სალომე ზურაბიშვილი ვანო მერაბიშვილის გათავისუფლებას ეხმაურება
საქართველოს პრეზიდენტი სალომე ზურაბიშვილი ვანო მერაბიშვილის სახით ხელისუფლების ოპონენტს ვერ ხედავს. ამის შესახებ პრეზიდენტმა "ინტერპრესნიუსის" მიერ დასმული შეკითხვის საპასუხოდ განაცხადა.
"არ ვხედავ, (ხელისუფლების ოპონენტს) საერთოდ ვერ ვხედავ", - განაცხადა სალომე ზურაბიშვილმა.
შეგახსენებთ, შინაგან საქმეთა ყოფილმა მინისტრმა, მსჯავრდებულმა ვანო მერაბიშვილმა თითქმის 7-წლიანი პატიმრობის შემდეგ, პენიტენციური დაწესებულება, ე.წ. მატროსოვის ციხე დღეს დატოვა. მერაბიშვილს პატიმრობის ვადა სწორედ დღეს ეწურებოდა.
ციხიდან ახლად გამოსულმა მერაბიშვილმა განაცხადა, რომ აქტიურ პოლიტიკაში ჩართვას გეგმავს. მან საზოგადოებას პირობა მისცა, რომ "საქართველოს დღევანდელი ხელისუფლება 1 წელიწადში დასრულდება", რაც მისი თქმით, "აუცილებელია, იმისთვის, რომ ქვეყანაში დაიწყოს განვითარება, ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია". ამასთანავე, მერაბიშვილის განცხადებით, ხელისუფლების დამხობის მერე, "მატროსოვის" "კარი ფართოდ გაიხსნება და ყველა პოლიტპატიმარი გათავისუფლდება".
ოკუპანტების მიერ გატაცებულ 17 წლის მოზარდთან დაკავშირებით ახალი დეტალები ხდება ცნობილი - რას ჰყვებიან მისი ახლობლები
საოკუპაციო რეჟიმის წარმომადგენლებმა 17 წლის მოზარდი გაიტაცეს
