14
მარტიდღის ზოგადი ასტროლოგიური პროგნოზი
ალ მადამი - ასე ჰქვია არაბთა გაერთიანებული საამიროების უდაბნოს მისტიკურ სოფელს, რომელიც დუბაისთან ახლოს მდებარეობს. სოფელი ქვიშის ტალღებშია ჩაფლული. მას "მოჩვენებების სოფელს“, ასევე "გადამწვარ სოფელს“ უწოდებენ.
CNN მისტიკურ ადგილს ასე აღწერს - აქ ნახავთ ერთმანეთის პარალელურად განლაგებულ სახლების რიგებს. ასევე, არის ერთი მეჩეთიც. როდესაც სოფელში მიხვალთ, ისეთი განცდა დაგრჩებათ, თითქოს ადამიანებს სადღაც ეჩქარებოდათ, გარბოდნენ, კარი და ფანჯრები კი ღია დარჩათ.
"მოჩვენების სოფლის“ სახლების ნაწილს კარი და ფანჯრები საერთოდ არ აქვს, ნაწილის კი გაღებულია. ყველა მათგანი ქვიშითაა სავსე.
მისტიკური ისტორიები, რომლებსაც ალ მადამთან ახლომდებარე სოფლების მაცხოვრებლები ჰყვებიან:
ხალხში უამრავი მისტიკური ისტორია არსებობს ალ მადამის შესახებ. ადამიანები ყვებიან, რომ მოსახლეობამ ეს ადგილი ზებუნებრივი ჯინის გამო დატოვა. სწორედ ამიტომ, მას "მოჩვენების სოფელს“ უწოდებენ. ისინი CNN-თან მოჩვენებას ასე აღწერენ - "ეს არის ქალი კატის თვალებით, რომელსაც ხელში მაჩეტე უჭირავს.“
"ალ მადამი თითქოს რაღაც საშინელ საიდუმლოს ინახავს“, - წერს ბრიტანელი მოგზაური და ბლოგერი ვანესა ბოლი, რომელიც "მოჩვენების სოფელს“ 2019 წელს ესტუმრა.
ზოგიერთი ფიქრობს, რომ სოფელში დიდი განძია დამალული. რამდენიმე ადამიანი კი ყვება, რომ აქ ძლიერი ქვიშის შტორმი იყო, რის გამოც ადგილობრივები იძულებულნი გახდნენ, ტერიტორია დაეტოვებინათ.
მიუხედავად სხვადასხვა შემზარავი ისტორიისა, ბოლო პერიოდში ეს ადგილი ტურისტებისთვის საინტერესო გახდა. სოციალურ ქსელებში მოგზაურები ალ მადამს გაერთიანებული არაბთა საამიროების ერთ-ერთ ყველაზე საინტერესო ადგილს უწოდებენ და აუცილებლად სანახავ მიმართულებებში შეჰყავთ.
"მოჩვენებების ადგილი იზიდავს ტურისტებს და ამავდროულად, ის ძალიან საინტერესოა მკვლევართათვის“, - ამბობს დუბაის ერთ-ერთი ტურისტული კომპანიის ხელმძღვანელი.
მიუხედავად იმისა, რომ ამ ადგილის პოპულარობა იზრდება, ადგილობრივ ხელისუფლებას არ აქვს არანაირი გეგმა მისი განვითარებისთვის.
2018 წელს Sharjah Art Foundation-მა სოფლის ისტორიის დასადგენად მასთან დაკავშირებული ყველა შესაძლო პირი გამოკითხა.
სხვადასხვა მოკვლევის შედეგად დაადგინეს, რომ სავარაუდოდ, სოფელში ეს სახლები მეოცე საუკუნის 70-იან წლებში აშენდა, თუმცა სავარაუდოა ისიც, რომ ამ სახლების აშენებამდე აქ ცხოვრებისთვის მკაცრი პირობები არ იყო და უფრო ადრეულ წლებში ქუთბის ტომი ცხოვრობდა.
კოლუმბიის უნივერსიტეტის არქიტექტურის ფაკულტეტის პროფესორმა იაშერ ელშესტავმა მოკვლევა დამოუკიდებლად ჩაატარა. მან შეისწავლა ის, თუ როგორ განაშენიანდა არაბთა გაერთიანებული საამირო. პროფესორი წერს, რომ მეოცე საუკუნის მეორე ნახევარში ამუშავდა სახელმწიფო პროგრამა, რომელიც ყველასთვის საცხოვრებელი პირობების შექმნას ისახავდა მიზნად და ცხოვრების შედარებით მოდერნისტულ სტილზე გადასვლას ითვალისწინებდა. თავის მხრივ კი, ყოველივე ნავთობის ახალი რესურსების აღმოჩენას მოჰყვა.
"ხელისუფლებას სურდა, რომ შეექმნა სახელმწიფო, ისეთი ქალაქები და დასახლებები, რომლებიც განსხვავებული იქნებოდა უდაბნოს ბედუინების ცხოვრებისგან. ცხოვრების ტრადიციული სტილი ასოცირებული იყო სიღარიბესა და გაჭირვებასთან“, - ამბობს პროფესორი.
ის ამავდროულად დასძენს, რომ მიუხედავად სახლების აშენებისა, კლიმატური პირობების გამო, ცხოვრებისთვის აუცილებელი ინფრასტრუქტურა ვერ განვითარდა, არ იყო წყალი, ელექტროენერგია, არ არსებობდა არანაირი პირობები და ამის გამო ადამიანებმა სახლები დატოვეს.
მიუხედავად უკვე ჩატარებული რამდენიმე კვლევისა, უამრავი კითხვა პასუხგაუცემელი რჩება - მათ შორის, რატომ არის კარი და ფანჯრები ღია, რატომ არ აქვს ზოგიერთ სახლს ისინი საერთოდ, იყო თუ არა ყოველთვის უდაბნო ამ ტერიტორიაზე, თუ სხვა კლიმატური პირობები არსებობდა და რას უკავშირდება ხალხში გავრცელებული მოსაზრებები პარანორმალურ მოვლენებზე? ამ კითხვებზე მეცნიერები პასუხების გაცემას ცდილობენ, მანამდე კი, ალ მადამი მისტიკური ამბებით დაინტერესებულ ტურისტებს სულ უფრო მეტად იზიდავს.
რა მაგრები არიან ეს არაბები. არაფრისგან ფულს აკეთებენ. იშოვნეს ხალხმა ფული და დუბაიში გადასახლდნენ. აგერ ბათუმში იყიდეს ბინები. რატომ იცხოვრებდნენ მაგ ქვიშაში. ახლა მაგ ნსნგრევებიდანაც ფულს მოხვეტენ. დუბსუში არაფერი არაა სანახავი.დამიჯერეთ. ერთადერთი რაც საინტერესოდ მომეჩვენა, აბუ დაბიში ცენტრში მოფრუალე 6 საემირის დროშაა. რომ ვიკითხე მეშვიდე სადაა მეთქი (7 საემიროა) , ეს ისტორია გაიხსენეს- რიდესაც ერთიანდებოდნენ საემიროები, იმ დროს ამ მეშვიდე საემიროს ომი ჰქონდა ირანთსნ ორი კუნძულის გამო. წამოაყენა ულტიმატუმი- მომეხმარეთ ომშიო და შემოგიერთდებითო. მაშინ აბუ დაბის შეიხმა-ზადემ განაცხადა, ჩვენ ახალ სახელმწიფოდ ვყალიბდებით და ახალგაზრდობა შენებისთვის გვჭირდება და ომში ვერ ჩავხოცავთო. ამოიღი ხაზინიდან მთელი ოქრო და უყიდა ამ საემიროს ეს კუნძულები. მიუხედავად იმისა, რომ გადაწყვეტილი იყო გაერთიანებული საემიროს შეიხად დუბაის შეიხი აერჩიათ, დედაქაკაქი კი დუბაი ყოფილიყო, გადაწყვეტილება შეიცვალა და შეიხად ზადე აირჩიეს, ხოლო დედაქალაქი აბუ დაბი გახდა. ის მეშვიდე საემირო კი დასჯილია, გადაწყვეტილებებში მონაწილეობას არ იღებს დს დრიშაც მაგიტომ არ ფრიალებს.ამის მერე სულ რაღაც 25 წელიწადში აყვავდა სახელმწიფო. აი ეს ისტორია მომეჩვენა ყველაზე საინტერესოდ და ჩვენთვის ყველაზე ჭკუის სასწავლებლად. ქვეყნისთვის მთელი პირადი ხაზინა გაიღო. აქ კი ქვეყანას ყიდიან საყვარელს ამერიკაში ერთი ბინა რომ უყიდონ.
ჩემო "ბრძენო" და ტკბილო ხალხო! ორმოცდაათი წლის წინანდელი ამბავი ვერ მოუძიებიათ და რატომ გჯერად 20 საუკუნის წინ მომხდარი ზღაპრების?!