21
მაისიდღის ზოგადი ასტროლოგიური პროგნოზი
შინაგან საქმეთა სამინისტრომ გუდაურში, ერთ-ერთი კაფე-ბარის მეპატრონისა და დაცვის თანამშრომლების ფიზიკური შეურაცხყოფის ფაქტზე ორი ორი პირი დააკავა.
როგორც უწყების განცხადებაშია ნათქვამი, ორი ან მეტი პირის მიმართ ჩადენილი ძალადობისა ბრალდებით დაკავებულია 1988 წელს დაბადებული ვ.წ, ჯგუფურად ჩადენილი ძალადობის ბრალდებით კი - 1993 წელს დაბადებული შ.ე.
„შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1988 წელს დაბადებული ვ.წ. - ორი ან მეტი პირის მიმართ ჩადენილი ძალადობის ბრალდებით, 1993 წელს დაბადებული შ.ე. კი ჯგუფურად ჩადენილი ძალადობის ბრალდებით დააკავეს.
გამოძიებით დადგინდა, რომ მიმდინარე წლის 23 თებერვალს, გუდაურში მდებარე ერთ-ერთ კაფე-ბარში, არაფხიზელ მდგომარეობაში მყოფი ვ.წ. და ამავე ბარის დაცვის რამდენიმე თანამშრომელი, მათ შორის შ.ე., ერთმანეთს ფიზიკურად დაუპირისპირდნენ. ვ.წ.-მ ფიზიკური და სიტყვიერი შეურაცხყოფა მიაყენა კაფე-ბარის მეპატრონესაც. პოლიციამ, ჩატარებული საგამოძიებო მოქმედებების შედეგად, მომხდარიდან მეორე დღეს, ვ.წ. - მცხეთაში, შ.ე. კი გუდაურში დააკავა. ინციდენტში მონაწილე სხვა პირების მიმართ ტარდება საგამოძიებო მოქმედებები.
მომხდარ ფაქტზე გამოძიება საქართველოს სისხლის სამართლის კოდექსის 126-ე მუხლის 1-ლი პრიმა ნაწილის „ბ“ და „გ“ ქვეპუნქტებით მიმდინარეობს, რაც ორი ან მეტი პირის მიმართ, ჯგუფურად ჩადენილ ძალადობას გულისხმობს“, - ნათქვამია შსს-ს განცხადებაში.
გუდაურის პოლიციის საკითხით სამინისტრო უნდ დაინტერესდეს უნდა გაარკვიონ პოლიციამ რატომ ვერ აღკვეთა მომხდარი მკვლელობა რომელსაც წინ უძღვოდა ხანგრძლივი ჩხუბი ეს მეორე ფაქტიც საინტერესოა ამ კუთხით და საერთოდ როცა ხდება მძიმე დანაშაული უნდა იქნას შესწავლილი პოიციის როლი მის პრევენციაში პატრულს უნდა ემოძრავა თუ არა იმ მონაკვეთზე სადაც დანაშაული მოხდა უბანზე მომსახურე პოლიციელი სად იყო, როცა ბავშვი დედას და ბებიას კლავს ვინ არის პასუხისმგებელი ამ ფაქტზე შეიძლებოდა თუ არა ამის პრევენცია და ვინ რა არ გააკეთა, დასახვეწი ხომ არ არი კანონი ამ განხრით ეს ის საკითხებია რომელთა შესწავლა ბევრ უბედურებას აგვაცილებს
ჩემი აზრით წინასწარაც რომ იცოდეს, პოლიცია მხოლოდ მაშინ გადის ადგილზე როცა დანაშაული დამთავრებულია. დანაშაულის აღკვეთისათვის კი თავს არ იწუხებს!