როგორ ეხმაურება რუსული მედია ვანო მერაბიშვილის გათავისუფლებას - "ყოფილი პრემიერი ციხიდან რევოლუციისკენ..."

შინაგან საქმეთა ყოფილი მინისტრის ვანო მერაბიშვილის პატიმრობიდან გათავისუფლების თემას მთელი დღის განმავლობაში აქტიურად აშუქებდა და განიხილავდა რუსული მედიაც. გაჩნდა კითხვები, ვისთან წავა "სააკაშვილის მხარდამჭერი და მოუწევს თუ არა მას ისევ ციხეში დაბრუნება?".

"პატიმრობიდან გათავისუფლდა საქართველოს შინაგან საქმეთა ყოფილი მინისტრი ვანო მერაბიშვილი, რომელიც რამდენიმე საქმის გამო იხდიდა სასჯლეს. ის 2013 წელს, როგორც კი "ნაციონალურმა მოძრაობამ" არჩევნები წააგო, რამდენიმე თვეში დააკავეს, თავად სააკაშვილმა კი ქვეყანა დატოვა... ექსმინისტრის თქმით, კმაყოფილია, რომ შეინარჩუნა ძალა, ენერგია და ბრძოლისუნარიანი დარჩა, რათა ქვეყანას ეს რეჟიმი მოაშორონ..." - წერს 24tv.ua

რით არის ცნობილი მერაბიშვილი, გამოცემის ჟურნალისტი ირინა ვიხრუში ასეთ პასუხს სცემს - "ის საქართველოს მესამე პრეზიდენტის მმართველობის დროს, ყველაზე წარმატებულ მინისტრად ითვლებოდა";

"რეფორმების ფარგლებში, როგორც შს მინისტრმა ერთ დღეში 14 ათასი პოლიციელი გაათავისუფლა "გაი-დან;" საქარველოს პრემიერ-მინისტრის პოსტს 2012 წლამდე იკავებდა; 2019 წელს მან ვადამდელ გათავისუფლებაზე უარი თქვა; სააკაშვილის ყველაზე მყარი საყრდენი და წარმატებული შს მინისტრი ციხის კარებიდანვე ხელისუფლების შეცვლაზე საუბრობს..." - წერს rtvi.com.

"სააკაშვილის მხარდამჭერი, ყოფილი მმართველი პარტიის მთავარი პერსონა, რომელიც 9 წლის განმავლობაში დიდი გავლენებით სარგებლობდა. ვანო მერაბიშვილი ერთ-ერთი პირველი იყო, ვისაც 2012 წლის არჩევნების შემდეგ სხვადასხვა, მათ შორის სამსახურებრივი უფლებამოსილების გადამეტებისა და გახმაურებული ამბის, სანდრო გირგვლიანის მკვლელობის საქმეზე ბრალი წარუდგინეს... ახლა ოპოზიციის ორი გუნდი ფიქრობს, ვის აირჩევს ვანო მერაბიშვილი..." - წერს ria.ru.

mk.ru-ს ცნობით, ციხიდან გამოსულმა საქართველოს ყოფილმა პრემიერ-მინისტრმა მაშინვე პოლიტიკაში დაბრუნება გადაწყვიტა.

"მიუხედავად იმისა, რომ ციხის გისოსებში მისი ხელისუფლებაში ყოფნის წლებში განხორციელებული საქმეების გამო აღმოჩნდა, ის მაინც პოლიტიკაში დაბრუნებას გეგმავს... მაღალჩინოსანი ღვინის ქარხანა "აკურას" მიტაცების, ადამიანების მიმართ ორგანიზებული დანაშაულის, 2011 წლის აქციის დაშლის, 2007 წელს ტელეკომპანია "იმედში" შევარდნისა და ამომრჩეველთა მოსყიდვის ბრალდების (და ეს სრული ჩამონათვალი არ არის) გამო იხდიდა სასჯელს..." - წერს გამოცემა.

"ყოფილი პრემიერ-მინისტრი ციხიდან რევოლუციისკენ" - ასე ეხმაურება kommersant.ru ვანო მერაბიშვილის გათავისუფლებას, რომლის ცნობითაც "მერაბიშვილი საქართველოს ხელისუფლებას დამხობას" ჰპირდება.

"სააკაშვილის მხარდამჭერი საქართველოს ექს-პრემიერი, რომელიც ციხიდან გაათავისუფლეს, ჟურნალისტებმა ლამის უკან შეაბრუნეს" - წერს ukraina.ru.

ვანო მერაბიშვილის გათავისუფლებას აქტიურად განიხილავენ სოციალურ ქსელში რუსი ინტერნეტმომხმარებლებიც.

"ერთი ვანო რუსეთსაც არ აწყენდა, თავს გასული კრიმინალებისთვის რომ მიეხედა... სად იწყება, პოლიტიკა? კანონიერ ქურდობაში რომ გაითქვიფნენ და პროკურორებთან რომ მეგობრობენ..." - წერს ინტერნეტმომხმარებელი ანდრეი გლოვსკი.

"რაც 2003 წლის შემდეგ საქართველოდან "კანონიერი ქურდები" გამოდევნეს ვანომ და მისმა გუნდმა, ყველა რუსთში ჩამოვიდა და აქ გააგრძელეს თავიანთი შავ-ბნელი საქმეები... სადმე ხომ უნდა წასულიყვნენ და დედარუსეთი არჩიეს. მიდის მუდმივი შეტაკებები და სად მთავდება კრიმინალური წრე და იწყება პოლიტიკა, ან პირიქით, ძნელი გასარჩევია..." - მიაჩნია სონია კუზმინას.

"როგორც ჩანს, ვანო ქართველი საგზადოებისთვის კრიმინალური წრეების ალაგმვასთან ასოცირდება, მის მიერ ჩადენილი დანაშაულები და შეცდომები ახსოვთ, ოღონდ ისე მწვავედ არა. ამიტომ, ახლა მართლა მნიშვნელოვანია სად გადაბარგდება მიშას მარჯვენა ხელი..."- წერს მარია ვლახოვა...