მნიშვნელოვანი ინფორმაცია
29
ივნისიდღის ზოგადი ასტროლოგიური პროგნოზი
კვირა, მთვარის მეხუთე დღე დაიწყება 09:28-ზე, მთვარე ქალწულს ესტუმრება 15:49-ზე –
ყველაფრის მიღწევა შეიძლება, თუ კრეატიული ხართ და მიზნის მიღწევას ცდილობთ. უნდა დაიცვათ თქვენი პრინციპები და აქტიურად გამოხატოთ თქვენი ემოციები და გრძნობები. გადაიხადეთ ვალები. დაასრულეთ რაც დაიწყეთ. განახორციელეთ ნებისმიერი რადიკალური ცვლილება – ავეჯის გადაწყობიდან ბიზნესის კონცეფციის შეცვლამდე. არ არის რეკომენდებული ფინანსური საქმეების წარმართვა. ახალი საქმეების დაწყება. კარგია ტაძრებისა და მონასტრების მონახულება. კარგია სამზარეულოს დასუფთავება, საყოფაცხოვრებო ტექნიკის შეკეთება, დაუთოება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ოთარ კახიძე - ევროპარლამენტმა "ოცნების" მომზადებული განცხადების პროექტი ჩააგდო
16:01 / 13-02-2020
"ევროპარლამენტმა "ოცნების" მომზადებული განცხადების პროექტი ჩააგდო", - ამის შესახებ ინფორმაციას „ევროპული საქართველოს“ წევრი ოთარ კახიძე სოციალურ ქსელში ავრცელებს. მისივე შეფასებით, "ეს არის უპრეცედენტო შემთხვევა და "ქართული ოცნების" სრული კრახი".
"ევროპარლამენტში ასოცირების კომიტეტის ძალიან მნიშვნელოვანი სხდომა გაიმართა. ასოცირების შეთანხმების ფარგლებში არსებობს კომიტეტი, სადაც ევროპარლამენტის და საქართველოს პარლამენტის წევრები არიან წარმოდგენილი. სხდომები იმართება და მიმდინარეობს შეფასება როგორ მიდის ასოცირების შეთანხმების პუნქტების შესრულება, შემდეგ ხდება დეკლარაციის ტექსტის მიღება. დეკლარაციის ტექსტის მისაღებად საჭიროა ევროპარლამენტის წარმომადგენლობის უმრავლესობის და საქართველოს პარლამენტის უმრავლესობის მხარდაჭერა, რის შემდეგაც ხდება მისი მიღება.
"ქართულმა ოცნებამ" შეიმუშავა ტექტი, რომელიც იყო ბოლო დროინდელი მოვლენების გათვალისწინებით ძალიან უცნაური. საუბარი იყო პროგრესზე და იმაზე, რომ მთლიანობაში ყველაფერი არის კარგად და მხოლოდ უმნიშვნელო გამოწვევებია თურმე. ამას მოჰყვა ჩვენი მხრიდან კრიტიკა. მე და სალომე სამადაშვილი ვართ ოპოზიციიდან წარმოდგენილი ამ კომიტეტში. მოვამზადეთ ცვლილებების პროექტი. ასეთი პროცედურაა და შემდეგ ამ ცვლილებას ეყრება კენჭი.
კენჭისყრა არის ორმხრივი, ჯერ ევროპარლამენტარების უმრავლესობამ უნდა განიხილოს და კენჭი უყაროს და შემდეგ საქართველოს პარლამენტარების უმრავლესობამ და ორივემ უნდა დაუჭიროს მხარი, რომ ცვლილება გავიდეს. ჩვენი ცვლილებები ეხებოდა პოლიტიკურ დევნას, გიგი უგულავას ბოლოდროინდელ საქმეს, მედიის მფლობელების წინააღმდეგ მიმდინარე საქმეებს, ასევე იყო 20 ივნისის ამბები, ძალის გამოყენება პოლიციის მხრიდან, სასამართლოში მიმდინარე პროცესები და ყველა ეს ცვლილება გავიტანეთ.
მნიშვნელოვანი იყო ის, რომ ევროპარლამენტარებმა მხარი დაუჭირეს ჩვენს ყველა ცვლილებას. ასევე, მნიშვნელოვანია, რომ „ქართულმა ოცნებამ“ ჩააგდო ჩვენი ცვლილებების პროექტი და შემდგომ დააყენეს თავიანთი ცვლილებები და მათ მიერ დაყენებულ ყველა ცვლილებას უპასუხა უარით ევროპარლამენტარმა. მათ არც ერთს არ დაუჭირეს მხარი და შემდეგ დადგა ყველაზე საინტერესო მომენტი, როდესაც ევროპარლამენტარების მიერ დაყენებული ცვლილებების განხილვა დაიწყო.
ევროპარლამენტარები სხვადასხვა პოლიტიკური ჯგუფებიდან იყვნენ წარმოდგენილები ამ კომიტეტში და ყველა ცვლილება ჩაუგდეს მათ. ამის შემდეგ დადგა საბოლოო ცვლილების დროც და საბოლოო ტექსტზე ევროპარლამენტმა უთხრა უარი, რაც არის უპრეცედენტო ამბავი. ეს არის ჩვენი დიდი გამარჯვება. ეს არის სრული კრახი "ქართული ოცნების".
უნდა გავითვალისწინოთ, რომ "ქართული ოცნება" წარმოდგენილი იყო დელეგაციის გარდა პარტიის "ლიდერშიფით". ირაკლი კობახიძე და კახა კალაძე მართავდნენ გუშინ შეხვედრებს და ამბობდნენ, რომ ევროპარლამენტარები რაღაცაში დაარწმუნეს, რაშიც დაარწმუნეს, ვნახეთ. ივანიშვილისთვის ეს არის კიდევ ერთი გაფრთხილება. ეს ადამიანი მიდის საერთაშორისო იზოლაციისკენ“, - აცხადებს კახიძე.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუთუ ერთი კეთილი ნატესავი არ ყავს, ამ ბოღმით დაავადებულ ახალგაზრდას, რომ ექიმთან მიიყვანოს??? მეცოდება. შეიძლება გაუსკდეს ბოღმის "ბუშტი" და შემდეგ ქირურგიული ჩარევა გვიან იყოს...
საბოტაჟის ექსპორტია ესა !