ირანელ პაციენტზე, რომელიც ინტერვიუს დროს ექიმებმა პალატაში შეაბრუნეს,  Daily Mail  წერს

ირანელ მამაკაცზე, რომელიც ინფექციურ კლინიკასთან ტელევიზიებს ინტერვიუს აძლევდა და ექიმებმა კლინიკაში უკან დააბრუნეს, ბრიტანული გამოცემა Daily Mail წერს და ამ ამბის ამსახველ ვიდეოს აქვეყნებს.

(ნახეთ, Daily Mail-ის მიერ გამოქვეყნებული სტატია)

"ეს არის გასაოცარი მომენტი. პანიკაში ჩავარდნილი სამედიცინო წარმომადგენლები კლინიკაში უკან აბრუნებენ პაციენტს,“ - წერს "დეილი მეილი“ ვიდეოს შესახებ.

გამოცემა დეტალურად აღწერს მომხდარს და იმასაც აღნიშნავს, რომ ირანელი პაციენტი მოგვიანებით აბასთუმანში გადაიყვანეს, სადაც საკარანტინო პერიოდს გაივლის.

როგორც ცნობილია ირანელმა პაციენტმა, რომელიც კორონავირუსის სიმპტომებით ინფექციურ საავადმყოფოში მკურნალობდა, კლინიკა უნებართვოდ დატოვა. ის ჟურნალისტებს ესაუბრებოდა იმის შესახებ, რომ ვირუსი არ დაუდგინდა და მადლიერებას გამოთქვამდა ექიმების მიმართ, რა დროსაც კლინიკიდან სამედიცინო პერსონალი გამოვიდა და პაციენტი უკან შეაბრუნა (ნახეთ ვიდეო)

"ვერ არის ეს კარგად“ - უთხრა ჟურნალისტებს ინფექციური კლინიკის ერთ-ერთმა წარმომადგენელმა. ამჟამად ირანელი მამაკაცი აბასთუმაში საკარანტინო პერიოდს გადის.