აეროპორტიდან ქუთაისის ინფექციური საავადმყოფოს ბოქსირებულ პალატაში ახალგაზრდა ქალი გადაიყვანეს

აეროპორტიდან ქუთაისის ინფექციურის ბოქსირებულ პალატაში ახალგაზრდა ქალი გადაიყვანეს -

ქუთაისის აეროპორტიდან კლინიკაში კიდევ ერთი მგზავრი გადაიყვანეს. ახალ ინფექციურ საავადმყოფოში პარიზის რეისიდან გადმოყვანილი ახალგაზრდა ქალი ბოქსირებულ პალატაშია მოთავსებული.

საავადმყოფოს ექიმის, თემურ ნადირაძის თქმით, ახალგაზრდა გოგონას ტემპერატურა 37,2 გრადუსი დაუფიქსირდა, შესაბამისად, მედიკოსების გადაწყვეტილებით, პაციენტი დაკვირვების ქვეშ ინფექციურში გადაიყვანეს.

ამ დროისთვის, საავადმყოფოში ბოლო დღეებში საზღვარგარეთიდან ჩამოსული ხუთი პაციენტია განთავსებული, მათგან ორს კორონავირუსი არ დაუდასტურდა, სამ პირთან დაკავშირებით პასუხი ხვალ გახდება ცნობილი.

თემურ ნადირაძე ვარაუდობს, რომ მათი სიმპტომებიდან გამომდინარე, ვირუსი არც აღნიშნულ პაციენტებს დაუდგინდებათ.