მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ღირს პირბადეები თბილისის აფთიაქებში და რას მოუწოდებს ჯანდაცვის სამინისტრო ფარმაცევტულ კომპანიებს
11:58 / 27-02-2020
საქართველოს ფარმაცევტულ ბაზარზე პირბადეების დეფიციტია. დეფიციტის გამო, რამდენიმე ადგილას პირბადეების ფასი სამჯერ ან ხუთჯერ გაიზარდა, რაზეც უკმაყოფილებას გამოთქვამენ მომხმარებლები.
ჯანდაცვის სამინისტრომ განცხადება გაავრცელა და დაავალა მწარმოებლებსა და შემომტანებს, პირბადეების მარაგები მყისიერად შეავსონ. კითხვაზე, როდის შეივსება ფარმაცევტულ ბაზარზე პირბადეების დეფიციტი, სამინისტროში პასუხი არ აქვთ, თუმცა ამბობენ, რომ დავალება უკვე გაცემულია.
ამასთან, სამინისტრო მოუწოდებს ფარმაცევტულ კომპანიებს, პირბადებიის რეალიზაციისას შესაბამისი ფასი გამოიყენონ.
პირბადეებზე ფასის გაზრდას უარყოფენ "ავერსი" და "პსპ" და აცხადებენ, რომ ნიღბები მათ ქსელში 15-18 თეთრი ღირს.
„ავერსის” საზოგადოებასთან ურთიერთობის სამსახურის ხელმძღვანელმა, ლალი ბრეგვაძემ "ინტერპრესნიუსს" განუცხადა, რომ მათ ქსელში 1 ცალი პირბადის ფასი 18 თეთრია და არც დეფიციტია.
PSP-ს საზოგადოებასთან ურთიერთობის მენეჯერის, ნათია ხაბეიშვილის განმარტებით კი, ერთი ცალი პირბადე "პსპ"-ში 15 თეთრი ღირდა და ახლაც 15 თეთრი ღირს. „პსპ“-ში აცხადებენ, რომ პირბადე ამ ეტაპზე აქვთ, თუმცა „მარაგი ამოწურვადია“.
ინფორმაცია პირბადეების არსებობის შესახებ AMBEBI.GE-მ ფარმაცევტულ კომპანიებში თავად გადაამოწმა. როგორს "პსპ"-ს ცხელ ხაზზე გვითხრეს, ამ ეტაპზე პირბადეების მარაგი ქსელში სრულად ამოწურულია. მსგავსი სიტუაციაა "ჯიპისი"-შიც, თუმცა სააფთიაქო ქსელში განგვიცხადეს, რომ პირბადეების მარაგი დღის მეორე ნახევარში კვლავ შეივსება.
რაც შეეხება "ავერსს", პირბადეები არც მათ აქვთ ქსელში და ჯერჯერობით არ იციან, როდის დაემატება.
ის რომ, ზოგიერთ ადგილას პირბადეებს მომატებულ ფასად ყიდიან, AMBEBI.GE-ს ჟურნალისტმა ექსპერიმენტით დაადასტურა - "იმპექსის" აფთიაქებში ამ ეტაპზე ერთი ცალი პირბადის შეძენა 1ლარად და 40 თეთრად არის შესაძლებელი. პეკინის ქუჩაზე მდებარე "იმპექსის" აფთიაქში ჩვენმა ჟურნალისტმა 5 ცალი პირბადე 7 ლარად შეიძინა.
აფერხებს თუ არა პირბადე ვირუსის გავრცელებას?
აღსანიშნავია რომ, სპეციალისტების რეკომენდაციით, ჯანმრთელმა ადამიანმა ნიღაბი უნდა ატაროს მხოლოდ იმ შემთხვევაში, თუ ის უვლის ან კონტაქტი აქვს ვირუსით დაინფიცირებულ ადამიანთან.
ლონდონის St George's-ის უნივერსიტეტის პროფესორი, ექიმი დევიდ ქერინგტონი BBC-სთან ამბობს, რომ ჩვეულებრივი სამედიცინო ნიღბები საჯარო სივრცეებში ჰაერით გადამდები ვირუსებისა და ბაქტერიებისგან დამცავი ეფექტური საშუალება არ არის, რადგანაც მას არ აქვს დამცავი ფილტრი და ასევე, თვალები მაინც დაუცველი რჩება.
"მაგრამ ამ ნიღბებს შეუძლიათ მცირედით შეამცირონ ვირუსის გადადების რისკი, თუ აღმოჩნდებით ვირუსიანი ადამიანების გარემოცვაში. ასევე ის დაგიცავთ ხელიდან პირით გადამდები ვირუსებისგან“, - ამბობს ექიმი.
2016 წელს ახალ სამხრეთ უელსში ჩატარებული კვლევის თანახმად, ადამიანები სახეს ხელით ერთი საათის განმავლობაში, დაახლოებით, 23-ჯერ ეხებიან და თუ საქმე ხელიდან პირით გადამდებ ვირუსთან გვაქვს და სამედიცინო ნიღაბი გვიკეთია, ამ შემთხვევაში, შედარებით დაცულები ვიქნებით.
მაგრამ როგორც მოლეკულური ვირუსების სპეციალისტი, ნოტინგემის უნივერსიტეტის პროფესორი, ჯონათან ბოლი ამბობს, საერთო ჯამში, ნიღბის ტარება მაინც არაეფექტურია.
"თუკი ჩავხედავთ კვლევას, სადაც ნიღბის ეფექტურობაზეა საუბარი, ვნახავთ, რომ არც ისე ეფექტურია და ამას თავისი ბევრი მიზეზი აქვს. ერთ-ერთი მიზეზი კი ისაა, რომ ადამიანები ერთსა და იმავე ნიღაბს დიდი დროის განმავლობაში იყენებენ“, - ამბობს პროფესორი ბოლი.
ექიმ კონორ ბამფორდის თქმით კი, სამედიცინო ნიღაბზე უფრო ეფექტური ჰიგიენის მარტივი წესების დაცვაა.
მკითხველის კომენტარები /
59 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაა პირბადეები ქსელში და მიხედეთ!
ყაზბეგის 16 ში სპარის სუპერმარკეთში არსებულ აფთიაქში 3 დღის წინ 1 ცალი პირბადე ვიყიდე 0.95 თეთრად.