქალაქეა, რომელიც ირანში იმყოფებოდა.
ბოლო მონაცემებით, საქართველოში კორონავირუსის 130 შესაძლო შემთხვევაა გამოკვლეული, 24 ადამიანის ანალიზის პასუხი კი დღეს გახდება ცნობილი. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებს განუცხადა.
მისი ინფორმაციით, სამივე ინფიცირებული ადამიანის ჯანმრთელობის მდგომარეობა დამაკმაყოფილებელია.
„საქართველოში დღევანდელი დღით გვაქვს 130 შესაძლო შემთხვევა გამოკვლეული და 3 დადასტურებული. გუშინ დამატებით იქნა გამოკვლეული 37 შემთხვევა ყველა გახლდათ უარყოფითი. მოგეხსენებათ, გუშინ დილით დავადასტურეთ ერთი, მესამე დადებითი შემთხვევა. ერთიანად, რაც დაიწყო ეპიდაფეთქება ჩინეთში, საქართველოში გვქონდა 130 შესაძლო შემთხვევა და დადასტურებულია 3 შემთხვევა. სამივე გადის დაკვირვებასა და მკურნალობას ინფექციურ საავადმყოფოს ბოქსირებულ განყოფილებაში. მათი კლინიკური მდგომარეობა დამაკმაყოფილებელია. დღეს კიდევ ლუგარის ცენტრში გადაგზავნილია თბილისის ცენტრალური ინფექციური საავადმყოფოდან და ასევე დასავლეთ საქართველოს ინფექციური საავადმყოფოებიდან 24 ნიმუში, რომელთა პასუხი იქნება დღის განმავლობაში“, - განაცხადა გამყრელიძემ.
რაც შეეხება გლობალურ სტატისტიკას, ამირან გამყრელიძის განცხადებით, ინფიცირებულთა რაოდენობამ ბევრად მოიმატა სამხრეთ კორეაში, იტალიაში კი მათი რიცხვი 1000-ს გადასცდა.
„გლობალურად დაფიქსირებული და დადასტურებულია დაახლოებით 87 ათასი შემთხვევა ყველა ქვეყანაში ერთად აღებული. რა თქმა უნდა, ყველაზე მეტი გახლავთ ჩინეთში, მაგრამ სერიოზულად მომატებულია რაოდენობა სამხრეთ კორეაში, იტალიაში გადასცდა 1000-ს. კარგია, რომ გამოჯანმრთელებულთა რაოდენობამ მიაღწია 43 ათასს, სიკვდილიანობა არის დაახლოებით 2 ათას 900“, - განაცხადა გამყრელიძემ.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გუშინ 24 დღეს 24 ორი დღის წინ 24 რას ოტყუებით თქვით სიმართლე
კორონას შავი შოკოლადი ყოფილა კორონა ვირუსის უებარი წამალი.