8
ივლისიდღის ზოგადი ასტროლოგიური პროგნოზი
როგორ არჩევთ რესტორანს? თუ შემთხვევითობის პრინციპით მიდიხართ რესტორანში და ამაზე წინასწარ არ ფიქრობთ? ალბათ, არა. მართალია დღეს ბაზარზე ძალიან ბევრი კვების ობიექტია და თავისუფალი მაგიდის მოძებნას ყოველთვის შეძლებთ, მაგრამ ასე შემთხვევითობის პრინციპით რესტორნის არჩევა კარგი იდეა ნამდვილად არაა. შერჩევის კრიტერიუმები მრავალფეროვანია და სტუმრის მოთხოვნებზეა დამოკიდებული. თუმცა არსებობს რამდენიმე საბაზისო კრიტერიუმი, რომელსაც ყველა კვების ობიექტი უნდა აკმაყოფილებდეს. მრავალფეროვანი მენიუ და გემრიელი კერძები აღარ არის საკმარისი რესტორნის შესარჩევად, რადგან მხოლოდ საჭმელად დღეს რესტორანში თითქმის აღარავინ დადის.
ძირითადი კრიტერიუმები კი, რომლის მიხედვითაც მომხმარებლები რესტორანს არჩევენ, ასე გამოიყურება:
მენიუ და კერძები
მენიუ მრვალფეროვანთან ერთად საინტერესო და განსხვავებული უნდა იყოს, კერძები კი - გემრიელი. თანამედროვე მოთხოვნებიდან გამომდინარე მნიშვნელოვანია, რომ კერძები ნატურალური პროდუქტებისგან მზადდებოდეს. როგორც „ჩემო კარგოს“ საზოგადოებასთან ურთიერთობის მენეჯერი სალომე მეზურნიშვილი განმარტავს, მომხმარებლისგან საფირმო კერძებსა და ნატურალურ პროდუქტებზე მაღალი მოთხოვნა ფიქსირდება.
„ჩვენი სტრატეგია ასეთია და მომხმარებლის მოთხოვნაც აძლიერებს მას, რომ კერძებს აბსოლუტურად ნატურალური პროდუქტებისგან ვამზადებთ. ჩვენი რესტორნის კერძები განსაკუთრებული გემოვნობით გამოირჩევა, მისი შემადგენლობა არის სრულად ნატურალური და ადგილზე მზადდება. მისი ხარისხის მაღალ დონეს კი განაპირობებს საქართველოს სხვადასხვა სოფლიდან,ა სევე მაღალმთიანი რაიონებიდან ჩამოტანილი ადგილობრივი პროდუქტი,რომლის მოწოდებაზეც ჩვენი მომარაგების სამსახური მუშაობს. მაგალითად, ჩვენი კუბდარი გამოირჩევა გემოვნობით რადგან მზადდება თეთნულდის მთებიდან ჩამოტანილი გირცრულით, ხინკალი მზადდება ყაზბეგიდან ჩამოტანი კვლიავით და შეგიძლიათ დააგემოვნოთ ნამდვილი მოხევური ხინკალი, ყველი იმერეთიდან და ასე შემდეგ. შესაბამისად ქართული პორდუქტის მოხამრების ხვედრითი წილი წარმოებაში უტოლდება 70- 80%-ს,“ - განმარტავს მეზურნიშვილი.
რესტორნის განსაკუთრებული კერძები კი ასე გამოიყურება: ჭვავის აჭარული, ანახელა ქართული პიცის ანალოგი, დამბალხაჭოს ხინკალი, მოხევური ხინკალი კვლიავით, კუბდარი გიცრულით.
გარემო
გემრიელი კერძების შემდეგ მთავარი კრიტერიუმი, რომელსაც მომხმარებლები ყურადღებას აქცევენ არის გარემო. ინტერიერი უნდა იყოს სადა და დახვეწილი, რომ ნებისმიერი გემოვნების მქონე ადამიანს მოეწონოს. რაც უფრო გადატვირთულია გარემო, მით უფრო დამღლელი და მომაბეზრებელია სტუმრისთვის. კიდევ ერთი მნიშვნელოვანი ფაქტორი, რომელსაც მომხმარებლები ყურადღებას აქცევენ, არის ის, რომ რესტორანს ჰქონდეს სხვადასხვა ტიპის სივრცეები და ხასიათისა და კონკრეტული ვიზიტის მიზნიდან გამომდინარე შეძლოს მისთვის სასურველის შერჩევა. რესტორან „ჩემო კარგოს“ 4 განსხვავებული სივრცე აქვს: კლასიკური დარბაზი, პაბი, ტერასა და ეზო.
ფასები
მას შემდეგ რაც მომხმარებელი გადაამოწმებს, თუ რამდენად დამაკმაყოფილებელია მენიუ და გარემო, ის ინტერესდება ფასებით. ფასები უნდა იყოს ხარისხის შესაბამისი და არა შეუსაბამოდ მაღალი. რაციონალური ფასები განაპირობებს ლოიალური მომხმარებლების რაოდენობასაც. რესტორნებს შორის კონკურენცია საკმაოდ მძაფრია და მათი ნაწილი დაბალი ფასების შენარჩუნებას ხარისხის გაუარესებით ცდილობს, თუმცა ეს მომხმარებლისთვის ყოვლად მიუღებელია.
გასართობი პროგრამა
გასართობი პროგრამა უნდა იყოს დარბაზის შესაბამისი და რაც მთავარია, ზომიერი. ზედმეტად ხანმოკლე ან ხანგრძლივმა პროგრამამ რესტორანს შეიძლება სტუმრები დააკარგინოს. პროგრამის შედგენისასა კი რესტორანმა აუცილებლად უნდა გაითვალისწინოს დარბაზის ტიპი და მომხმარებლების ინტერესები, რომლებიც ამ დარბაზს სტუმრობენ. მაგალითად, უმჯობესია თუ კლასიკურ დარბაზში ქართული ნაციონალური ცეკვისა და სიმღერის პროგრამას შესთავაზებთ, პაბსა და ტერასებზე კი უფრო თანამედროვესა და ენერგიულს. მსგავს სივრცეებში კერძის, მაგალითად, სტეიკის, მომზადების შოუც შეგიძლიათ დადგათ.
სანდოობა
მომხმარებლები მოითხოვენ, რომ ხარისხი და სერვისი სტაბილურად მაღალი, ფასი კი უცვლელი იყოს. ამ შემთხვევაში ისინი ენდობიან რესტორანს და წასვლამდე ყოველ ჯერზე არ უწევთ მენიუს გადამოწმება, სხვადასხვა ჯგუფებში მის კერძებზე აზრის გამოკითხვა და ფასების გადამოწმება. ხარისხის შენარჩუნებასა და შესაბამისად, ნდობის მოპოვებას რესტორანი „ჩემო კარგო“ დიდ ყურადღებას აქცევს. რესტორანში ფუნქციონირებს სურსათის უვნებლობის მენეჯმენტის სამსახური, ასევე მონიტორინგის სამსახური,რომელიც ყოველდღიურ რეჟიმში ამოწმებს ობიექტებზე სურსათისა და პროდუქტების უვნებლობასა და ხარისხს.
