როგორ დაემშვიდობა გიგი უგულავა შსს-ში შესვლამდე შვილს

"აბა თქვენ იცით! დროებით!" - ამ სიტყვებით დაემშვიდობა გიგი უგულავა მხარდამჭერებსა და თანაგუნდელებს, რის შემდეგაც ადვოკატთან ერთად შინაგან საქმეთა სამინისტროს შენობაში შევიდა.

შსს-ს ადმინისტრაციულ შენობასთან ოპოზიციის ლიდერი თანაგუნდელებთან ერთად მისმა თინეიჯერმა ქალიშვილმა, თინა უგულავამ მიაცილა, რომელიც შენობაში შესვლამდე მამას ემოციურად დაემშვიდობა.

შესაბამისი პროცედურების გავლის შემდეგ, სამართალდამცველები ოპოზიციონერ ლიდერს ე.წ "მატროსოვის" დაწესებულებაში გადაიყვანენ.

ცნობისთვის, უზენაესმა სასამართლომ გიგი უგულავა ე.წ ფონდის საქმეზე თანხის გაფლანგვაში დამნაშავედ ცნო და 3 წლით და 2 თვით პატიმრობა შეუფარდა.

აღნიშნულით უზენაესმა სასამართლომ ბრალდების მხარის შუამდგომლობა დააკმაყოფილა, რომლის მიხედვითაც, სახელმწიფო ბრალდება აცხადებდა, რომ გიგი უგულავამ თბილისის განვითარების ფონდიდან თანხები გაფლანგა.

ფოტო: გიორგი ჟამერაშვილი