მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
11 ჩაკეტილი ქალაქი, 229 ინფიცირებული და 7 გარდაცვლილი - ბოლო ცნობები იტალიიდან, სადაც კორონავირუსმა იფეთქა
16:47 / 25-02-2020
იტალიაში კორონავირუსით დაინფიცირებულთა რაოდენობა იზრდება. ევროპის ქვეყნებს შორის აქ ახალი ტიპის ვირუსის ყველაზე მეტი შემთხვევა ფიქსირდება. ბოლო ინფორმაციით, ქვეყანაში კორონავირუსით გარდაცვლილია 7 ადამიანი, ხოლო დაინფიცირებულია - 229.
მისი გავრცელების პრევენციის მიზნით, აქამდე ათი ქალაქი იყო ჩაკეტილი, თუმცა მათ კიდევ ერთი დაემატა და ახლა 11 ქალაქია იზოლირებული.
იზოლირებულია ქვეყნის ჩრდილოეთ ნაწილში მდებარე პატარა ქალაქები - კაზალპუსტერლენგო, კოდონო, მალეო, ბერტონიკო, ტერანოვა დეი პასერინი, კასტელჯერუნდო, სან ფიორანო, კასტილიონე დ’ადდა, ფომბიო. სომაია. ამ ქალაქებში იკრძალება როგორც შესვლა, ასევე გამოსვლა. საერთო ჯამში, კარანტინშია დაახლოებით 50 ათასი ადამიანი.
კორონავირუსის ყველაზე მეტი შემთხვევა გამოვლინდა ლომბარდიისა და ვენეტოს რეგიონებში. ეს არის იტალიის ჩრდილოეთ ნაწილი, სადაც მდებარეობს ქვეყნის უმსხვილესი ტურისტული ქალაქები, მილანი და ვენეცია.
"ბიზნეს ინსაიდერი“ იტალიურ გამოცემა La Repubblica-ზე დაყრდნობით წერს, რომ კორონავირუსის შედეგად იტალიაში გარდაცვლილი შვიდივე ადამიანი ხანში შესული იყო და მათ სხვა დაავადებებიც აწუხებდათ.
აღსანიშნავია, რომ კორონავირუსის შემთხვევები უკვე გამოვლინდა იტალიის ცენტრალურ და სამხრეთ რეგიონებშიც. გამოცემა Il Tempo-ს ცნობით, ვირუსი დაუდასტურდა ერთ-ერთ ტოსკანელ მამაკაცსაც.
კორონავირუსის გამო გაუქმდა ვენეციის კარნავალი. "არმანის" მოდის სახლმა კი ჩვენება მილანში, დახურულ თეატრში, მაყურებლის გარეშე გამართა. სავარაუდოდ. კვირას ვირუსის საფრთხის გამო, "სერია ა“-ს უმნიშვნელოვანესი საფეხბურთო შეხვედრა, მილანის "ინტერსა" და ტურინის "იუვენტუსს" შორის ცარიელი ტრიბუნების ფონზე ჩატარდება.
მსოფლიოში კორონავირუსით დაღუპულთა რაოდენობა 2 698-მდე გაიზარდა, აქედან 2 663 ადამიანი ჩინეთშია გარდაცვლილი, 35 კი - მის ფარგლებს გარეთ.
ვირუსს ირანში 12 ადამიანის სიცოცხლე ემსხვერპლა, სამხრეთ კორეასა და იტალიაში - 7-7, იაპონიაში - 4, ჰონგ-კონგში-2, გარდაცვალების თითო შემთხვევაა დაფიქსირებული ფილიპინებში, საფრანგეთსა და ტაივანში.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუ აპანიკებთ ხალხს რაა,ისიც დაწერეთ, რომ უკვე გამოჯანმრთელდა ბევრიც!
გამაგიჟებთ რა საქართველოში მართლა რო ხალხი დაიღუპა რორის იყო თუ ფრინველის გრიპი მაშინ არ იყო ასეთი პანიკა გაიკითხეთ ერთი რამდენი ადამიანი იღუპება წლიდან წლამდე ვირუსებით იგივე ჩინეთში რა პანიკაა თუ ადამიანს თან დართული დაავადებები აქვს რა თქმა უნდა ვერ უძლებს საერთოდ ნერვული სისტემა აღვივებს დაავადებებს ჩვენი ნერვების მოშლით ვერც შევაჩერბთ მაგ ვირუსს და ვერც ვერაფერს ვიზამთ ამიტომ მაქსიმალური სიმშვიდე ჯობია.