9
ივლისიდღის ზოგადი ასტროლოგიური პროგნოზი
"დიდებული საუკუნის“ მსახიობს, ადნან კოჩს, 16 წლით და 8 თვით თავისუფლების აღკვეთა მიუსაჯეს. ინფორმაციას ამის შესახებ თურქული მედია ავრცელებს.
მსახიობი დამნაშავედ ცნეს პოლიციისთვის წინააღმდეგობის გაწევაში, ცეცხლსასროლი იარაღის უკანონოდ შენახვაში, მძევლების აყვანასა და ასევე ჯანმრთელობის განზრახ დაზიანებაში.
ადნან კოჩთან ერთად დაკავებულია მისი ძმაც, მეჰმეთ კოჩი, რომელსაც 4 წლით, 9 თვითა და 15 დღით თავისუფლების აღკვეთა მიესაჯა. გარდა ამისა, დაკავებულია კიდევ 5 პირი.
ადნან კოჩი 2018 წლის 15 მარტს, სტამბოლის ერთ-ერთ კაფეში დააკავეს, სადაც პოლიციელები ნარკოდანაშაულის გამოსავლენად სპეცოპერაციას ატარებდნენ. მსახიობმა და მისმა თანმხლებმა პირებმა სამართალდამცველებს წინააღმდეგობა გაუწიეს, ექვსი პოლიციელი დაჭრეს, რამდენიმე მათგანი კი მძევლად აიყვანეს.
როგორც თურქული მედია წერს, დაკავების პროცესში მსახიობი ნარკოტიკების მოხმარების დამადასტურებელი მტკიცებულებების განადგურებას ცდილობდა.
ადნან კოჩი თურქულ სერიალ "დიდებულ საუკუნეში“ მონაწილეობდა. სერიალი საქართველოში პოპულარობით სარგებლობდა და ის ქართველი მაყურებლისთვის კარგად ნაცნობი მსახიობია. ადნანი სერიალში ბეჰრამ ფაშას როლს ასრულებდა. მისი გმირი ერთ-ერთი პროვინციის ბეილერბეი იყო, რომელიც 46-ე სერიაში მოკლეს.
ეტყობა ისევე დიდებულ საუკუნეში ეგონა თავი
ახლა ეს ამბავი უნდა გვცოდნოდა? აუცილებელი იყო?