მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი მძღოლების გადასამზადებლად ფონიჭალაში სასწავლო ცენტრი აშენდება - ვინ მიიღებს ევროკავშირში აღიარებულ სერტიფიკატს?
13:05 / 17-02-2020
2020 წლიდან საქართველოში მძღოლების პროფესიული გადამზადება დაიწყება. აღნიშნულს ითვალისწინებს მთავრობის საგზაო უსაფრთხოების ეროვნული სტრატეგია და მის ფარგლებში სპეციალურად, მძღოლების გადამზადებისთვის, ფონიჭალაში რეგიონალური მნიშვნელობის ტრენინგ-ცენტრი აშენდება.
ეკონომიკის სამინისტროში ვარაუდობენ, რომ ცენტრის მშენებლობას 14 მილიონი ლარი დასჭირდება. როგორც უწყებაში AMBEBI.GE-ს განუცხადეს ცენტრი რეალური საგზაო პირობების ინფრასტრუქტურის მქონე პოლიგონისთვის განკუთვნილი მანქანა-დანადგარებით აღიჭურვება და სიმულაციური მოდულები მძღოლებს კვალიფიკაციის ამაღლებაში დაეხმარებათ.
რომელი კატეგორიის ავტომობილების მძღოლების გადამზადებას აპირებს მთავრობა და რატომ? - კითხვებით AMBEBI.GE-მ ეკონომიკის სამინისტროს მიმართა. ცენტრის ფუნქციონირებაზე პასუხისმგებლობას სამინისტროს სახმელეთო ტრანსპორტის სააგენტო აიღებს.
მძღოლების გადამზადების მიზანია:
- საგზაო მოძრაობის უსაფრთხოების დონის გაზრდა
- საგზაო მოძრაობის წესების აღსრულების ეფექტურობა
- საგზაო ინფრასტრუქტურის უსაფრთხოების დონის გაუმჯობესება
ეკონომიკის სამინისტროში განმარტავენ, რომ საქართველო-ევროკავშირის ასოცირების შეთანხმებით, საქართველოში სატვირთო და სამგზავრო მანქანების მძღოლთა კვალიფიკაცია ევროპულ სტანდარტებთან შესაბამისი უნდა იყოს:
"საქართველოში დღეს დაახლოებით 20 000 მძღოლი მართავს სატვირთო და სამგზავრო მანქანებს. მათგან მხოლოდ 2 500-ს აქვს გავლილი თეორიული კურსი, თუმცა, ევროდირექტივის შესაბამისი ტრენინგ-ცენტრისა და ინფრასტრუქტურის გარეშე, სადაც მძღოლები შეძლებდნენ პრაქტიკის გავლას, შეუძლებელია ხარისხის შესაბამისობის დამადასტურებელი სერტიფიკატის გაცემა მათზე.
სწორედ ამიტომ, საქართველოს მთავრობის დავალებით, ეკონომიკისა და მდგრადი განვითარების სამინისტრომ და მის სისტემაში შემავალმა სახმელეთო ტრანსპორტის სააგენტომ, შეიმუშავეს “ტვირთის გადაზიდვის ან მგზავრთა გადაყვანის მიზნით გარკვეული სახის ავტოტრანსპორტის მძღოლების საწყისი კვალიფიკაციისა და პერიოდული გადამზადების შესახებ", ევროდირექტივის შესაბამისი საკვალიფიკაციო ცენტრის პროექტი.
მსგავსი ტრენინგ-ცენტრი თბილისთან, ფონიჭალაში აშენდება და მოემსახურება არა მხოლოდ საქართველოს მოქალაქეებს, არამედ ექნება საერთაშორისო სტატუსი და მის მიერ გაცემული კვალიფიკაციის დამადასტურებელი დოკუმენტი აღიარებული იქნება ევროკავშირის ქვეყნებში" - განმარტეს ეკონომიკის სამინისტროში.
- რა მოხდება იმ შემთხვევაში, თუ მძღოლები შესაბამის გადამზადებას არ გაივლიან?
უწყებაში აცხადებენ, რომ ასეთ შემთხვევაში, ქართველი მძღოლები, რომლებიც დასაქმებულნი არიან ევროკავშირის ქვეყნებში მაღალანაზღაურებად საერთაშორისო სატრანსპორტო კომპანიებში, ვეღარ გააგრძელებენ მუშაობას, რადგან არ ექნებათ საერთაშორისო კვალიფიკაციის დამადასტურებელი დოკუმენტი:
"სერტიფიკატის აღება მნიშვნელოვანია არა მხოლოდ ქართველი მძღოლების დასაქმებისთვის ევროკავშირში, ან სხვა ქვეყანაში, არამედ საქართველოში საგზაო მოძრაობის უსაფრთხოების ხარისხის ამაღლებისთვისაც, რადგან საგზაო შემთხვევების დიდი ნაწილი, სწორედ სატვირთო და სამგზავრო მანქანების მძღოლების შეცდომების ხარჯზე ხდება" - განაცხადეს სამინისტროში.
გამომდინარე იქიდან, რომ ტრენინგ-ცენტრი გათვლილი იქნება არა მხოლოდ საქართველოზე, არამედ რეგიონზე, სამინისტროში იმედოვნებენ, რომ ეს ქვეყანას შესაძლებლობას მისცემს ე.წ. სასწავლო ჰაბი გახდეს, რომელიც მოემსახურება მთელს რეგიონს და შესთავაზებს თანამედროვე სასწავლო პროგრამას, გამართულ სატრენინგო ინფრასტრუქტურას, რომლის ანალოგიც ბევრ ევროპულ ქვეყანაში არ არის.
უწყებაში ასევე განმარტეს, რომ სახმელეთო ტრანსპორტის სააგენტოს ტრენინგ-ცენტრი არ იქნება ერთადერთი სასწავლო დაწესებულება, რომელიც საქართველოში ევროკავშირში აღიარებულ ხარისხის დამადასტურებელ სერტიფიკატებს გასცემს, არამედ ბათუმის საზღვაო აკადემია ფოთის ფილიალთან ერთად შეძლებს, მეტი კვალიფიკაციური კადრი მოამზადოს საზღვაო ტრანსპორტის სექტორისთვის.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰო ჰო მოამზადეთ და გააქციეთ მერე. გაივსო ევროპა და ამერიკა უკრაინელი, ბელორუსი, ყაზახი, რუსი და ქართველი ემიგრანტებით. თვითონ ევროპელები გარბიან თავისი ქვეყნებიდან აქ სამუშაო აღარ დაგვიტოვესო. წაიკითხეთ და უყურეთ უცხოური საინფორმაციო საშუალებებს რა ხდება დასავლეთში მარტო მიშას და ბიძინას რომ აბრალებთ გააქციეს მთელი საქართველოო
ძალიან მაგარი პროექტია, წარმატებები პროექტის ავტორს და ინიციატორს!!!