მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ მივხვდეთ, ალერგია გვაქვს თუ ვირუსი? - ალერგოლოგი დაავადებების მკურნალობის გზებზე
11:15 / 03-02-2020
ვირუსების აფეთქების პერიოდში, არაერთი ქრონიკული დაავადებაც მწვავდება. შესაძლოა, ალერგიაც გამწვავდეს. ვინაიდან გაცივების ვირუსს ახასიათებს - ცემინება, თავის ტკივილი, მოთენთილობა, ამ თვისებების გამო, შესაძლოა, ადამიანს ის ალერგიაშიც აერიოს.
როგორ უნდა განვასხვავოთ ეს ორი დაავადება ერთმანეთისგან - AMBEBI.GE-ს ალერგოლოგ-იმუნოლოგი მადონა დევიძე ესაუბრება:
- გაცივებასა და ალერგიას შორის სხვაობა ის არის, რომ გაცივებას სხვადასხვა სახის ვირუსული ინფექცია იწვევს, ალერგიას - ესა თუ ის ალერგენი, როგორიცაა, მაგალითად, ოთახის, ან მცენარეული მტვერი...
მათ ახასიათებს მსგავსი სიმპტომები და ამიტომ, პაციენტისთვის რთული საიდენტიფიკაციოა, გაციება სჭირს თუ ალერგია. ამ ორივე მდგომარეობას შეუძლია, გამოიწვიოს - სურდო, ცემინება, თავის ტკივილი, ცრემლდენა, ტემპერატურის მატება, ზოგადი სისუსტე, მაგრამ მაინც არსებობს მახასიათებელი, რითაც შეიძლება, პაციენტმა განასხვავოს ალერგია გაცივებისგან.
გაციების შემთხვევაში, პაციენტს სიმპტომები აქვს ხანმოკლე დროის ვადაში (მაქსიმუმ 2 კვირის განმავლობაში), წელიწადში რამდენმეჯერმე, ან წელიწადში ერთხელ, მაგრამ თუ ასეთი სიმპტომები ხშირია, ეს ალერგიაა.
როდესაც სიმპტომებს თან ახლავს - ზოგადი სისუსტე, დაღლილობის შეგრძნება, თავის, ყელის ტკივილი, შემცივნება, ტემპერატურის მატება, სახსრების, კუნთების ტკივილი, ეს გაციების სიმპტომებზე მეტყველებს და არა ალერგიაზე. ალერგიას ტემპერატურის მატება, ტკივილი არასდროს ახასიათებს. მხოლოდ იმ შემთხვევაში, თუკი ვთქვათ, ალერგია უშუალოდ ვირუსული ინფექციით გართულდება, თავად დამოუკიდებლად ალერგიისთვის, ტკივილი და ტემპერატურის მატება დამახასიათებელი არ არის. ვირუსის შემთხვევაში, მრავალჯერადი, გადაბმული ცემინება - 20-30-ჯერაც არც ისე ხშირია.
- არის თუ არა გაციებასთან და ალერგიასთან ბრძოლის მეთოდი მსგავსი?
- იქიდან გამომდინარე, რომ გაციებას და ალერგიას სხვადასხვა გამომწვევი მიზეზი აქვს, ბრძოლის მეთოდიც იქნება განსხვავებული.
- თუ პაციენტს ალერგია აქვს და ვირუსს მკურნალობდა, ამან რა გართულება შეიძლება გამოიწვიოს, რა შედეგამდე მივიდეს ავადმყოფი?
- თუ გვაქვს გაციება და ალერგიას ვმკურნალობთ, ან პირიქით, ეფექტიან შედეგს ვერ მივიღებთ, პაციენტის ცხოვრების ხარისხი მკვეთრად დაქვეითდება იმის გამო, რომ მას სიმპტომები არ მოეხსნება და პრობლემა დარჩება. ალერგიის შემთხვევაში თუკი ვმკურნალობთ ვირუსს და ალერგილოგთან ვიზიტი, დაავადების დიაგნოსტირება დაგვიანდა, ცუდ შედეგს უნდა ველოდეთ.
ხოლო თუ პაციენტს აქვს გაციება და მკურნალობს ალერგიაზე, შეიძლება ამან დაავადების დამძიმება გამოიწვიოს, გარკვეულად არ შეფასდეს მისი მდგომარეობა, გართულდეს ბაქტერიული ინფექციით, მაგალითად, ფილტვების ანთებით და ა.შ.
- რა უნდა გავაკეთოთ იმისთვის, რომ ვირუსი ალერგიაში არ აგვერიოს?
- პირველ რიგში, პაციენტის ინფორმირებულობა გვეხმარება იმაში, რომ მან თავად მოახდინოს იდენტიფიცირება რასთან აქვს საქმე - ალერგიასთან თუ ვირუსულ ინფექციასთან. იმ შემთხვევაში, თუკი თვითონ ვერ ასხვავებს, დროულად უნდა მიმართოს ექიმს (ოჯახის ექიმი, თუ ვიწრო სპეციალისტი). ამ ყველაფრის გარკვევაში ექიმი-ალერგოლოგი დაეხმარება.
- რაც შეეხება აცრებს, დაგვიცავს თუ არა ის საფრთხისგან?
- ზოგადად, გაციების სიმპტომების გამოწვევა 200-ზე მეტ ვირუსს შეუძლია, იქნება ეს გრიპის ვირუსი, რინოვირუსი, რესპირატორული ვირუსი და სხვა. შესაბამისად, ვაქცინაცია ყველა ვირუსზე ვერ ჩატარდება და არც არის რეკომენდებული.
გრიპის ვირუსის შტამების შამადგენელი ვაქცინა წინა წლებში სამკომპონენტიანი იყო, ბოლო წლებში 4-კომპონენტიანი გახდა.
- რატომ მაინცდამაინც ამ ოთხ ვირუსზე?
- გამოირჩევა მახვილი გადამდებებით, გრძივი მიმდინარეობებით, სერიოზული გართულებებით, მათ შორის, სიკვდილითაც შეიძლება დასრულდეს. ვინაიდან ეს ვირუსი ასეთი რთულია, მის წინააღმდეგ მსოფლიო ჯანდაცვის ორგანიზაცია რეკომენდაციას იძლევა, რომ ჩატარდეს ვაქცინაცია. ყველა დანარჩენი ვირუსი ნაკლებგადამდებად ითვლება და სერიოზულ გართულებებს არ იწვევს.
პრევენცია არის ექიმთან დროული ვიზიტი, რომ სწრაფად მოხდეს ამ ყველაფრის აღმოფხვრა. პრევენციაა ხელების ხშირი დაბანა, საზოგადოებრივი თავშეყრის ადგილებში მოხვედრისგან თავის არიდება, დაავადებულთან კონტაქტისგან თავის შეკავება, ჰიგიენის ნორმების დაცვა, საკუთარი ჭურჭლის ქონა. ალერგიის შემთხვევაში, დროული მიმართვა ალერგოლოგთან და როდესაც ალერგიული პაციენტი ნამკურნალები იქნება თავისი ძირითადი დაავადების კუთხით, ვირუსული ინფექციაც ნაკლებად დაემართება.
- გაციება იწვევს თუ არა ალერგიის პროვოცირებას?
- გამწვავება მუდმივად შეიძლება. თუ ალერგიული რინიტი, ბრონქული ასთმა კონტროლირებული არ არის, მასზე უკვე ადვილად ხდება ვირუსული, ბაქტერიული ინფექციის მიერთება და შესაბამისად პაციენტის მდგომარეობის მძიმდება, უარესდება.
თუკი პაციენტს ხშირად აწუხებს აღნიშნული სიმპტომები, რომლებიც ხანგრძლივად მიმდინარეობს, დროულად უნდა მიმართოს ალერგოლოგს. ალერგიის მკურნალობის შემდეგ ადვილად შენიშნავს, რომ ვირუსული ინფექციის გართულებები მკვეთრად შემცირდება წელიწადის ნებისმიერ დროს.
- ვაქცინაციასთან დაკავშირებით არსებობს სტერეოტიპი, რომ იმუნური სიტემა ირყევა და სუსტდება. რას იტყვით ამაზე?
- ეს მოსაზრება სიმართლეს არ შესაბამება. პაციენტს უმუშავდება იმუნიტეტი უშუალოდ იმ შტამის მიმართ, რის წინააღმდეგაც ჩატარდა ვაქცინა და ეს არ იწვევს ზოგადი იმუნური სისტემის დაქვეითებას. როდესაც ორგანიზმში ვაქცინა შეჰყავთ, ხდება იმუნური სისტემის გააქტიურება და ანტისხეულების გამომუშავება უშუალოდ იმ ვაქცინის შემადგენელი კომპონენტების მიმართ. ასე რომ, ვაქცინაცია არ ასუსტებს ორგანიზმს და სხვა დაავადებების რისკს არ ზრდის.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბსოლიტურად არაფრის მომცემი სტატია!